newsics.com
ಬೇಸಿಗೆಯಲ್ಲಿ ಪಪ್ಪಾಯಿ ತಿನ್ನುವುದು ದೇಹ ಹೈಡ್ರೇಟ್, ಜೀರ್ಣಕ್ರಿಯೆ ಸುಧಾರಣೆ, ರೋಗನಿರೋಧಕ ಶಕ್ತಿ, ಚರ್ಮದ ಆರೈಕೆ ಮತ್ತು ತೂಕ ನಿಯಂತ್ರಣಕ್ಕೆ ಸಹಾಯಕವಾಗಿದೆ. ಆದರೆ ಇಂತಹವರು ಬೇಸಿಗೆಯಲ್ಲಿ ಮಾತ್ರವಲ್ಲ ಯಾವ ಸೀಸನ್ನಲ್ಲಿಯೂ ಪಪ್ಪಾಯ ತಿನ್ನಬಾರದು
ಪಪ್ಪಾಯಿ ಸೇವನೆಯು ದೇಹಕ್ಕೆ ಫೈಬರ್ ಮತ್ತು ವಿಟಮಿನ್ ಸಿ ಸೇರಿದಂತೆ ಅಧಿಕ ಪೋಷಕಾಂಶಗಳನ್ನು ನೀಡುತ್ತದೆ. ಆದರೆ, ಈ ಹಣ್ಣು ಕೆಲವು ಜನರಿಗೆ ಹಾನಿಕಾರಕವಾಗಬಹುದು. ಆರೋಗ್ಯ ತಜ್ಞರು ಸೂಚಿಸುವ ಪ್ರಕಾರ, ಬಲಿಯದ ಪಪ್ಪಾಯಿ ಕೆಲವು ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡುತ್ತವೆ. ಹಾಗಾಗಿ ಕೆಲವೊಂದು ಸಮಸ್ಯೆ ಇರುವಂತಹವರು ಪಪ್ಪಾಯಿ ಸೇವಿಸುವುದನ್ನು ಇಂದೇ ನಿಲ್ಲಿಸಬೇಕು.
ಆಯುರ್ವೇದದ ಪ್ರಕಾರ, ಪಪ್ಪಾಯಿ ಒಂದು ಖಾರದ ಹಣ್ಣು. ಈ ಹಣ್ಣನ್ನು ಪ್ರತಿದಿನ ಅಥವಾ ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವುದರಿಂದ ಪಿತ್ತರಸದ ಉತ್ಪಾದನೆ ಹೆಚ್ಚಾಗುತ್ತದೆ. ಹಾಗಾಗಿ ಈ ಸಮಸ್ಯೆ ಹೊಂದಿರುವಂತಹವರು ಬೇಸಿಗೆಯಲ್ಲಿ ಈ ಹಣ್ಣನ್ನು ಸೇವಿಸುವುದನ್ನು ಕಡಿಮೆ ಮಾಡಬೇಕು ಎಂದು ಹೇಳುತ್ತಾರೆ. ಇಲ್ಲದಿದ್ದರೆ, ಇದು ನಿಮ್ಮ ದೇಹದಲ್ಲಿ ಆಮ್ಲೀಯತೆ, ಹೊಟ್ಟೆ ಕಿರಿಕಿರಿ ಮತ್ತು ಚರ್ಮದ ಸಮಸ್ಯೆ ಅನುಭವಿಸುವಂತೆ ಮಾಡುತ್ತದೆ.
ಪಪ್ಪಾಯಿಯಲ್ಲಿ ಪೊಟ್ಯಾಸಿಯಮ್ ಸಮೃದ್ಧವಾಗಿದ್ದು, ನೈಸರ್ಗಿಕವಾಗಿ ಮೂತ್ರವರ್ಧಕ ಗುಣವನ್ನು ಹೊಂದಿದೆ. ಇದು ಪದೇ ಪದೇ ಮೂತ್ರವಿಸರ್ಜನೆಗೆ ಪ್ರೇರೇಪಿಸಬಹುದು. ಕಿಡ್ನಿ ಕಾಯಿಲೆ ಇರುವವರಿಗೆ ವೈದ್ಯರು ಸಾಮಾನ್ಯವಾಗಿ ದ್ರವ ಸೇವನೆಯ ಮಿತಿ ಹೇರಿರುತ್ತಾರೆ. ಅಂತಹ ಸಂದರ್ಭದಲ್ಲಿ ಪಪ್ಪಾಯ ಸೇವನೆಯು ದೇಹದ ಎಲೆಕ್ಟ್ರೋಲೈಟ್ ಸಮತೋಲನವನ್ನು ತಪ್ಪಿಸಬಹುದು. ಹಾಗಾಗಿ ಈ ಸಮಸ್ಯೆ ಇರುವಂತಹವರು ಬೇಸಿಗೆಯಲ್ಲಿ ಪಪ್ಪಾಯಿ ತಿನ್ನುವುದನ್ನು ನಿಲ್ಲಿಸಬೇಕು. ಇಲ್ಲದಿದ್ದರೆ, ಇದು ಸಮಸ್ಯೆಯನ್ನು ಹೆಚ್ಚಿಸುತ್ತದೆ.
ಕೆರಳಿಸುವ ಕರುಳಿನ ಸಹಲಕ್ಷಣಗಳು
ಪಪ್ಪಾಯದಲ್ಲಿ ‘ಪಪೈನ್’ ಎಂಬ ಕಿಣ್ವವಿರುತ್ತದೆ. ಇದು ಪ್ರೋಟೀನ್ ಜೀರ್ಣಿಸಲು ಸಹಾಯ ಮಾಡುತ್ತದೆ. ಆದರೆ IBS ಇರುವವರಲ್ಲಿ ಕರುಳು ಅತಿಯಾದ ಸೂಕ್ಷ್ಮತೆಯನ್ನು ಹೊಂದಿರುತ್ತದೆ. ಬೇಸಿಗೆಯಲ್ಲಿ ದೇಹದ ಉಷ್ಣಾಂಶ ಹೆಚ್ಚಿರುವಾಗ, ಈ ಕಿಣ್ವವು ಕರುಳಿನ ಪದರವನ್ನು ಕೆರಳಿಸಿ ಹೊಟ್ಟೆ ನೋವು ಅಥವಾ ಅತಿಸಾರಕ್ಕೆ ಕಾರಣವಾಗಬಹುದು. ಹಾಗಾಗಿ ಬೇಸಿಗೆಯಲ್ಲಿ ಈ ಹಣ್ಣನ್ನು ಮುಟ್ಟಲೇಬಾರದು.
ಪಪ್ಪಾಯದಲ್ಲಿರುವ ಕೆಲವು ಪ್ರೋಟೀನ್ಗಳು ನೈಸರ್ಗಿಕ ರಬ್ಬರ್ ಅಥವಾ ಲ್ಯಾಟೆಕ್ಸ್ನಲ್ಲಿರುವ ಪ್ರೋಟೀನ್ಗಳಂತೆಯೇ ಇರುತ್ತವೆ. ನಿಮಗೇನಾದರೂ ಲ್ಯಾಟೆಕ್ಸ್ ಅಲರ್ಜಿ ಇದ್ದರೆ, ಪಪ್ಪಾಯ ತಿಂದಾಗ ನಿಮ್ಮ ದೇಹಕ್ಕೆ ಅಲರ್ಜಿ ಪ್ರಕ್ರಿಯೆ ಉಂಟಾಗುತ್ತದೆ. ಇದರಿಂದ ತುರಿಕೆ, ಕೆಮ್ಮು ಅಥವಾ ಉಸಿರಾಟದ ತೊಂದರೆಗೆ ಕಾರಣವಾಗಬಹುದು. ಇದರಿಂದ ಚರ್ಮದ ಮೇಲೆ ಕೆಂಪು ಗುಳ್ಳೆಗಳು, ಹೈವ್ಸ್ ನಂತಹ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.
