newsics.com/ನ್ಯೂಸಿಕ್ಸ್
ಇದು ವಿಶ್ವದಲ್ಲೇ ಅತಿ ದೊಡ್ಡ ಅಂಗಡಿ ಎಂಬ ಹೆಗ್ಗಳಿಕೆ ಪಡೆದಿದ್ದರೂ, ಇಲ್ಲಿ ಗ್ರಾಹಕರಿಗೆ ಸಿಗುವುದು ಮಾತ್ರ ಕೆಲವೇ ಕೆಲವು ಬೆರಳಿಣಿಕೆಯಷ್ಟು ಬಗೆಯ ತಿಂಡಿಗಳು ಮಾತ್ರ.
ಈ ಮಳಿಗೆ ಚೀನಾದಲ್ಲಿದೆ. ಚೀನಾದ ಚಾಂಗ್ಶಾ ನಗರದಲ್ಲಿರುವ ಈ ಬೃಹತ್ ಮಳಿಗೆಯನ್ನು ಸ್ನ್ಯಾಕ್ ಕಿಂಗ್ಡಮ್ ಎಂದು ಕರೆಯಲಾಗುತ್ತಿದ್ದು, ಈಗಾಗಲೇ ಇದು ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ನಲ್ಲಿ ಸ್ಥಾನ ಪಡೆದಿದೆ.
ಚೀನಾದ ಪ್ರಖ್ಯಾತ ಸ್ನ್ಯಾಕ್ ರಿಟೇಲ್ ಸರಣಿಯಾದ ಮಿಂಗ್ಮಿಂಗ್ ಹೆನ್ಮಾಂಗ್ ಈ ಬೃಹತ್ ಮಳಿಗೆಯನ್ನು ಸಿದ್ಧಪಡಿಸಿದೆ. ಸುಮಾರು 12,000 ಚದರ ಮೀಟರ್ ಗಳಿಗಿಂತಲೂ ಹೆಚ್ಚಿನ ವಿಸ್ತೀರ್ಣದಲ್ಲಿ ಹರಡಿರುವ ಈ ಸ್ಟೋರ್ ಏಪ್ರಿಲ್ 17 ರಂದು ಉದ್ಘಾಟನೆಗೊಂಡಿದ್ದು, ವಿಶ್ವದ ಅತಿದೊಡ್ಡ ಸ್ನ್ಯಾಕ್ ಸ್ಟೋರ್ ಎಂಬ ಹೆಗ್ಗಳಿಕೆಯೊಂದಿಗೆ ಇದು ಗಿನ್ನೆಸ್ ದಾಖಲೆಗೆ ಸೇರ್ಪಡೆಯಾಗಿದೆ.
, ಪ್ರಪಂಚದಾದ್ಯಂತದ 70 ಕ್ಕೂ ಹೆಚ್ಚು ದೇಶಗಳಿಂದ ಬಂದಿರುವ ಸುಮಾರು 35,000 ಕ್ಕೂ ಹೆಚ್ಚು ವೈವಿಧ್ಯಮಯ ಸ್ನ್ಯಾಕ್ಸ್ ಗಳು ಲಭ್ಯವಿರುವುದು ವಿಶೇಷ. ಒಂದೇ ಸೂರಿನಡಿ ಸುಮಾರು 6,500 ಕ್ಕೂ ಹೆಚ್ಚು ಜಾಗತಿಕ ಮತ್ತು ಸ್ಥಳೀಯ ಬ್ರ್ಯಾಂಡ್ ಗಳ ಉತ್ಪನ್ನಗಳು ಇಲ್ಲಿ ಗ್ರಾಹಕರಿಗೆ ಸಿಗಲಿವೆ.
ಇನ್ನೂ, ಈ ಮಳಿಗೆಯ ಒಳಗೆ ಕಾಲಿಡುತ್ತಿದ್ದಂತೆಯೇ ಗ್ಲಾಸ್ ಕ್ಯಾಬಿನೆಟ್ ಗಳಿಂದ ಮಾಡಲ್ಪಟ್ಟ ಸುಂದರವಾದ ಕಾರಿಡಾರ್ ಗ್ರಾಹಕರನ್ನು ಸ್ವಾಗತಿಸುತ್ತದೆ. ಇಲ್ಲಿನ ಪ್ರಮುಖ ಆಕರ್ಷಣೆಯೆಂದರೆ ಇನ್ ಸ್ಟೆಂಟ್ ನೂಡಲ್ ಸಿಟಿ ಎಂಬ ಪ್ರತ್ಯೇಕ ವಿಭಾಗ. ಯಾಕಂದರೆ, ಇಲ್ಲಿ ಬರೋಬ್ಬರಿ 3,500 ಕ್ಕೂ ಹೆಚ್ಚು ಬಗೆಯ ನೂಡಲ್ಸ್ ಗಳ ತಳಿಗಳಿವೆ. ನಮಗೆ ಪರಿಚಯವೇ ಇಲ್ಲದ ಅಥವಾ ನಾವು ಕೇಳರಿಯದಂತಹ ಅದೆಷ್ಟೋ ಬಗೆಯ ನೂಡಲ್ಸ್ ಗಳನ್ನು ಇಲ್ಲಿ ಕಾಣಬಹುದು.
ಈ ಸ್ನ್ಯಾಕ್ ಕಿಂಗ್ಡಮ್ ನ ಜನಪ್ರಿಯತೆ ಎಷ್ಟಿದೆ ಎಂದರೆ, ಉದ್ಘಾಟನೆಯಾದ ಕೇವಲ ಎರಡು ದಿನಗಳಲ್ಲಿಯೇ ಸಂಪೂರ್ಣವಾಗಿ ಸ್ಟಾಕ್ ಖಾಲಿಯಾಗುವುದರೊಂದಿಗೆ ತಾತ್ಕಾಲಿಕವಾಗಿ ಮಾರಾಟವನ್ನು ಸ್ಥಗಿತಗೊಳಿಸಿದ ಘಟನೆಯು ವರದಿಯಾಗಿದೆ.
