https://youtube.com/shorts/1G3iDuCfqaQ?si=rbtHZp_4mD8cY9Sv
newsics.com
ಯುವತಿಯರ ಗುಂಪೊಂದು ಜನಪ್ರಿಯ ಹಾಡಿಗೆ ರೀಲ್ಸ್ ಮಾಡಲು ಮುಂದಾದಾಗ, ಅಲ್ಲಿಗೆ ಬಂದ ಸೆಕ್ಯೂರಿಟಿ ಗಾರ್ಡ್ ಒಬ್ಬರು ಅವರ ಜೊತೆ ಸೇರಿ ಭರ್ಜರಿಯಾಗಿ ಡ್ಯಾನ್ಸ್ ಮಾಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ರವಿ ತಿವಾರಿ ಎಂಬುವವರು ತಮ್ಮ ‘ಎಕ್ಸ್’ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ, ವಸತಿ ಸಮುಚ್ಚಯವೊಂದರ ಆವರಣದಲ್ಲಿ ಕೆಲವು ಯುವತಿಯರು ಡ್ಯಾನ್ಸ್ ಮಾಡಲು ಸಿದ್ಧರಾಗಿ ನಿಂತಿರುವುದನ್ನು ಕಾಣಬಹುದು. ‘ರಾಗಿಣಿ ಎಂಎಂಎಸ್ 2’ ಚಿತ್ರದ ಸೂಪರ್ ಹಿಟ್ ‘ಬೇಬಿ ಡಾಲ್’ ಹಾಡು ಶುರುವಾಗುತ್ತಿದ್ದಂತೆ, ಯುವತಿಯರು ಬಹಳ ಉತ್ಸಾಹದಿಂದ ಹೆಜ್ಜೆ ಹಾಕಲು ಆರಂಭಿಸುತ್ತಾರೆ. ಅವರ ಮುಖದಲ್ಲಿನ ನಗು ಮತ್ತು ಹೊಂದಾಣಿಕೆಯ ಸ್ಟೆಪ್ಸ್ ನೋಡಲು ಆಕರ್ಷಕವಾಗಿರುತ್ತದೆ.
ಆದರೆ, ಅಸಲಿ ಮಜಾ ಶುರುವಾಗುವುದೇ ಆನಂತರ. ಯುವತಿಯರ ಗುಂಪಿನ ನಡುವೆ ಇದ್ದಕ್ಕಿದ್ದಂತೆ ಪ್ರತ್ಯಕ್ಷರಾಗುವ ಸೆಕ್ಯೂರಿಟಿ ಗಾರ್ಡ್, ಯಾವ ಮುಜುಗರವೂ ಇಲ್ಲದೆ ಅವರ ಜೊತೆ ಹೆಜ್ಜೆ ಹಾಕಲು ಶುರುಮಾಡುತ್ತಾರೆ. ಕೇವಲ ಹೆಜ್ಜೆ ಹಾಕುವುದಷ್ಟೇ ಅಲ್ಲ, ಆ ಹಾಡಿನ ಲಯಕ್ಕೆ ತಕ್ಕಂತೆ ಅದ್ಭುತವಾಗಿ ಪ್ರತಿಕ್ರಿಯಿಸುತ್ತಾರೆ. ಈ ವಿಡಿಯೋಗಳು ಮಾತ್ರ ನೆಟ್ಟಿಗರ ಮನಸ್ಸನ್ನು ಗೆದ್ದಿದೆ.
