newsics.com/ನ್ಯೂಸಿಕ್ಸ್
ತಿಂಗಳಿಗೆ 25 ಸಾವಿರ ರುಪಾಯಿ ಸಂಬಳ ಪಡೆಯುತ್ತಿದ್ದ ಯುವಕನೊಬ್ಬ ಆಫೀಸ್ ಕೆಲಸ ಬಿಟ್ಟು ಕ್ಯಾಬ್ ಡ್ರೈವರ್ ಆಗಿ ಯಶಸ್ಸು ಗಳಿಸಿದ್ದಾನೆ. ಸದ್ಯ ಈ ಪೋಸ್ಟ್ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ (Viral News)ಆಗುತ್ತಿದೆ.
ಉದ್ಯಮಿ ಆಕಾಶ್ ಗುಪ್ತಾ ಈ ವಿಡಿಯೊ ಶೇರ್ ಮಾಡಿದ್ದಾರೆ. ಕ್ಯಾಬ್ ಚಾಲಕನನ್ನು ಭೇಟಿಯಾದ ಬಗ್ಗೆ ವಿವರಿಸಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆ ನಡೆಯುತ್ತಿದೆ. ಇದೀಗ ಯುವಕ ಪೂರ್ಣ ಕ್ಯಾಬ್ ಚಾಲಕನಾಗಿ ಕೆಲಸ ಮಾಡುತ್ತಿದ್ದು ತಿಂಗಳಿಗೆ ಒಂದು ಲಕ್ಷ ರುಪಾಯಿ ಆದಾಯ ಗಳಿಸುತ್ತಿದ್ದಾನೆ ಎಂದಿದ್ದಾರೆ. ವಿಡಿಯೊದಲ್ಲಿ ಚಾಲಕನು ತಾನು ಸಾಮಾನ್ಯ ಕಚೇರಿ ಕೆಲಸದಿಂದ ದೂರ ಸರಿದು ಹೇಗೆ ಇದನ್ನು ನಿರ್ವಹಿಸುತ್ತಿದ್ದಾನೆ ಎಂದು ತಿಳಿಸಿದ್ದಾರೆ.
ಇವಿಒಎಮ್ (EVOM) ಕಂಪನಿಯ ಸಂಸ್ಥಾಪಕ ಹಾಗೂ ಉದ್ಯಮಿ ಆಕಾಶ್ ಗುಪ್ತಾ ಈ ಕ್ಯಾಬ್ ಚಾಲಕನೊಂದಿಗಿನ ತಮ್ಮ ಸಂಭಾಷಣೆಯ ವಿಡಿಯೊವನ್ನು ಶೇರ್ ಮಾಡಿದ್ದಾರೆ. ಅನೇಕರು ಈಗ ಸಂಬಳಕ್ಕಿಂತ ಹೊಂದಿಕೊಳ್ಳುವ ಉದ್ಯೋಗಗಳನ್ನು ಆಯ್ಕೆ ಮಾಡುತ್ತಿದ್ದಾರೆ ಎಂದು ಯುವಕ ತಿಳಿಸಿದ್ದು, ಹಿಂದೆ ತಾನು ಮಾಡುತ್ತಿದ್ದ ಆಫೀಸ್ ಕೆಲಸದಲ್ಲಿ ಸಂಬಳ ಕಡಿಮೆ ಇತ್ತು. ಇದು ತನ್ನ ವೆಚ್ಚಕ್ಕೂ ಸಾಲುತ್ತಿರಲಿಲ್ಲ ಎಂದಿದ್ದಾನೆ.
ಚಾಲಕ ತಾನು 25,000 ರುಪಾಯಿ ಮಾಸಿಕ ಸಂಬಳದೊಂದಿಗೆ ಕಚೇರಿ ಕೆಲಸ ಮಾಡುತ್ತಿದ್ದೆ ಎಂದು ಹೇಳಿದ್ದು, ಆದಾಯ ಕಡಿಮೆಯಾಗಿತ್ತು ಮತ್ತು ಅಗತ್ಯಗಳಿಗೆ ಹೊಂದಿಕೆಯಾಗಲಿಲ್ಲ ಎಂದು ಅವರು ವಿವರಿಸಿದ್ದಾನೆ. ಕ್ಯಾಬ್ ಡ್ರೈವಿಂಗ್ಗೆ ಹೋದ ನಂತರ, ಅವರ ಮಾಸಿಕ ಗಳಿಕೆ ಸುಮಾರು 1 ಲಕ್ಷ ರುಪಾಯಿಗೆ ಏರಿತು. ಎಲ್ಲಕ್ಕಿಂತ ಹೆಚ್ಚಾಗಿ, ಯಾವಾಗ ಕೆಲಸ ಮಾಡಬೇಕು, ಎಷ್ಟು ಗಂಟೆ ಮಾಡ ಬೇಕು ಎಂಬುದನ್ನು ನಾನೇ ನಿರ್ಧರಿಸುತ್ತೇನೆ ಎಂದು ಯುವಕ ಹೇಳಿಕೊಂಡಿದ್ದಾನೆ.
ಈ ಮಾತುಗಳನ್ನು ಕೇಳಿದ ಉದ್ಯಮಿ, ʼʼನೀವು ಕೇವಲ ಚಾಲಕರಲ್ಲ, ನಿಮ್ಮದೇ ವಾಹನ ಮತ್ತು ಆದಾಯವನ್ನು ನೀವೇ ನಿರ್ವಹಿಸುತ್ತಿರುವುದರಿಂದ ನೀವು ಒಬ್ಬ ಬ್ಯುಸಿನೆಸ್ ಮ್ಯಾನ್ʼʼ ಎಂದು ಶ್ಲಾಘಿಸಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೊ ವೈರಲ್ ಆಗಿದ್ದು ಇದು ನಿಜಕ್ಕೂ ಪ್ರೇರಣೆ ನೀಡುವಂತಹ ಕಥೆ ಎಂದು ಅನೇಕರು ಚಾಲಕನ ಶ್ರಮವನ್ನು ಕೊಂಡಾಡಿದ್ದಾರೆ.
https://www.instagram.com/reel/DZogdOXs0eO/?igsh=ajFoYWdwenZ3dXI1
