newsics.com/ನ್ಯೂಸಿಕ್ಸ್
Groww ಆ್ಯಪ್ ಹೆಸರಲ್ಲಿ ನೂರಾರು ಮಹಿಳೆಯರಿಗೆ ಕೋಟಿ ಕೋಟಿ ಹಣ ನಾಮ ಹಾಕಿದ್ದ ಗಂಗಾವತಿ ಮೀನಾಕ್ಷಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಜನಪ್ರಿಯ ಇನ್ವೆಸ್ಟ್ಮೆಂಟ್ ಆಯಪ್ Groww ಜೊತೆ ತನಗೆ ಲಿಂಕ್ ಇದೆ ಅಂತಾ ಸುಳ್ಳು ಹೇಳಿ ನೂರಾರು ಮಹಿಳೆಯರನ್ನ ನಂಬಿಸಿದ್ದಾಳೆ.
ತಾನು ಇನ್ವೆಸ್ಟ್ಮೆಂಟ್ ಎಕ್ಸ್ಪರ್ಟ್ ಅಂತಾ ಪೋಸ್ ಕೊಡ್ತಿದ್ದ ಈ ಕಿರಾತಕಿ, ಹತ್ತುಪಟ್ಟು ಲಾಭದ ಆಮಿಷವೊಡ್ಡಿ ಹಣ ಕೀಳೋಕೆ ಶುರು ಮಾಡಿದ್ಲು. ವಿಶೇಷ ಅಂದ್ರೆ ಈಕೆ ಕೇವಲ ಮಹಿಳೆಯರನ್ನೇ ಟಾರ್ಗೆಟ್ ಮಾಡಿ ಬಲೆ ಬೀಸುತ್ತಿದ್ದಳು ಅನ್ನೋದು ಈಗ ಬಯಲಾಗಿದೆ.
ಇನ್ನು ಈಕೆ ಜನರನ್ನು ನಂಬಿಸಲು ಹೂಡಿದ್ದ ಪ್ಲಾನ್ ಅಕ್ಷರಶಃ ಸಿನಿಮಾ ಸ್ಟೈಲ್ನಲ್ಲಿದೆ. 2026ರಲ್ಲಿ ಜಿಯೋ ಪೊಲಿಟಿಕಲ್ ಯುದ್ಧಗಳು ನಡೆಯುತ್ತವೆ, ಯಾವ ದೇಶಗಳ ನಡುವೆ ಯುದ್ಧ ಆಗುತ್ತೆ ಅನ್ನೋದು ನನಗೇ ಮೊದಲೇ ಗೊತ್ತು ಅಂತಾ ಡೈಲಾಗ್ ಹೊಡೆಯುತ್ತಿದ್ದಳು. ಪ್ರಪಂಚದ ಮಾರ್ಕೆಟ್ ಕುಸಿದ್ರೂ ನನ್ನ ಆಯಪ್ನಲ್ಲಿ ಲಾಭ ಬರುತ್ತೆ ಅಂತಾ ನಂಬಿಸಿ, ಹೂಡಿಕೆಯ ಮಾಹಿತಿ ನೀಡೋದಕ್ಕೇ ತಲಾ 25 ಸಾವಿರ ರೂಪಾಯಿ ಚಾರ್ಜ್ ಮಾಡ್ತಿದ್ಲು ಅಚ್ಚರಿ ಅಂದ್ರೆ, ಈಕೆ ಹಣವನ್ನ ಕೇವಲ ನಗದು ರೂಪದಲ್ಲೇ ಪಡೀತಿದ್ಲು. ಹೂಡಿಕೆ ಮಾಡಿದ ಮೇಲೆ ಎರಡು ವರ್ಷ ನನ್ನನ್ನ ಕಾಂಟ್ಯಾಕ್ಟ್ ಮಾಡಬಾರದು ಅನ್ನೋ ವಿಚಿತ್ರ ಷರತ್ತು ಕೂಡ ವಿಧಿಸಿದ್ದಳು.
ನಗದು ರೂಪದಲ್ಲಿ ಹಣ ಪಡೆದರೆ ಯಾವುದೇ ಸಾಕ್ಷಿ ಇರೋದಿಲ್ಲ ಅನ್ನೋದು ಮೀನಾಕ್ಷಿಯ ಕುತಂತ್ರವಾಗಿತ್ತು. ಹತ್ತು ಜನರನ್ನು ಸೇರಿಸಿದವರಿಗೆ ಮಾತ್ರ ಇನ್ವೆಸ್ಟ್ಮೆಂಟ್ ಮಾಹಿತಿ ನೀಡೋ ರೂಲ್ಸ್ ಮಾಡಿದ್ದಳು. ಗಂಗಾವತಿ ಮತ್ತು ಬೆಂಗಳೂರಿನ ನೂರಾರು ಮಹಿಳೆಯರು ಈಕೆಯ ಮಾತು ನಂಬಿ ಈಗ ಬೀದಿಗೆ ಬಿದ್ದಿದ್ದಾರೆ. ಸದ್ಯ ಬಸವೇಶ್ವರನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಪ್ರಧಾನಿ ಮಾರ್ಗದಲ್ಲಿ ಸ್ಫೋಟಕ ಪತ್ತೆ ಕೇಸ್; ಎಫ್ಎಸ್ಎಲ್ ತನಿಖೆಯಲ್ಲಿ ಮಹತ್ವದ ಮಾಹಿತಿ ಬಹಿರಂಗ
