https://youtube.com/shorts/b7DblvgZf1A?si=BCR0sxsn8Xzh1cnn
newsics.com
ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಡ್ಯಾನ್ಸ್ಗಳಿಂದ ಹಿಡಿದು ಜೀವನಶೈಲಿಯ ದಿಟ್ಟ ಬದಲಾವಣೆಗಳವರೆಗೆ, ಜೆನ್ ಝೆಡ್ ಟ್ರೆಂಡ್ಗಳು ನಿರಂತರವಾಗಿ ಚರ್ಚೆಯಲ್ಲಿವೆ. ಇದೀಗ ಆ ಪಟ್ಟಿಗೆ ಹೊಸದಾಗಿ ಸೇರಿರುವ ಟ್ರೆಂಡ್ ಎಂದರೆ ಗ್ರೀನ್ ಸೆಕ್ಸ್.
ಪರಿಸರಕ್ಕೆ ಹಾನಿ ಮಾಡದ ರೀತಿಯಲ್ಲಿ ಲೈಂಗಿಕ ಜೀವನವನ್ನು ಆನಂದಿಸುವುದೇ ‘ಗ್ರೀನ್ ಸೆಕ್ಸ್’. ನಾವು ಬಳಸುವ ಕಾಂಡೋಮ್ಗಳು, ಲೂಬ್ರಿಕೆಂಟ್ಗಳು ಮತ್ತು ಇತರ ಉತ್ಪನ್ನಗಳು ಪ್ಲಾಸ್ಟಿಕ್ ಅಥವಾ ರಾಸಾಯನಿಕಗಳಿಂದ ಕೂಡಿರುತ್ತವೆ, ಇವು ಭೂಮಿಗೆ ಭಾರವಾಗುತ್ತವೆ. ಈ ಮಾಲಿನ್ಯವನ್ನು ತಡೆಗಟ್ಟಿ ಪ್ರಕೃತಿ ಸ್ನೇಹಿ ಉತ್ಪನ್ನಗಳನ್ನು ಬಳಸುವುದು ಇದರ ಮುಖ್ಯ ಉದ್ದೇಶ.
ಪ್ಲಾಸ್ಟಿಕ್ ಮುಕ್ತ ಬೆಡ್ರೂಮ್: ಸಾಮಾನ್ಯವಾಗಿ ಬಳಸುವ ಕಾಂಡೋಮ್ ಪ್ಯಾಕೆಟ್ಗಳು ಮತ್ತು ಸೆಕ್ಸ್ ಟಾಯ್ಸ್ಗಳಲ್ಲಿ ಪ್ಲಾಸ್ಟಿಕ್ ಬಳಕೆ ಹೆಚ್ಚಾಗಿರುತ್ತದೆ. ಇವು ಸುಲಭವಾಗಿ ಮಣ್ಣಿನಲ್ಲಿ ಕರಗುವುದಿಲ್ಲ. ಈ ಕಸವನ್ನು ಕಡಿಮೆ ಮಾಡುವುದು ಈ ಪದ್ಧತಿಯ ಗುರಿ.
ವೇಗನ್ ಕಾಂಡೋಮ್ಗಳ ಬಳಕೆ: ರಾಸಾಯನಿಕ ಮುಕ್ತ ಅಥವಾ ‘ವೇಗನ್’ (Vegan) ಕಾಂಡೋಮ್ಗಳನ್ನು ಆಯ್ಕೆ ಮಾಡಿಕೊಳ್ಳುವುದು. ಇವುಗಳಲ್ಲಿ ಪ್ಯಾರಾಬೆನ್ಸ್ಗಳಂತಹ ಹಾನಿಕಾರಕ ಅಂಶಗಳಿರುವುದಿಲ್ಲ.
ಸಾವಯವ ಲೂಬ್ರಿಕೆಂಟ್ಗಳು: ಪೆಟ್ರೋಲಿಯಂ ಆಧಾರಿತ ಲೂಬ್ರಿಕೆಂಟ್ಗಳ ಬದಲಿಗೆ ವಾಟರ್ ಬೇಸ್ಡ್ (Water-based) ಅಥವಾ ನೈಸರ್ಗಿಕ ಪದಾರ್ಥಗಳಿಂದ ತಯಾರಾದ ಲೂಬ್ಗಳನ್ನು ಬಳಸುವುದು. ಇದು ದೇಹದ ಚರ್ಮಕ್ಕೂ ಮತ್ತು ಪರಿಸರಕ್ಕೂ ಒಳ್ಳೆಯದು.
ಆರೋಗ್ಯದ ದೃಷ್ಟಿಯಿಂದ ಉತ್ತಮ: ರಾಸಾಯನಿಕಗಳು ಕಡಿಮೆ ಇರುವುದರಿಂದ ಚರ್ಮದ ಅಲರ್ಜಿ, ತುರಿಕೆ ಅಥವಾ ಇನ್ಫೆಕ್ಷನ್ಗಳ ಭಯ ಇರುವುದಿಲ್ಲ.
ಜೆನ್ ಝೆಡ್ ಪೀಳಿಗೆಗೆ ಪರಿಸರ ಜಾಗೃತಿ ಆಕರ್ಷಣೆಯು ಪ್ರಮುಖ ಅಂಶವಾಗುತ್ತಿದೆ. ಡೇಟಿಂಗ್ ಆ್ಯಪ್ಗಳಲ್ಲಿ ಪರಿಸರದ ಬಗ್ಗೆ ಕಾಳಜಿ ತೋರಿಸುವವರಿಗೆ ಹೆಚ್ಚು ಆದ್ಯತೆ ನೀಡಲಾಗುತ್ತಿದೆ. ಪ್ಲಾಸ್ಟಿಕ್ ತುಂಬಿದ ಐಷಾರಾಮಿ ಹೋಟೆಲ್ಗಳಲ್ಲಿ ಉಳಿಯುವುದು ಅಥವಾ ದುಬಾರಿ ಉಡುಗೊರೆಗಳ ಬದಲು, ಪಾರ್ಕ್ಗಳಲ್ಲಿ ನಡೆಯುವುದು, ಒಟ್ಟಿಗೆ ಗಿಡ ನೆಡುವುದು ಹೀಗೆ ಪರಿಸರ ಸ್ನೇಹಿ ಡೇಟ್ಗಳು ದಿನೇದಿನೇ ಜನಪ್ರಿಯವಾಗುತ್ತಿವೆ.
