newsics.com | ನ್ಯೂಸಿಕ್ಸ್
ನಮ್ಮ ದೇಶದಲ್ಲಿ ಹೆಣ್ಣುಮಕ್ಕಳಿಗೆ 25 ವರ್ಷ ತುಂಬುತ್ತಲೇ ಮನೆಯಲ್ಲಿ ಮದುವೆಯ ಒತ್ತಡ ಶುರುವಾಗುತ್ತದೆ. ಸದ್ಯ, ಇದೇ ಮದುವೆ ಕಿರಿಕಿರಿ ತಾಳಲಾರದೆ ಯುವತಿಯೊಬ್ಬಳು ವಿಚಿತ್ರ ನಿರ್ಧಾರ ತಗೆದುಕೊಂಡಿದ್ದು, ಆಕೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗುತ್ತಿದೆ.
ಹೌದು, ಕೀರ್ತನಾ ಮೆನನ್ ಎಂಬ ಯುವತಿಗೆ ಮನೆಯವರು ಮದುವೆ ಮಾಡಲು ಸಿದ್ಧತೆ ನಡೆಸಿದ್ದರು. ಆದರೆ ಕೀರ್ತನಾಗೆ ಮದುವೆ ಇಷ್ಟವಿರಲಿಲ್ಲ. ಮನೆಯವರ ಒತ್ತಾಯದಿಂದ ತಪ್ಪಿಸಿಕೊಳ್ಳಲು ಆಕೆ ತನ್ನ ತಲೆ ಕೂದಲನ್ನು ಸಂಪೂರ್ಣವಾಗಿ ಬೋಳಿಸಿಕೊಂಡಿದ್ದಾಳೆ. ಕ್ಷೌರಿಕನು ತಲೆ ಬೋಳಿಸುತ್ತಿದ್ದರೂ ಆಕೆ ಯಾವುದೇ ಭಯವಿಲ್ಲದೆ ಗಂಭೀರವಾಗಿ ಕುಳಿತಿರುವ ವಿಡಿಯೋ ಈಗ ಎಲ್ಲೆಡೆ ಹರಿದಾಡುತ್ತಿದೆ.
ಜನರ ಪ್ರತಿಕ್ರಿಯೆ ಏನಿದೆ?
ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ. ಕೆಲವರು ಯುವತಿಯ ಪರವಾಗಿ ನಿಂತು, ಒಬ್ಬ ಹೆಣ್ಣುಮಗಳು ತನ್ನ ಅಂದದ ಕೂದಲನ್ನೇ ಸಂಪೂರ್ಣವಾಗಿ ತೆಗೆಸಿಕೊಂಡಿದ್ದಾಳೆ ಎಂದರೆ ಮನೆಯಲ್ಲಿ ಆಕೆಗೆ ಮದುವೆಗಾಗಿ ಎಷ್ಟು ದೊಡ್ಡ ಮಟ್ಟದ ಮಾನಸಿಕ ಹಿಂಸೆ ಇರಬಹುದು ಎಂದು ಆಕೆಯ ಪರಿಸ್ಥಿತಿಯನ್ನು ಅರ್ಥ ಮಾಡಿಕೊಂಡಿದ್ದಾರೆ. ಇನ್ನು ಕೆಲವರು ಆಕೆಯ ನಿರ್ಧಾರವನ್ನು ವಿರೋಧಿಸಿದ್ದು, ತನ್ನ ಹೆತ್ತವರನ್ನೇ ಒಪ್ಪಿಸಲು ಸಾಧ್ಯವಾಗದ ಈಕೆ ಮುಂದೆ ಸಂಸಾರವನ್ನು ಹೇಗೆ ನಿಭಾಯಿಸುತ್ತಾಳೆ ಎಂದು ಪ್ರಶ್ನಿಸಿದ್ದಾರೆ. ಮತ್ತೊಂದೆಡೆ, ಮದುವೆ ಎಂಬುದು ನಿಸರ್ಗದ ನಿಯಮವಾಗಿದ್ದು, ಎಲ್ಲರೂ ಇದೇ ರೀತಿ ಮದುವೆ ಬೇಡ ಎಂದು ಹಠ ಹಿಡಿದರೆ ಮಾನವ ಸಂಕುಲವೇ ನಾಶವಾಗುತ್ತದೆ ಎಂದು ಕೆಲವರು ನೀತಿ ಪಾಠ ಹೇಳುತ್ತಿದ್ದಾರೆ.
A young woman refused her mother’s pressure to get married, so she came up with a bold plan💀 pic.twitter.com/m5uLFzmQgO
— Ghar Ke Kalesh (@gharkekalesh) July 13, 2026
DK Shivakumar ಹೆಣ್ಣು ಆನೆ ದಾನ ಮಾಡಿ: ಕೇರಳ ಸರ್ಕಾರಕ್ಕೆ ಪತ್ರ ಬರೆದ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್
