newsics.com/ನ್ಯೂಸಿಕ್ಸ್
ನಮ್ಮ ಆಹಾರ ಕ್ರಮಗಳು ಪ್ರಸ್ತುತ ಸಂಪೂರ್ಣವಾಗಿ ರುಚಿಯಿಂದ ಪ್ರೇರಿತವಾಗಿವೆ. ಕಚೇರಿಯಲ್ಲಿ ಕಾರ್ಯನಿರತರಾಗಿದ್ದರೂ ಅಥವಾ ಸಂಜೆ ಸ್ನೇಹಿತರೊಂದಿಗೆ ಮಾತನಾಡುತ್ತಿರಲಿ, ನಮ್ಮ ಕೈಗಳು ಸಹಜವಾಗಿಯೇ ಚಿಪ್ಸ್ ಪ್ಯಾಕೆಟ್, ಪಿಜ್ಜಾ ಪೀಸ್ ಇಲ್ಲವೇ ಬರ್ಗರ್ಗಾಗಿ ಕೈ ಚಾಚುತ್ತವೆ. ಜಂಕ್ ಫುಡ್ ಎಂದೂ ಕರೆಯಲ್ಪಡುವ ಈ ಸಂಸ್ಕರಿಸಿದ ಆಹಾರಗಳು ಆರಂಭದಲ್ಲಿ ರುಚಿಕರವಾಗಿದ್ದರೂ ಇವುಗಳಿಂದ ಕ್ರಮೇಣ ನಮ್ಮ ಆಂತರಿಕ ಅಂಗಗಳ ಮೇಲೆ ಹಾನಿ ಉಂಟುಮಾಡುತ್ತವೆ. ಫಾಸ್ಟ್ ಫುಡ್ನಲ್ಲಿ ಸಮೃದ್ಧವಾಗಿರುವ ಆಹಾರವು ಬೆಳಗಿನ ಆಯಾಸ, ಆಗಾಗ್ಗೆ ಹಸಿವಿನ ನೋವು ಹಾಗೂ ವಿವರಿಸಲಾಗದ ಕಿರಿಕಿರಿ, ಮನಸ್ಥಿತಿಗೆ ಬದಲಾವಣೆಗಳಿಗೆ ಕಾರಣವಾಗಬಹುದು.
ಇಂದಿನ ಆಧುನಿಕ ಜೀವನಶೈಲಿಯ ಅವಿಭಾಜ್ಯ ಅಂಗವಾಗಿರುವ ‘ಫಾಸ್ಟ್ ಫುಡ್’ ಸಂಸ್ಕೃತಿಯು ಹೈದರಾಬಾದ್ ಯುವಕರ ಆರೋಗ್ಯವನ್ನು ಸಂಪೂರ್ಣವಾಗಿ ಹಾಳುಮಾಡುತ್ತಿದೆ. ನಗರದ 18 ರಿಂದ 24 ವರ್ಷದೊಳಗಿನ ಕಾಲೇಜು ವಿದ್ಯಾರ್ಥಿಗಳ ಮೇಲೆ ಐಸಿಎಮ್ಆರ್ – ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ನ್ಯೂಟ್ರಿಷನ್ ವಿಜ್ಞಾನಿಗಳು ಇತ್ತೀಚೆಗೆ ನಡೆಸಿದ ಸಂಶೋಧನೆಯಲ್ಲಿ ನಂಬಲಾಗದ, ಭಯಾನಕ ಸತ್ಯಗಳು ಬೆಳಕಿಗೆ ಬಂದಿವೆ.
ಅಲ್ಟ್ರಾ-ಪ್ರಾಸೆಸ್ಡ್ ಆಹಾರಗಳನ್ನು ವಿಪರೀತವಾಗಿ ಸೇವಿಸುವುದರಿಂದ ಯುವಕರು ಚಿಕ್ಕ ವಯಸ್ಸಿನಲ್ಲೇ ಮಾರಣಾಂತಿಕ ಕಾಯಿಲೆಗಳಿಗೆ ತುತ್ತಾಗುತ್ತಿದ್ದಾರೆ.
ನೀವು ಅತಿಯಾಗಿ ಇಷ್ಟಪಡುವ ಪ್ಯಾಕ್ ಮಾಡಿದ ತಿಂಡಿಗಳು (ಪ್ಯಾಕೆಟ್ ಸ್ನಾಕ್ಸ್), ಚಾಕೊಲೇಟ್ಗಳು, ಬಣ್ಣಬಣ್ಣದ ಸಕ್ಕರೆ ಪಾನೀಯಗಳು, ಪಿಜ್ಜಾಗಳು ಮತ್ತು ಬರ್ಗರ್ಗಳು ನೇರವಾಗಿ ನಿಮ್ಮ ಪ್ರಾಣಕ್ಕೆ ಸಂಚಕಾರ ತರುತ್ತಿವೆ ಎಂದು ಈ ಅಧ್ಯಯನ ಎಚ್ಚರಿಸಿದೆ. ಅಲ್ಟ್ರಾ-ಪ್ರಾಸೆಸ್ಡ್ ಆಹಾರಗಳನ್ನು ಹೆಚ್ಚು ಸೇವಿಸುವ ಯುವಕರಲ್ಲಿ ಅಧಿಕ ರಕ್ತದೊತ್ತಡದ (High BP) ಅಪಾಯ ಸಾಮಾನ್ಯಕ್ಕಿಂತ ಮೂರು ಪಟ್ಟು ಹೆಚ್ಚಾಗುತ್ತಿದೆ. ಇದು ಕೇವಲ ಅಂದಾಜಲ್ಲ, 311 ಕಾಲೇಜು ವಿದ್ಯಾರ್ಥಿಗಳ ಮೇಲೆ ಕ್ಲಿನಿಕಲ್ ಪರೀಕ್ಷೆಗಳನ್ನು ನಡೆಸಿ ವಿಜ್ಞಾನಿಗಳು ಸಾಬೀತುಪಡಿಸಿದ ಕಟು ಸತ್ಯ.
ಅಧ್ಯಯನದಲ್ಲಿ ತಿಳಿದುಬಂದಿದ್ದೇನು? ಪರೀಕ್ಷೆಗೊಳಗಾದವರಲ್ಲಿ ಶೇ. 12.5 ರಷ್ಟು ಯುವಕರಿಗೆ ಈಗಾಗಲೇ ಅಧಿಕ ರಕ್ತದೊತ್ತಡವಿರುವುದು ಪತ್ತೆಯಾಗಿದೆ. 20 ವರ್ಷ ತುಂಬದ ವಯಸ್ಸಿನಲ್ಲಿಯೇ ಬಿಪಿ (BP) ಬರುವುದು ಭವಿಷ್ಯದಲ್ಲಿ ಪಾರ್ಶ್ವವಾಯು (ಪಕ್ಷಪಾತ) ಮತ್ತು ಮೂತ್ರಪಿಂಡ ವೈಫಲ್ಯಕ್ಕೆ ದಾರಿ ಮಾಡಿಕೊಡುತ್ತದೆ. ಇವುಗಳಲ್ಲಿ ಬಳಸುವ ರಾಸಾಯನಿಕಗಳು, ಶೇಖರಿಸಿಟ್ಟ ಉಪ್ಪಿನಕಾಯಿಗಳು ಮತ್ತು ಸಂಸ್ಕರಿಸಿದ ಆಹಾರಗಳಿಂದ ರಕ್ತನಾಳಗಳು ಬ್ಲಾಕ್ ಆಗಿ, ಚಿಕ್ಕ ವಯಸ್ಸಿನಲ್ಲೇ ಹೃದಯಾಘಾತವಾಗುವ ಸಾಧ್ಯತೆ ಶೇ. 100 ರಷ್ಟು ಹೆಚ್ಚಾಗುತ್ತದೆ. ರುಚಿಗಾಗಿ ಬಳಸುವ ಮೋನೊಸೋಡಿಯಂ ಗ್ಲುಟಮೇಟ್ (ಅಜಿನೊಮೊಟೊ), ಅಧಿಕ ಸೋಡಿಯಂ ಮತ್ತು ಸ್ಯಾಚುರೇಟೆಡ್ ಕೊಬ್ಬಿನಾಂಶಗಳು ಯುವಕರನ್ನು ಇವುಗಳಿಗೆ ದಾಸರನ್ನಾಗಿ ಮಾಡುತ್ತಿವೆ.
Jiang Chenglan 24 ಗಂಟೆಗಳಲ್ಲಿ 1 ಕೋಟಿ ಹೊಸ ಫಾಲೋವರ್ಸ್ ಪಡೆದ ಚೀನಾ ಸುಂದರಿ!
