newsics.com/ನ್ಯೂಸಿಕ್ಸ್
ನವದೆಹಲಿ: ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರವು (FSSAI) ಗ್ರಾಹಕರ ವಿಶ್ವಾಸವನ್ನು ಹೆಚ್ಚಿಸಲು ಮತ್ತು ನಿಯಮಗಳ ಪಾಲನೆಯನ್ನು ಖಚಿತಪಡಿಸಿಕೊಳ್ಳಲು ಎರಡು ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಂಡಿದೆ.
ಅನುಮೋದಿತ ಎಲ್ಲಾ ‘ವೆಗನ್’ (ಸಂಪೂರ್ಣ ಸಸ್ಯಾಹಾರಿ) ಆಹಾರ ಪ್ಯಾಕೆಟ್ಗಳ ಮೇಲೆ ಇನ್ಮುಂದೆ ನಿರ್ದಿಷ್ಟ ಲೋಗೋ ಧರಿಸುವುದನ್ನು ಕಡ್ಡಾಯಗೊಳಿಸಲಾಗಿದ್ದರೆ, ಇನ್ನೊಂದೆಡೆ ಆಹಾರ ಉತ್ಪನ್ನಗಳಲ್ಲಿ ಅಶ್ವಗಂಧದ ಎಲೆಗಳನ್ನು ಬಳಸದಂತೆ ಕಟ್ಟುನಿಟ್ಟಿನ ಸೂಚನೆ ನೀಡಲಾಗಿದೆ.
ಎಫ್ಎಸ್ಎಸ್ಎಐ ‘ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ (ವೆಗನ್ ಆಹಾರಗಳು) ತಿದ್ದುಪಡಿ ನಿಯಮಗಳು, 2026’ ಅನ್ನು ಪ್ರಕಟಿಸಿದೆ. ಇದರ ಅನ್ವಯ, ಅನುಮೋದನೆ ಪಡೆದ ಎಲ್ಲಾ ವೆಗನ್ ಆಹಾರದ ಪ್ಯಾಕೇಜ್ಗಳ ಮೇಲೆ ನಿಗದಿಪಡಿಸಿದ ‘Vegan’ ಲೋಗೋ ಇರುವುದು ಇನ್ಮುಂದೆ ಕಡ್ಡಾಯವಾಗಿದೆ.
ಜಾರಿಗೆ ಬರುವ ದಿನಾಂಕ: ಈ ಹೊಸ ನಿಯಮವು ಜುಲೈ 1, 2027 ರಿಂದ ಜಾರಿಗೆ ಬರಲಿದೆ.
ಲೋಗೋ ವಿನ್ಯಾಸ: ಹಸಿರು ಬಣ್ಣದ ಈ ಲೋಗೋದಲ್ಲಿ ಎಲೆಯ ಚಿಹ್ನೆ ಇರಲಿದ್ದು, ಇದರ ಗಾತ್ರ, ಬಣ್ಣ ಮತ್ತು ಸ್ಥಳದ ಕುರಿತು ತಯಾರಕರಿಗೆ ಸ್ಪಷ್ಟ ಮಾರ್ಗಸೂಚಿಗಳನ್ನು ನೀಡಲಾಗಿದೆ.
ಡಿಸೆಂಬರ್ 2022 ರಲ್ಲಿ ಇದರ ಕರಡು ಅಧಿಸೂಚನೆಯನ್ನು ಹೊರಡಿಸಿ 60 ದಿನಗಳ ಕಾಲ ಸಾರ್ವಜನಿಕರು ಹಾಗೂ ತಯಾರಕರಿಂದ ಸಲಹೆ-ಆಕ್ಷೇಪಣೆಗಳನ್ನು ಪಡೆಯಲಾಗಿತ್ತು. ಇದೀಗ ಎಲ್ಲವನ್ನೂ ಪರಿಶೀಲಿಸಿ, ಎಫ್ಎಸ್ಎಸ್ಎಐ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (CEO) ರಂಜಿತ್ ಪುನ್ಹಾನಿ ಅವರು ಈ ಅಂತಿಮ ಆದೇಶಕ್ಕೆ ಸಹಿ ಹಾಕಿದ್ದಾರೆ.
ಮಾಜಿ ಪ್ರೇಯಸಿಗೆ 20 ಬಾರಿ ಇರಿದು ಕೊಂದು, ತಾನೂ ಆತ್ಮಹತ್ಯೆಗೆ ಯತ್ನಿಸಿದ ಪಾಗಲ್ ಪ್ರೇಮಿ : ವೈರಲ್ ವಿಡಿಯೋ ನೋಡಿ
