newsics.com | ನ್ಯೂಸಿಕ್ಸ್
ನ್ಯೂಯಾರ್ಕ್: ಆರೋಗ್ಯ ಉತ್ಪನ್ನಗಳ ದೈತ್ಯ ಸಂಸ್ಥೆಯಾದ ಜಾನ್ಸನ್ ಅಂಡ್ ಜಾನ್ಸನ್, ತನ್ನ ಬೇಬಿ ಪೌಡರ್ ಹಾಗೂ ಇತರೆ ಟಾಲ್ಕ್ ಉತ್ಪನ್ನಗಳಿಂದ ಅಂಡಾಶಯದ ಕ್ಯಾನ್ಸರ್ ಬಾಧಿಸಿದೆ ಎಂಬ ಗಂಭೀರ ಆರೋಪದಡಿ ದಾಖಲಾಗಿದ್ದ ಸಾವಿರಾರು ಮೊಕದ್ದಮೆಗಳನ್ನು ಇತ್ಯರ್ಥಪಡಿಸಲು ಬೃಹತ್ ಮೊತ್ತದ ಪರಿಹಾರ ಘೋಷಿಸಿದೆ. ಅಂದಾಜು 5.5 ಕೋಟಿ ರೂಪಾಯಿಗೂ ಹೆಚ್ಚಿನ ಮೊತ್ತದ ಪರಿಹಾರ ನೀಡಿ ಪ್ರಕರಣವನ್ನು ಇತ್ಯರ್ಥಗೊಳಿಸಲು ಕಂಪನಿ ಒಪ್ಪಂದ ಮಾಡಿಕೊಂಡಿದೆ.
ಅಮೆರಿಕದಲ್ಲಿ ಜಾನ್ಸನ್ ಅಂಡ್ ಜಾನ್ಸನ್ ಕಂಪನಿ ವಿರುದ್ಧ ಬರೋಬ್ಬರಿ 76,000ಕ್ಕೂ ಹೆಚ್ಚು ದೂರುಗಳು ಸಲ್ಲಿಕೆಯಾಗಿದ್ದವು. ಟಾಲ್ಕಮ್ ಪೌಡರ್ ಬಳಕೆ ಕಾರಣದಿಂದಲೇ ತಮಗೆ ಕ್ಯಾನ್ಸರ್ ಬಂದಿದೆ ಎಂದು ಆರೋಪಿಸಿ ನೊಂದ ಮಹಿಳೆಯರು ಹಾಗೂ ಅವರ ಕುಟುಂಬದವರು ನ್ಯಾಯಾಲಯದ ಮೊರೆ ಹೋಗಿದ್ದರು. ಕಳೆದ ಒಂದು ದಶಕದಿಂದ ಮುಂದುವರಿದಿದ್ದ ಈ ಬೃಹತ್ ಕಾನೂನು ಸಮರಕ್ಕೆ ಈಗ ಪರಿಹಾರದ ಮೂಲಕ ತೆರೆ ಎಳೆಯುವ ನಿರ್ಣಾಯಕ ಹೆಜ್ಜೆಯನ್ನು ಇಡಲಾಗಿದೆ.
ಈ ಮಹತ್ವದ ಒಪ್ಪಂದವು ಸಂಪೂರ್ಣ ಕಾನೂನು ಮಾನ್ಯತೆ ಪಡೆಯಬೇಕಾದರೆ, ದೂರು ದಾಖಲಿಸಿರುವ ಒಟ್ಟು ಸಂತ್ರಸ್ತರಲ್ಲಿ ಶೇಕಡಾ 95ರಷ್ಟು ಮಂದಿ ಈ ಪರಿಹಾರದ ಪ್ರಸ್ತಾಪವನ್ನು ಒಪ್ಪಿಕೊಳ್ಳುವುದು ಕಡ್ಡಾಯವಾಗಿದೆ. ಒಂದು ವೇಳೆ ಇಷ್ಟು ಪ್ರಮಾಣದ ದೂರುದಾರರು ಒಪ್ಪಿಗೆ ಸೂಚಿಸಿದರೆ, ಅಮೆರಿಕದ ಕಾರ್ಪೊರೇಟ್ ವಲಯದ ಇತಿಹಾಸದಲ್ಲೇ ಅತ್ಯಂತ ದೊಡ್ಡ ಕಾನೂನು ವಿವಾದವೊಂದು ಅಧಿಕೃತವಾಗಿ ಅಂತ್ಯಗೊಂಡಂತಾಗುತ್ತದೆ.
Farmers Protest ಕಾವೇರಿ ನೀರು ಹರಿಸಲು CWRC ಆದೇಶ; ಮಂಡ್ಯದಲ್ಲಿ ಮುಗಿಲುಮುಟ್ಟಿದ ರೈತರ ಆಕ್ರೋಶ
