newsics.com | ನ್ಯೂಸಿಕ್ಸ್
ಟೋಕಿಯೋ: ಜಪಾನ್ ದೇಶದ ದಕ್ಷಿಣ ಭಾಗದ ಕ್ಯುಶು ದ್ವೀಪದ ಕುಮಾಮೊಟೊ ಪ್ರಾಂತ್ಯದಲ್ಲಿ 7.1 ತೀವ್ರತೆಯ ಭಾರಿ ಭೂಕಂಪನ ದಾಖಲಾಗಿದೆ. ಭೂಕಂಪನದ ಕೇಂದ್ರಬಿಂದುವು ಸಮುದ್ರ ಮಟ್ಟದಿಂದ 10 ಕಿಲೋಮೀಟರ್ ಆಳದಲ್ಲಿತ್ತು ಎಂದು ಜಪಾನ್ ಹವಾಮಾನ ಇಲಾಖೆ (JMA) ಖಚಿತಪಡಿಸಿದೆ.
ಭೂಮಿಯ ಭಾರೀ ಕಂಪನಕ್ಕೆ ಪ್ರಾಂತ್ಯದ ಹಲವು ವಸತಿ ಹಾಗೂ ವ್ಯಾಪಾರ ಕಟ್ಟಡಗಳು ಧರೆಗುರುಳಿವೆ. ಈ ದುರ್ಘಟನೆಯಲ್ಲಿ ಹಲವರು ಗಾಯಗೊಂಡಿದ್ದು, ರಕ್ಷಣಾ ಕಾರ್ಯ ಮುಂದುವರೆದಿದೆ. ಪ್ರಕೃತಿಯ ಈ ವಿಕೋಪದ ಬೆನ್ನಲ್ಲೇ ಎಚ್ಚೆತ್ತ ಜಪಾನ್ ಆಡಳಿತವು ಸುನಾಮಿ ಮುನ್ನೆಚ್ಚರಿಕೆ ನೀಡಿದೆ. ಸಮುದ್ರದಲ್ಲಿ ಒಂದು ಮೀಟರ್ ಎತ್ತರದವರೆಗೂ ಅಲೆಗಳು ಅಪ್ಪಳಿಸುವ ಮುನ್ಮೂಚನೆ ಇರುವುದರಿಂದ, ತೀರ ಪ್ರದೇಶದ ಜನಸಾಮಾನ್ಯರು ತಕ್ಷಣವೇ ಎತ್ತರದ ಪ್ರದೇಶಗಳಿಗೆ ತೆರಳುವಂತೆ ಕಠಿಣ ನಿರ್ದೇಶನ ಹೊರಡಿಸಲಾಗಿದೆ.
ಭೂಕಂಪನದ ಬಳಿಕ ಪ್ರಮುಖ ಪರಮಾಣು ವಿದ್ಯುತ್ ಉತ್ಪಾದನಾ ಕೇಂದ್ರಗಳಲ್ಲಿ ಯಾವುದೇ ಅನಾಹುತ ಅಥವಾ ಅಸಹಜತೆ ವರದಿಯಾಗಿಲ್ಲ ಎಂದು ಪರಮಾಣು ನಿಯಂತ್ರಣ ಮಂಡಳಿ ತಿಳಿಸಿದೆ. ಆದಾಗ್ಯೂ, ಕುಮಾಮೊಟೊ ಸೇರಿದಂತೆ ನಾಗಸಾಕಿ, ಕಾಗೋಶಿಮಾ, ಫುಕುವೋಕಾ, ಸಾಗಾ, ಓಯಿಟಾ ಮತ್ತು ಮಿಯಾಜಾಕಿ ಪ್ರಾಂತ್ಯಗಳಲ್ಲಿ ಹೈಅಲರ್ಟ್ ಘೋಷಿಸಲಾಗಿದೆ.
Video shows the impact of the massive 7.1 earthquake in Japan. pic.twitter.com/6fLrO0MfoA
— Vani Mehrotra (@vani_mehrotra) July 28, 2026
ಕೇವಲ ಏಳು ದಿನಗಳ ಅಂತರದಲ್ಲಿ ಜಪಾನ್ನಲ್ಲಿ ಸಂಭವಿಸಿದ ಎರಡನೇ ದೊಡ್ಡ ಭೂಕಂಪ ಇದಾಗಿದೆ. ಜಗತ್ತಿನ ಅತಿಹೆಚ್ಚು ಭೂಕಂಪಪೀಡಿತ ‘ರಿಂಗ್ ಆಫ್ ಫೈರ್’ ವಲಯದಲ್ಲಿ ಜಪಾನ್ ಇರುವುದರಿಂದ, ಇಂತಹ ನೈಸರ್ಗಿಕ ವಿಕೋಪಗಳು ಇಲ್ಲಿ ಪದೇ ಪದೇ ಸಂಭವಿಸುತ್ತಲೇ ಇರುತ್ತವೆ.
Cabinet Expansion ದೆಹಲಿಯಲ್ಲಿ ಹೈಕಮಾಂಡ್ ಸಭೆ, ಇಂದೇ ನೂತನ ಸಚಿವರ ಸಂಪುಟ ವಿಸ್ತರಣೆ ಸಾಧ್ಯತೆ: ಸಿದ್ದರಾಮಯ್ಯ
