newsics.com/ನ್ಯೂಸಿಕ್ಸ್
ಹಸೆಮಣೆ ಏರಿದ ಮರುದಿನವೇ ಪತಿ, ತನ್ನ ನವವಧುವನ್ನು ಕೈಬಿಟ್ಟು ಹೋದ ಈ ಅಘಾತಕಾರಿ ಘಟನೆ ನಡೆದಿದೆ. ನೆರೆದವರ ಕಣ್ಣಲ್ಲಿ ನೀರು ತರಿಸುವ ಕಣ್ಣೀರಿನ ಕಥೆಯಾಗಿ ಮಾರ್ಪಟ್ಟಿದೆ.
https://youtube.com/shorts/KY0wlwc-Du0?si=-28u12qk1-aiTIHP
ರೆಡ್ಡಿಟ್ನಲ್ಲಿ ಮದುವೆಯ ದಿನವೇ ಸಂಗಾತಿಯನ್ನು ತೊರೆದವರ ಕಥೆಯೇನು? ಎಂಬ ಪ್ರಶ್ನೆಗೆ ಉತ್ತರಿಸಿದ ಮಹಿಳೆಯೊಬ್ಬರು ತನ್ನ ಸೋದರಸಂಬಂಧಿಯ ಜೀವನದಲ್ಲಿ ನಡೆದ ಆಘಾತಕಾರಿ ಘಟನೆಯನ್ನು ಹಂಚಿಕೊಂಡಿದ್ದಾರೆ.
ಪ್ರತಿಷ್ಠಿತ ಸಾಮಾಜಿಕ ಹಿನ್ನೆಲೆಯುಳ್ಳ ಕುಟುಂಬದ ಜೋಡಿ, ಕಾಲೇಜಿನ ದಿನಗಳಿಂದಲೇ ಪರಸ್ಪರ ಪ್ರೀತಿಸುತ್ತಿದ್ದರು. ಸುಮಾರು 250ಕ್ಕೂ ಹೆಚ್ಚು ಅತಿಥಿಗಳ ಸಮ್ಮುಖದಲ್ಲಿ ಅತ್ಯಂತ ಅದ್ದೂರಿಯಾಗಿ ಮತ್ತು ಧಾರ್ಮಿಕ ವಿಧಿವಿಧಾನಗಳೊಂದಿಗೆ ಇಬ್ಬರ ಮದುವೆ ನಡೆದಿತ್ತು. ವಿಶೇಷವಾಗಿ ಇವರು ಧಾರ್ಮಿಕ ನಂಬಿಕೆಯುಳ್ಳವರಾಗಿದ್ದರಿಂದ ಮದುವೆಯವರೆಗೂ ಸಂಯಮದಿಂದ ಕಾಯ್ದಿದ್ದ ವಿಷಯವೇ ಆ ಸಮಾರಂಭದಲ್ಲಿ ದೊಡ್ಡ ಚರ್ಚೆಯಾಗಿತ್ತು.
ಹನಿಮೂನ್ ಪ್ರವಾಸಕ್ಕಾಗಿ ವಿಮಾನವೇರಿ ಸೀಟಿನಲ್ಲಿ ಕುಳಿತ ಬೆನ್ನಲ್ಲೇ ಆ ನವ ವರ ತನ್ನ ಹೆಂಡತಿಯ ಕಡೆಗೆ ತಿರುಗಿ, ಈ ಮದುವೆ ಮಾಡಿಕೊಂಡಿದ್ದೇ ಒಂದು ತಪ್ಪು ಎಂದು ಹೇಳುವ ಮೂಲಕ ಅವಳಿಗೆ ಶಾಕ್ ನೀಡಿದ್ದ. ಅಷ್ಟೇ ಅಲ್ಲದೆ, ಆ ಕ್ಷಣದಿಂದಲೇ ಆಕೆಯೊಂದಿಗೆ ಮಾತನಾಡುವುದನ್ನು ಸಂಪೂರ್ಣವಾಗಿ ನಿಲ್ಲಿಸಿ ಮೌನಕ್ಕೆ ಶರಣಾಗಿದ್ದ. ಅವರು ಫ್ರೆಂಚ್ ಪಾಲಿನೇಷ್ಯಾದ ಅತಿದೊಡ್ಡ ದ್ವೀಪ ತಹಿತಿ ತಲುಪಿದ ತಕ್ಷಣ, ಆಕೆ ಅಲ್ಲಿಂದಲೇ ಮುಂದಿನ ವಿಮಾನ ಹಿಡಿದು ಮನೆಗೆ ಮರಳಿದರೆ, ಆತ ಮಾತ್ರ ಅಲ್ಲಿಯೇ ಉಳಿದುಕೊಂಡು ಹನಿಮೂನ್ ಸ್ವೀಟ್ನಲ್ಲಿ ಬೇರೆ ಬೇರೆ ಮಹಿಳೆಯರೊಂದಿಗೆ ಕಾಲ ಕಳೆದಿದ್ದ.
ಕೊನೆಗೆ ಆ ದಂಪತಿ ಕಾನೂನುಬದ್ಧವಾಗಿ ವಿವಾಹ ವಿಚ್ಛೇದನ ಪಡೆದಿದ್ದು, ಹಳೆಯ ಸ್ನೇಹಿತರ ಕೂಟಗಳಲ್ಲಿ ಈಗಲೂ ಅವರಿಬ್ಬರಿಗೂ ಮುಖಾಮುಖಿಯಾಗುವುದು ತೀವ್ರ ಮುಜುಗರದ ಸಂಗತಿಯಾಗಿದೆ. ಆದರೆ, ಈ ಕಹಿ ಘಟನೆಯ ನಂತರ ಆಕೆಯ ಜೀವನದಲ್ಲಿ ಒಳ್ಳೆಯ ಬದಲಾವಣೆಯಾಗಿದ್ದು, ಈಗ ಮತ್ತೊಬ್ಬ ವ್ಯಕ್ತಿಯನ್ನು ವರಿಸಿರುವ ಆಕೆ ಮೂವರು ಮಕ್ಕಳೊಂದಿಗೆ ಸುಖಿ ಸಂಸಾರ ನಡೆಸುತ್ತಿದ್ದಾಳೆ.
https://www.newsics.com/2026/05/14/medical-shops-to-be-closed-on-may-20-in-protest-against-e-pharma/
