ಹಾರ್ಮುಜ್ ಜಲಸಂಧಿಯಲ್ಲಿ ಹಡಗಿನ ಮೇಲೆ ದಾಳಿ: ಇಬ್ಬರು ಭಾರತೀಯ ಸಿಬ್ಬಂದಿಗೆ ಗಾಯ

newsics.com/ನ್ಯೂಸಿಕ್ಸ್

ದುಬೈ:ಹಾರ್ಮುಜ್ ಜಲಸಂಧಿಯ ಸಮೀಪ ಚಲಿಸುತ್ತಿದ್ದ ಎಂಟಿ ಚಿರೋನ್ 7 ಎಂಬ ತೈಲ ಟ್ಯಾಂಕರ್ ಹಡಗಿನ ಮೇಲೆ ಶೆಲ್ ತುಣುಕುಗಳು ಅಪ್ಪಳಿಸಿದ ಪರಿಣಾಮ ಇಬ್ಬರು ಭಾರತೀಯ ಸಿಬ್ಬಂದಿ ಗಾಯಗೊಂಡಿದ್ದಾರೆ.

https://youtube.com/shorts/eOoYZp9a9F0?si=CP6V90gKWCTFTFCS

ಗಾಯಗೊಂಡವರನ್ನು ಅಂಕಿತ ಕುಮಾರ್ ಮತ್ತು ಸಾಗರ್ ಚಂದ್ ಎಂದು ಗುರುತಿಸಲಾಗಿದೆ. ಇವರು ಹಡಗಿನ ಬ್ರಿಡ್ಜ್ (ಚಾಲನಾ ಕೊಠಡಿ) ಭಾಗದಲ್ಲಿದ್ದಾಗ ಸ್ಫೋಟದ ಚೂರುಗಳು ತಗುಲಿ ಸಣ್ಣಪುಟ್ಟ ಗಾಯಗಳಾಗಿವೆ. ಇವರ ಜೊತೆಗೆ ಈಜಿಪ್ಟ್ ಮೂಲದ ಓರ್ವ ವ್ಯಕ್ತಿಗೂ ಗಾಯಗಳಾಗಿವೆ.

ಹಡಗಿನಲ್ಲಿದ್ದ ಒಟ್ಟು 24 ಸಿಬ್ಬಂದಿಗಳ ಪೈಕಿ 17 ಮಂದಿ ಭಾರತೀಯರು. ಸದ್ಯ ಎಲ್ಲಾ ಸಿಬ್ಬಂದಿಗಳು ಸುರಕ್ಷಿತವಾಗಿದ್ದು, ಹಡಗು ತನ್ನ ಮುಂದಿನ ಪ್ರಯಾಣವನ್ನು ಶಾರ್ಜಾದತ್ತ ಮುಂದುವರಿಸಿದೆ.

ಈ ಹಡಗನ್ನೇ ಗುರಿಯಾಗಿಸಿ ದಾಳಿ ಮಾಡಲಾಗಿತ್ತೇ ಅಥವಾ ಬೇರೆ ದಾಳಿಯ ವೇಳೆ ಹಡಗಿಗೆ ಈ ಚೂರುಗಳು ತಗುಲಿದೆಯೇ ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ.

https://www.newsics.com/2026/04/28/two-killed-in-rain-in-the-state-heavy-rain-with-storms-for-another-3-days/