newsics.com/ನ್ಯೂಸಿಕ್ಸ್
ತರಕಾರಿ ತರೋಕೆ ಹೋದಾಗ ಆಲೂಗಡ್ಡೆಯನ್ನ ಯಾವ ಕಾರಣಕ್ಕೂ ಮಿಸ್ ಮಾಡದೆ ತಗೋಂಡು ಬರೋದು ವಾಡಿಕೆ. ಆಲೂಗಡ್ಡೆ ಪಲ್ಯ, ಸಾಂಬಾರ್..ಬಜ್ಜಿ-ಬೋಂಡಗಳೆಲ್ಲ ನಮ್ಮಲ್ಲಿ ಬಹುತೇಕರಿಗೆ ಅಚ್ಚುಮೆಚ್ಚು. ಹೀಗೆ ಆಲೂಗಡ್ಡೆ ತರೋವಾಗ ಒಂದು ಅಂಶವನ್ನ ಅನೇಕರು ಗಮನಿಸಿರುವುದಿಲ್ಲ. ಕೆಲವು ಆಲೂಗಡ್ಡೆಗಳ ಮೇಲೆ ಮೊಳಕೆ ಬಂದಿರುತ್ತದೆ. ಅದನ್ನೂ ಮನೆಗೆ ತಂದಿರುತ್ತಾರೆ. ಮತ್ತೆ ಅದರಲ್ಲೇ ವಿವಿಧ ಖಾದ್ಯ ತಯಾರಿಸಿ ತಿನ್ನುತ್ತಾರೆ. ಕೆಲವೊಮ್ಮೆ ಆಲೂಗಡ್ಡೆ ಮೊಳಕೆಯೊಡೆಯುತ್ತದೆ.
ಅಂಗಡಿಗಳಿಂದ ಮೊಳಕೆಯೊಡೆದ ಗೆಡ್ಡೆಗಳನ್ನು ಮನೆಗೆ ತರುವುದು ಸಹ ಸಾಮಾನ್ಯವಾಗಿದೆ. ಅಂತಹ ಮೊಳಕೆಯೊಡೆದ ಆಲೂಗಡ್ಡೆ ತಿನ್ನುವುದು ಸುರಕ್ಷಿತವೇ? ಅನೇಕ ಜನರಿಗೆ ಅನುಮಾನಗಳಿವೆ. ತಜ್ಞರ ಪ್ರಕಾರ, ಮೊಳಕೆಯೊಡೆದ ಆಲೂಗಡ್ಡೆ ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಇದು ಗಂಭೀರವಾದ ಜೀವಕ್ಕೆ ಅಪಾಯಕಾರಿ ಸಮಸ್ಯೆಗಳನ್ನು ಉಂಟುಮಾಡದಿದ್ದರೂ, ಕೆಲವು ಆರೋಗ್ಯ ಸಮಸ್ಯೆಗಳ ಅಪಾಯವಿದೆ.
ಅಡುಗೆ ತಜ್ಞೆ ಸಾರಾ ಬ್ರೆಕ್ಕೆಅವರ ಪ್ರಕಾರ, ಆಲೂಗಡ್ಡೆಗೆ ಬಿಸಿಲು, ತೇವಾಂಶ ಅಥವಾ ಸ್ವಲ್ಪ ಬೆಚ್ಚಗಿನ ವಾತಾವರಣ ಸಿಕ್ಕರೆ ಅದು ಹೊಸ ಗಿಡವಾಗಿ ಬೆಳೆಯಲು ಪ್ರಯತ್ನಿಸುತ್ತದೆ.
ಸುಮಾರು 70°F ತಾಪಮಾನದಲ್ಲಿ ಆಲೂಗಡ್ಡೆಗೆ ವಸಂತ ಕಾಲ ಬಂದಿದೆ ಅನ್ನೋ ಫೀಲ್ ಸಿಗುತ್ತೆ, ಅದಕ್ಕೆ ಅದು ಮೊಳಕೆ ಬಿಡೋಕೆ ಶುರು ಮಾಡುತ್ತೆ,” ಎಂದಿದ್ದಾರೆ.
ಡಯಟಿಷಿಯನ್ ಸ್ಟೆಫನಿ ಕ್ರಾಬ್ಟ್ರೀಮತ್ತು ಕ್ರಿಸ್ಟಲ್ ಹಿಗಿನ್ಸ್ಒಂದು ಇಂಪಾರ್ಟೆಂಟ್ ವಿಷಯ ಹೇಳ್ತಾರೆ.
ಆಲೂಗಡ್ಡೆಯ ಮೊಳಕೆಗಳಲ್ಲಿ ಮತ್ತು ಅದರ ಮೇಲೆ ಕಾಣೋ ಹಸಿರು ಬಣ್ಣದಲ್ಲಿ ‘ಸೋಲನೈನ್’ಮತ್ತು ‘ಚಾಕೋನೈನ್’ ಎಂಬ ವಿಷಕಾರಿ ಅಂಶಗಳಿರುತ್ತವೆ.
ಆಲೂಗಡ್ಡೆ ಮೊಳಕೆಯೊಡೆದಾಗ, ಅವು ಗ್ಲೈಕೋಆಲ್ಕಲಾಯ್ಡ್ಗಳು ಎಂಬ ಸ್ವಲ್ಪ ವಿಷಕಾರಿ ರಾಸಾಯನಿಕಗಳನ್ನು ಉತ್ಪಾದಿಸುತ್ತವೆ. ಈ ವಿಷವನ್ನು ಸೇವಿಸುವುದರಿಂದ ಆಮ್ಲೀಯತೆಯಂತಹ ಜೀರ್ಣಕಾರಿ ಸಮಸ್ಯೆಗಳು ಹೆಚ್ಚಾಗಬಹುದು.
ಈಗಾಗಲೇ ಆಮ್ಲೀಯತೆಯಿಂದ ಬಳಲುತ್ತಿರುವವರಿಗೆ ಈ ಸಮಸ್ಯೆ ಇನ್ನಷ್ಟು ಹದಗೆಡಬಹುದು. ಈ ವಿಷಗಳು ಆಮ್ಲೀಯತೆಯನ್ನು ಮಾತ್ರವಲ್ಲದೆ ಹೊಟ್ಟೆ ನೋವು, ವಾಕರಿಕೆ ಮತ್ತು ಇತರ ಜೀರ್ಣಕಾರಿ ಸಮಸ್ಯೆಗಳನ್ನು ಸಹ ಉಂಟುಮಾಡುತ್ತವೆ.
ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ ಡಾ. ನಾಗಲಕ್ಷ್ಮೀ ಚೌಧರಿಗೆ ಮತ್ತೊಂದು ವಿವಾದ
