newsics.com | ನ್ಯೂಸಿಕ್ಸ್
ಪ್ರತಿನಿತ್ಯದಂತೆ ಇಂದೂ ಕೂಡ ದ್ವಾದಶ ರಾಶಿಗಳ ಫಲ ಹಾಗೂ ದಿನದ ವಿಶೇಷ ಪಂಚಾಂಗ ಮಾಹಿತಿಗಳು ಲಭ್ಯವಾಗಿವೆ. ಇಂದು ಧನು ರಾಶಿಯವರಿಗೆ ವಾಹನ ರಿಪೇರಿ ವೆಚ್ಚ ಎದುರಾದರೆ, ಕನ್ಯಾ ರಾಶಿಯವರು ಜೀವನಶೈಲಿ ಬದಲಾವಣೆಗೆ ಒಲವು ತೋರಲಿದ್ದಾರೆ. ಇಂದಿನ ಪೂರ್ಣ ರಾಶಿಫಲ ಮತ್ತು ಪಂಚಾಂಗದ ವಿವರ ಇಲ್ಲಿದೆ.
ಮೇಷ ರಾಶಿ: ಇಂದು ನಿಮಗೆ ಮಾನಸಿಕ ದ್ವಂದ್ವಗಳು ಎದುರಾಗಲಿದ್ದು, ನಿರ್ಧಾರ ಕೈಗೊಳ್ಳಲು ಕಷ್ಟವಾಗಬಹುದು. ವೈವಾಹಿಕ ಜೀವನ ಸುಖಮಯವಾಗಿರುತ್ತದೆ. ಹಳೆಯ ಪ್ರೇಯಸಿಯಿಂದ ಆಹ್ವಾನ ಬರುವ ಸಾಧ್ಯತೆ ಇದೆ. ಕಛೇರಿಯಲ್ಲಿ ಹಳೆಯ ವೈಮನಸ್ಯ ಹೆಚ್ಚಾಗಬಹುದು. ಶತ್ರುಗಳನ್ನು ಮಿತ್ರರನ್ನಾಗಿ ಮಾಡಿಕೊಳ್ಳುವ ತಂತ್ರ ರೂಪಿಸುವಿರಿ. ಕೆಲವು ಹವ್ಯಾಸಗಳು ಚಟವಾಗಿ ಬದಲಾಗದಂತೆ ಎಚ್ಚರ ವಹಿಸಿ. ಆಪ್ತರ ಸಲಹೆ ಪಡೆಯುವುದು ಉತ್ತಮ.
ವೃಷಭ ರಾಶಿ: ನಿಮ್ಮ ಶ್ರಮಕ್ಕೆ ದೈವಬಲ ಒಲಿಯಲಿದೆ. ಮಾತಿನಿಂದ ಎಲ್ಲರ ಮೆಚ್ಚುಗೆ ಗಳಿಸುವಿರಿ. ಹೊಸ ಜವಾಬ್ದಾರಿಗಳು ಹೆಗಲೇರಲಿವೆ. ಆದರೆ ಕಾನೂನು ವಿರೋಧಿ ಕೆಲಸಗಳಿಂದ ಹಣ ಗಳಿಸಲು ಹೋಗಬೇಡಿ, ಇದು ವೃತ್ತಿಜೀವನದ ಮೇಲೆ ಪ್ರಭಾವ ಬೀರಬಹುದು. ಅನಿರೀಕ್ಷಿತ ಘಟನೆಗಳು ಮನಸ್ಸಿನ ನೆಮ್ಮದಿ ಕೆಡಿಸಬಹುದು. ಹೂಡಿಕೆಯಲ್ಲಿ ಲಾಭ ಕಾದಿದೆ. ಅತಿಯಾದ ಆತ್ಮವಿಶ್ವಾಸದ ಜೊತೆಗೆ ಪೂರ್ವಾಪರ ಜ್ಞಾನವೂ ಇರಲಿ.
ಮಿಥುನ ರಾಶಿ: ತಂದೆಯ ಜೊತೆ ಹಣಕಾಸಿನ ವಿಚಾರವಾಗಿ ಕಲಹ ಉಂಟಾಗುವ ಸಾಧ್ಯತೆ ಇದೆ. ಮನಸ್ಸು ಉದ್ವೇಗಕ್ಕೆ ಒಳಗಾಗದಂತೆ ನಿಯಂತ್ರಿಸಿ. ಸದ್ದಿಲ್ಲದೆ ನೀವು ಮಾಡುವ ಕೆಲಸ ಎಲ್ಲರಿಗೂ ಅಚ್ಚರಿ ಮೂಡಿಸಲಿದೆ. ಹಿರಿಯರ ಮಾತುಗಳನ್ನು ಗೌರವದಿಂದ ಆಲಿಸಬೇಕಾಗಬಹುದು. ಹಳೆಯ ಆರೋಗ್ಯ ಸಮಸ್ಯೆ ಮರುಕಳಿಸುವ ಸಾಧ್ಯತೆ ಇದೆ. ತಂದೆಯಿಂದ ಹಣದ ಸಹಾಯ ಪಡೆದು ಅಗತ್ಯ ವಸ್ತುಗಳನ್ನು ಖರೀದಿಸುವಿರಿ. ವಿದ್ಯಾಭ್ಯಾಸಕ್ಕೆ ಪೂರಕ ವಾತಾವರಣ ಇರಲಿದೆ.
ಕರ್ಕಾಟಕ ರಾಶಿ: ಮಕ್ಕಳಿಂದ ಸಂತೋಷದ ವಾರ್ತೆ ಕೇಳಲಿದ್ದೀರಿ. ಸ್ನೇಹಿತರಿಗಾಗಿ ಸಮಯ ಮೀಸಲಿಡಬೇಕಾಗಬಹುದು. ಇತರರ ಪ್ರಭಾವಕ್ಕೆ ಒಳಗಾಗಿ ನಿಮ್ಮನ್ನು ನೀವು ಬದಲಾಯಿಸಿಕೊಳ್ಳುವಿರಿ. ಅಪೂರ್ಣಗೊಂಡ ಕೆಲಸಗಳನ್ನು ಪೂರ್ಣಗೊಳಿಸಲು ಚಿಂತನೆ ನಡೆಸುವಿರಿ. ಮಕ್ಕಳಿಗೆ ನಿಮ್ಮ ಪ್ರೋತ್ಸಾಹದ ಅಗತ್ಯವಿದೆ. ಯಾವುದನ್ನೂ ‘ಆಗದು’ ಎಂದು ನಕಾರಾತ್ಮಕವಾಗಿ ಮಾತನಾಡಬೇಡಿ.
ಸಿಂಹ ರಾಶಿ: ಕಟ್ಟಡ ನಿರ್ಮಾಣ ಕಾರ್ಯ ಹಾಗೂ ಸ್ಥಿರಾಸ್ತಿ ಖರೀದಿಯಲ್ಲಿ ಯಶಸ್ಸು ಸಿಗಲಿದೆ. ಹೊಸ ಕೆಲಸವನ್ನು ಆರಂಭಿಸಲು ಧೈರ್ಯದ ಕೊರತೆ ಕಾಡಬಹುದು ಮತ್ತು ಬೆಂಬಲ ಸಿಗುವುದು ಕಷ್ಟ. ಪ್ರೇಮ ಸಂಬಂಧದಲ್ಲಿ ನಿರಾಸೆ ಮೂಡಬಹುದು. ಹೂಡಿಕೆಯಲ್ಲಿ ಬದಲಾವಣೆ ಬಯಸುವಿರಿ. ಅಕಾರಣವಾಗಿ ದುಃಖದ ಸನ್ನಿವೇಷಗಳು ಎದುರಾಗಬಹುದು. ನಿಮ್ಮ ಆಲೋಚನೆಯಂತೆ ಎಲ್ಲವೂ ನಡೆಯುತ್ತಿರುವುದು ಖುಷಿ ನೀಡಲಿದೆ.
ಕನ್ಯಾ ರಾಶಿ: ನಿಮ್ಮ ನಿರೀಕ್ಷಿತ ವೇಗದಲ್ಲಿ ಕೆಲಸಗಳು ಸಾಗುತ್ತಿಲ್ಲ ಎಂಬ ಹತಾಶೆ ಮೂಡಬಹುದು. ವ್ಯಾಪಾರದಲ್ಲಿ ಅತಿಯಾದ ಲಾಭ ನಿರೀಕ್ಷಿಸಬೇಡಿ. ಹೂಡಿಕೆ ಮಾಡಲು ಇಚ್ಛಿಸಿದರೆ ಅಲ್ಪ ಪ್ರಮಾಣದಲ್ಲಿ ಮಾಡಿ. ನಿಮ್ಮ ಮಾತಿನಲ್ಲಿ ತಪ್ಪು ಹುಡುಕುವವರಿಗೆ ಹೆದರುವಿರಿ. ಹೊಸತನವನ್ನು ಇಷ್ಟಪಟ್ಟು ಜೀವನಶೈಲಿ ಬದಲಿಸಿಕೊಳ್ಳಲು ಪ್ರಯತ್ನಿಸುವಿರಿ. ಭವಿಷ್ಯದ ಕನಸುಗಳು ಸಾಕಾರಗೊಳ್ಳಲಿವೆ.
ತುಲಾ ರಾಶಿ: ನೀವು ಆಯ್ಕೆ ಮಾಡಿಕೊಂಡ ಕ್ಷೇತ್ರದಲ್ಲೇ ನಿಮಗೆ ಯಶಸ್ಸು ಸಿಗಲಿದೆ, ಆದರೆ ಕಠಿಣ ಶ್ರಮ ಅಗತ್ಯ. ಹಳೆಯ ಸ್ನೇಹ ಬಲಗೊಳ್ಳಲಿದೆ. ಕಛೇರಿಯಲ್ಲಿ ಇಂದು ಅಸಮಾಧಾನದ ವಾತಾವರಣ ಇರಲಿದ್ದು, ಮೇಲಧಿಕಾರಿಗಳಿಂದ ಬೈಗುಳ ಕೇಳಬೇಕಾಗಬಹುದು. ನಿಮ್ಮ ವಿರುದ್ಧ ಯಾರೋ ಸಂಚು ರೂಪಿಸುತ್ತಿದ್ದಾರೆಂಬ ಅನುಮಾನ ಕಾಡಲಿದೆ. ಆದಾಗ್ಯೂ, ‘ಆಗುವುದೆಲ್ಲ ಒಳ್ಳೆಯದಕ್ಕೆ’ ಎಂಬ ಸಕಾರಾತ್ಮಕ ಚಿಂತನೆ ನಿಮ್ಮನ್ನು ಕಾಯಲಿದೆ.
ವೃಶ್ಚಿಕ ರಾಶಿ: ಬಹಳ ದಿನಗಳಿಂದ ಬಾಕಿ ಉಳಿದಿದ್ದ ಕೆಲಸಗಳು ಶೀಘ್ರವಾಗಿ ಪೂರ್ಣಗೊಳ್ಳಲಿವೆ. ಮಕ್ಕಳಿಂದ ಅಪಮಾನವಾಗುವ ಸಾಧ್ಯತೆ ಇದೆ ಎಚ್ಚರ. ಕಾಲು ನೋವಿನ ಸಮಸ್ಯೆ ತೀವ್ರವಾಗಬಹುದು. ನಿಮ್ಮ ನಾಯಕತ್ವದ ಗುಣ ಎಲ್ಲರಿಗೂ ಮನವರಿಕೆಯಾಗಲಿದೆ. ಅಧಿಕಾರ ಸಿಕ್ಕಾಗ ದುರಹಂಕಾರ ಬೇಡ, ನೈತಿಕತೆಯಿಂದ ವರ್ತಿಸಿ. ದಾಂಪತ್ಯದ ಕಲಹವು ಮಕ್ಕಳ ಮೇಲೆ ನಕಾರಾತ್ಮಕ ಪ್ರಭಾವ ಬೀರಬಹುದು.
ಧನು ರಾಶಿ: ಉದ್ಯೋಗದ ಸ್ಥಳದಲ್ಲಿ ಕೆಲಸ ಕಾರ್ಯಗಳು ವೇಗವಾಗಿ ಸಾಗಲಿವೆ. ವಾಹನ ರಿಪೇರಿಯಿಂದಾಗಿ ಅನಿರೀಕ್ಷಿತ ಖರ್ಚು ವೆಚ್ಚಗಳು ಎದುರಾಗಲಿವೆ. ಕುಟುಂಬದಲ್ಲಿ ತಾನೇ ಶ್ರೇಷ್ಠ ಎಂಬ ಅಹಂಕಾರ ಬೇಡ. ಸ್ಥಳ ಖರೀದಿಗೆ ಕೂಡಿಟ್ಟ ಹಣವು ಬೇರೆ ಕಾರ್ಯಕ್ಕೆ ವ್ಯಯವಾಗಬಹುದು. ಹಠಾತ್ ಜವಾಬ್ದಾರಿಗಳನ್ನು ಉಳಿಸಿಕೊಳ್ಳಲು ಪ್ರಯತ್ನಿಸಿ. ಯಾರನ್ನೂ ನಂಬದ ನೀವು ಇಂದು ನಂಬಿ ಮೋಸಹೋಗುವ ಸಾಧ್ಯತೆ ಇದೆ.
ಮಕರ ರಾಶಿ: ಪರಿಸ್ಥಿತಿಗೆ ತಕ್ಕಂತೆ ಸರಿಯಾದ ಬದಲಾವಣೆಗಳನ್ನು ರೂಢಿಸಿಕೊಳ್ಳಿ. ಯಾರನ್ನೂ ಸಾಮಾನ್ಯರೆಂದು ನಿರ್ಲಕ್ಷಿಸಬೇಡಿ, ಅವರ ಯೋಗ್ಯತೆಯನ್ನು ಹೊರಗಿನ ಪೋಷಾಕಿನಿಂದ ಅಳೆಯಲು ಸಾಧ್ಯವಿಲ್ಲ. ಒತ್ತಡಗಳು ನಿಮ್ಮ ಆರೋಗ್ಯವನ್ನು ಮತ್ತಷ್ಟು ಹದಗೆಡಿಸಬಹುದು. ಸಣ್ಣ ಸಣ್ಣ ಖರ್ಚುಗಳು ಒಟ್ಟಾಗಿ ದೊಡ್ಡ ಮೊತ್ತವಾಗಿ ಕಾಣಿಸಬಹುದು. ಸಂಕಷ್ಟದ ಸಮಯದಲ್ಲಿ ಸಮಾಧಾನ ತಂದುಕೊಳ್ಳುವುದು ಮುಖ್ಯ.
ಕುಂಭ ರಾಶಿ: ಹತ್ತಿರದ ಊರುಗಳಿಗೆ ಪ್ರಯಾಣ ಬೆಳೆಸುವ ಯೋಗವಿದೆ. ಹಳೆಯ ವಿಚಾರಗಳನ್ನು ಪತಿಯಿಂದ ಕೇಳುವ ಸಂದರ್ಭ ಬರಬಹುದು. ಸಾಮಾಜಿಕ ಕ್ಷೇತ್ರದಲ್ಲಿ ತೊಡಗಿಸಿಕೊಂಡವರಿಗೆ ತಾಳ್ಮೆ ಅತ್ಯಗತ್ಯ. ಆರ್ಥಿಕ ಹೊಂದಾಣಿಕೆಗಳು ತಾತ್ಕಾಲಿಕವಾಗಿರಲಿವೆ. ನಿಮ್ಮ ಸ್ವಭಾವವನ್ನು ತಿದ್ದಿಕೊಳ್ಳಲು ಬಯಸಿದರೂ ಸುತ್ತಮುತ್ತಲಿನವರು ಅದಕ್ಕೆ ಬಿಡಲಾರರು. ಕ್ರೀಡಾಪಟುಗಳಿಗೆ ನಿರಂತರ ಶ್ರಮ ಅಗತ್ಯವಿದೆ. ತಾಯಿಯಿಂದ ಧನಲಾಭವಾಗಲಿದೆ.
ಮೀನ ರಾಶಿ: ನಿಮ್ಮ ಹತ್ತಾರು ಕನಸುಗಳಲ್ಲಿ ಇಂದು ಒಂದು ಕನಸು ನನಸಾಗಲಿದೆ. ಬಂಧುಗಳ ವಿಯೋಗದ ವಾರ್ತೆ ಕೇಳಿ ಬರಬಹುದು. ಅಶಕ್ತರಿಗೆ ಸಹಾಯ ಹಸ್ತ ಚಾಚುವಿರಿ. ಅತಿಯಾದ ಹಠಮಾರಿತನ ಒಳ್ಳೆಯದಲ್ಲ. ನಿಮ್ಮ ಬಗ್ಗೆ ನಕಾರಾತ್ಮಕ ಮಾತುಗಳು ಕೇಳಿಬರಬಹುದು. ಮಹಿಳೆಯರು ನಿಮ್ಮನ್ನು ಪ್ರಶಂಸಿಸುವ ಸಾಧ್ಯತೆ ಇದೆ. ಯೋಜನೆಗಳು ಅಂದುಕೊಂಡಂತೆ ನಡೆಯದಿದ್ದಾಗ ಒತ್ತಡದಿಂದ ಹೊರಬರಲು ಪ್ರಯತ್ನಿಸಿ.
ಇಂದಿನ ಪಂಚಾಂಗ ವಿವರ
- ಸಂವತ್ಸರ: ಶಾಲಿವಾಹನ ಶಕೆ 1949ರ ಪರಾಭವ ಸಂವತ್ಸರ
- ಅಯನ: ಉತ್ತರಾಯಣ
- ಋತು: ಗ್ರೀಷ್ಮ ಋತು
- ಚಾಂದ್ರಮಾಸ: ಜ್ಯೇಷ್ಠ, ಸೌರಮಾಸ: ಮಿಥುನ
- ಮಹಾನಕ್ಷತ್ರ: ಆರ್ದ್ರಾ
- ವಾರ: ಗುರುವಾರ, ಪಕ್ಷ: ಕೃಷ್ಣ ಪಕ್ಷ
- ತಿಥಿ: ತೃತೀಯಾ
- ನಿತ್ಯನಕ್ಷತ್ರ: ಶ್ರವಣಾ
- ಯೋಗ: ವೈಧೃತಿ, ಕರಣ: ಗರಜ
- ಸೂರ್ಯೋದಯ: ಬೆಳಿಗ್ಗೆ 05:58 ಕ್ಕೆ
- ಸೂರ್ಯಾಸ್ತ: ಸಂಜೆ 06:48 ಕ್ಕೆ
ಶುಭಾಶುಭ ಕಾಲಗಳು:
- ರಾಹು ಕಾಲ: ಮಧ್ಯಾಹ್ನ 13:59 ರಿಂದ 15:36 ರವರೆಗೆ
- ಯಮಗಂಡ ಕಾಲ: ಮುಂಜಾನೆ 05:59 ರಿಂದ 06:35 ರವರೆಗೆ
- ಗುಳಿಕ ಕಾಲ: ಬೆಳಿಗ್ಗೆ 09:11 ರಿಂದ 10:47 ರವರೆಗೆ
Health – Tea challenge 30 ದಿನ ಬಿಟ್ಟುಬಿಡಿ, ಅದ್ಭುತ ಬದಲಾವಣೆ ನೋಡಿ
