ನಟಿ ಕೀರ್ತಿ ಸುರೇಶ್ ಬಗ್ಗೆ ನಟಿ ಸಮಂತಾ ಒಂದು ಇಂಟರೆಸ್ಟಿಂಗ್ ವಿಚಾರ ಹಂಚಿಕೊಂಡಿದ್ದಾರೆ. ಕೀರ್ತಿಗೆ ಅದ್ಭುತ ಹಾಸ್ಯ ಪ್ರಜ್ಞೆ ಇದೆ, ತನಗೆ ಗೊತ್ತಿರುವವರಲ್ಲಿಯೇ ಅವಳು ಅತ್ಯಂತ ತಮಾಷೆಯ ಹುಡುಗಿ ಅಂತ ಸಮಂತಾ ಹೇಳಿದ್ದಾರೆ.
ಪ್ರಿಯದರ್ಶನ್ ನಿರ್ದೇಶನದ ಮೋಹನ್ಲಾಲ್ ನಟನೆಯ ‘ಗೀತಾಂಜಲಿ’ ಚಿತ್ರದ ಮೂಲಕ ನಾಯಕಿಯಾಗಿ ಎಂಟ್ರಿ ಕೊಟ್ಟ ಕೀರ್ತಿ, ಇಂದು ತಮಿಳು, ತೆಲುಗು ಹಾಗೂ ಮಲಯಾಳಂ ಚಿತ್ರರಂಗದಲ್ಲಿ ಸಖತ್ ಬ್ಯುಸಿ ಆಗಿದ್ದಾರೆ.
ಇದೀಗ ನಟಿ ಸಮಂತಾ, ಕೀರ್ತಿ ಸುರೇಶ್ ಬಗ್ಗೆ ಹೇಳಿದ ಮಾತುಗಳು ಎಲ್ಲರ ಗಮನ ಸೆಳೆಯುತ್ತಿವೆ. ಕೀರ್ತಿ ಸುರೇಶ್ ಮದ್ಯಪಾನ ಮಾಡುವುದಿಲ್ಲ, ಆದರೂ ಬೆಳಗಿನ ಜಾವ 2 ಗಂಟೆಗೆ ಸಖತ್ ಹೈಪರ್ ಆಗ್ತಾರೆ ಅಂತ ಸಮಂತಾ ಹೇಳಿದ್ದಾರೆ. ಹೌದು ಬೆಳಗಿನ ಜಾವ 2 ಗಂಟೆಗೆ ಅಲ್ಲಿಂದ ಓಡಿ ಹೋಗ್ಬೇಕು. ಅವಳು ಕುಡಿಯೋದೇನೂ ಇಲ್ಲ, ಆದ್ರೆ ಆ ಟೈಮ್ನಲ್ಲಿ ಸಖತ್ ಹೈಪರ್ ಆಗ್ತಾಳೆ. ಕೇವಲ 0.3 ಸೆಕೆಂಡ್ಗಳಲ್ಲಿ ಎಲ್ಲವನ್ನೂ ಏರುಪೇರು ಮಾಡ್ತಾಳೆ. ಕೀರ್ತಿಗೆ ನಂಬಲಾಗದಂತಹ ಹ್ಯೂಮರ್ ಸೆನ್ಸ್ ಇದೆ, ತನಗೆ ಗೊತ್ತಿರುವವರಲ್ಲೇ ಅವಳು ಅತ್ಯಂತ ತಮಾಷೆ ಮಾಡುವ ಹುಡುಗಿ ಎಂದೂ ಸಮಂತಾ ಸೇರಿಸಿದ್ದಾರೆ.
