newsics.com/ನ್ಯೂಸಿಕ್ಸ್
ನವದೆಹಲಿ: ಎಂಪ್ಲಾಯೀಸ್ ಪ್ರಾವಿಡೆಂಟ್ ಫಂಡ್ ಆರ್ಗನೈಸೇಶನ್ ತನ್ನ ಕೋಟ್ಯಂತರ ಚಂದಾದಾರರಿಗಾಗಿ ಶೀಘ್ರದಲ್ಲೇ ಹೊಸ ಡಿಜಿಟಲ್ ಸೇವೆಯೊಂದನ್ನು ಆರಂಭಿಸಲು ಸಜ್ಜಾಗಿದೆ.
ವಾಟ್ಸಾಪ್ನಲ್ಲಿ ಕೇವಲ ಹಲೋ ಎಂದು ಸಂದೇಶ ಕಳುಹಿಸುವ ಮೂಲಕ ಪಿಎಫ್ಗೆ ಸಂಬಂಧಿಸಿದ ಎಲ್ಲಾ ಪ್ರಮುಖ ಮಾಹಿತಿಗಳನ್ನು ಸುಲಭವಾಗಿ ಪಡೆಯಬಹುದು. ಇದು ಪಿಎಫ್ ಖಾತೆಯ ನಿರ್ವಹಣೆಯನ್ನು ಹಿಂದೆಂದಿಗಿಂತಲೂ ಹೆಚ್ಚು ಸರಳಗೊಳಿಸಲಿದೆ.
ಇಪಿಎಫ್ಒ ಶೀಘ್ರದಲ್ಲೇ ದೇಶಾದ್ಯಂತ ಏಕರೂಪದ ಅಧಿಕೃತ ವಾಟ್ಸಾಪ್ ಸಂಖ್ಯೆಯನ್ನು ಬಿಡುಗಡೆ ಮಾಡಲಿದೆ.
ಈ ನಂಬರ್ಗೆ ಗ್ರಾಹಕರು ‘Hello’ ಎಂದು ಮೆಸೇಜ್ ಮಾಡಿದರೆ, ವಿವಿಧ ಸೇವೆಗಳ ಆಯ್ಕೆಗಳು ಸ್ಕ್ರೀನ್ ಮೇಲೆ ಕಾಣಿಸಿಕೊಳ್ಳುತ್ತವೆ.
ಇದರ ಮೂಲಕ ಗ್ರಾಹಕರು ತಮ್ಮ ಪಿಎಫ್ ಬ್ಯಾಲೆನ್ಸ್ , ಕೊನೆಯ 5 ವಹಿವಾಟುಗಳ ವಿವರ , ಕ್ಲೈಮ್ ಸ್ಟೇಟಸ್ ಮತ್ತು ದೂರುಗಳ ಸ್ಥಿತಿಗತಿಯನ್ನು ತಕ್ಷಣವೇ ತಿಳಿದುಕೊಳ್ಳಬಹುದು.
ಖಾಸಗಿ ಭಾಷೆಯಲ್ಲೇ ಮಾಹಿತಿ: ಈ ಹೊಸ ಸೇವೆಯ ಪ್ರಮುಖ ವೈಶಿಷ್ಟ್ಯವೆಂದರೆ ಗ್ರಾಹಕರು ತಮ್ಮದೇ ಆದ ಸ್ವಂತ ಭಾಷೆಯಲ್ಲಿ ಮಾಹಿತಿಯನ್ನು ಪಡೆಯಬಹುದು. ಇದು ಕನ್ನಡ ಸೇರಿದಂತೆ ಹಲವು ಭಾರತೀಯ ಭಾಷೆಗಳಲ್ಲಿ ಲಭ್ಯವಿರಲಿದೆ ಎನ್ನಲಾಗಿದೆ.
24/7 ಲಭ್ಯತೆ: ಈ ಸೇವೆಯು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಆಧಾರಿತ ಚಾಟ್ಬಾಟ್ ಮೂಲಕ ಕಾರ್ಯನಿರ್ವಹಿಸಲಿದ್ದು, ವಾರದ 7 ದಿನಗಳೂ, 24 ಗಂಟೆಗಳ ಕಾಲ ಲಭ್ಯವಿರಲಿದೆ.
ನನ್ನ ಕ್ರೇಜ್ ನೋಡಿ ಟಾಪ್ ಹೀರೋಗಳು ಅಸೂಯೆ ಪಟ್ಟಿದ್ರು : ನಟಿ ವಿಜಯಶಾಂತಿ
