ಬಾಲಿವುಡ್ ನಟಿ ಮೌನಿ ರಾಯ್ ಮತ್ತು ಸೂರಜ್ ನಂಬಿಯಾರ್ ವಿಚ್ಛೇದನ ಪಡೆದ ಬಳಿಕ ನಾನಾ ರೀತಿಯ ಗಾಸಿಪ್ ಹರಿದಾಡಿದೆ.
ಮೌನಿ ರಾಯ್ – ದಿಶಾ ಪಟಾನಿ ಆತ್ಮೀಯ ಗೆಳತಿಯರಾಗಿದ್ದಾರೆ. ಇಬ್ಬರ ನಡುವೆ ಉತ್ತಮ ಒಡನಾಟವಿದೆ. ಮೌನಿ ರಾಯ್ ಅವರ ವಿಚ್ಛೇದನದ ಸುದ್ದಿಗೆ ಕೆಲವರು ದಿಶಾ ಅವರ ಹೆಸರನ್ನು ಎಳೆದು ತರುತ್ತಿದ್ದಾರೆ.
ಇದರ ನಡುವೆಯೇ ಮೌನಿ ರಾಯ್ ಅವರು ನಟಿ ದಿಶಾ ಪಟಾನಿ ಜೊತೆಗಿನ ಸಂಬಂಧವನ್ನು ಅಧಿಕೃತಗೊಳಿಸಿದ್ದಾರೆ ಎಂಬ ಪೋಸ್ಟ್ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ.
ವೈರಲ್ ಆಗಿರುವ ಇನ್ಸ್ಟಾಗ್ರಾಮ್ ಸ್ಟೋರಿಯ ಸ್ಕ್ರೀನ್ಶಾಟ್ನಲ್ಲಿ ಮೌನಿ ಮತ್ತು ದಿಶಾ ಒಟ್ಟಿಗೆ ಇರುವ ಚಿತ್ರವಿದ್ದು, ಅದರಲ್ಲಿ “ಒಂದು ಅಧ್ಯಾಯವನ್ನು ಮುಗಿಸಿದ ನಂತರ, ಅವಳಲ್ಲಿ ನಾನು ನನ್ನ ಜೀವನ ಸಂಗಾತಿಯನ್ನು ಕಂಡುಕೊಂಡಿದ್ದೇನೆ. ಹೌದು… ದಿಶಾ ಮತ್ತು ನಾನು ಈ ಪ್ರೇಮಕಥೆಯನ್ನು ಮದುವೆಯಾಗಿ ಬದಲಿಸಲು ಸಿದ್ಧರಿದ್ದೇವೆ. ನೋವಿನಿಂದ ಸಂತೋಷದ ಕಡೆಗೆ… ಶಾಶ್ವತ ಪಯಣ ಈಗ ಶುರುವಾಗಿದೆ.” ಎಂದು ಬರೆದಯಲಾಗಿದೆ.
ಈ ಪೋಸ್ಟ್ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ. ಮೌನಿ ಅವರ ಖಾತೆಯಿಂದಲೇ ಇದನ್ನು ಪೋಸ್ಟ್ ಮಾಡಿದ್ದಾರೆ ಎನ್ನುವ ರೀತಿಯಲ್ಲಿ ಇದನ್ನು ವೈರಲ್ ಮಾಡಲಾಗಿದೆ.
ವೈರಲ್ ಪೋಸ್ಟ್ ಹಿಂದಿನ ಸತ್ಯಾಂಶವೇನು?:
ಈ ಪೋಸ್ಟ್ ನೋಡಿದ ಕೆಲವರು ಮೌನಿ ಅವರ ಖಾತೆಗೆ ಹೋಗಿ ಪರಿಶೀಲಿಸಿದ್ದಾರೆ. ಆದರೆ ಇದು ಅಸಲಿ ಪೋಸ್ಟ್ ಅಲ್ಲ. ಬದಲಾಗಿ ನಕಲಿ. ಇದು ಸಂಪೂರ್ಣವಾಗಿ ನಕಲಿ ಪೋಸ್ಟ್ ಆಗಿದೆ.
ಈ ಪೋಸ್ಟ್ನಲ್ಲಿ ಬಳಸಿರುವ ಫೋಟೋ ಕಳೆದ ವರ್ಷದ್ದು. ಜೂನ್ 2025 ರಲ್ಲಿ ದಿಶಾ ಪಟಾನಿ ಅವರ ಜನ್ಮದಿನದಂದು ಇಬ್ಬರೂ ಇಸ್ಕಾನ್ ದೇವಸ್ಥಾನಕ್ಕೆ ಭೇಟಿ ನೀಡಿದ್ದ ಸಂದರ್ಭದ ಫೋಟೋವನ್ನು ಬಳಸಿಕೊಂಡು ಈ ಸುಳ್ಳು ಸುದ್ದಿಯನ್ನು ಸೃಷ್ಟಿಸಲಾಗಿದೆ.
“ನಮ್ಮ ವೈಯಕ್ತಿಕ ಜೀವನದ ಬಗ್ಗೆ ಮಾಧ್ಯಮಗಳಲ್ಲಿ ಅನಗತ್ಯವಾಗಿ ಹರಿದಾಡುತ್ತಿರುವ ಸುದ್ದಿಗಳು ನಮಗೆ ಬೇಸರ ತಂದಿವೆ. ನಾವಿಬ್ಬರೂ ಪರಸ್ಪರ ಒಪ್ಪಿಗೆಯಿಂದ ಬೇರ್ಪಡಲು ನಿರ್ಧರಿಸಿದ್ದೇವೆ. ಈ ವಿಷಯವನ್ನು ಖಾಸಗಿಯಾಗಿ ಮತ್ತು ಸೌಹಾರ್ದಯುತವಾಗಿ ಬಗೆಹರಿಸಿಕೊಳ್ಳಲು ನಮಗೆ ಸಮಯದ ಅಗತ್ಯವಿದೆ. ವೈಯಕ್ತಿಕ ಆದ್ಯತೆಗಳ ಬದಲಾವಣೆಯಿಂದಾಗಿ, ಗೌರವಯುತವಾಗಿ ಬೇರೆ ಬೇರೆ ಹಾದಿಯಲ್ಲಿ ಸಾಗಲು ನಾವು ನಿರ್ಧರಿಸಿದ್ದೇವೆ. ಈ ಕಠಿಣ ಸಮಯದಲ್ಲಿ ನಮ್ಮ ಗೌಪ್ಯತೆಯನ್ನು ಕಾಪಾಡಲು ಸಹಕರಿಸಿ” ಎಂದು ಮೌನಿ ಮತ್ತು ಸೂರಜ್ ಮನವಿ ಮಾಡಿದ್ದಾರೆ.
Unique marriage ಭಾರೀ ವೈರಲ್ ಆಗ್ತಿದೆ ಈ ವಿಶಿಷ್ಟ ಮದುವೆ! ಯಾಕೆ ಹೀಗೆ?
