Subscribe ನ್ಯೂಸಿಕ್ಸ್ ಕನ್ನಡ
newsics.com
ಉತ್ತರ ಕರ್ನಾಟಕದ ಹಲವು ಜಿಲ್ಲೆಗಳಲ್ಲಿ ಬಿಸಿಲು ಗರಿಷ್ಠ ಮಟ್ಟ ತಲುಪಿದ್ದರೆ, ರಾಜಧಾನಿ ಬೆಂಗಳೂರು ಸೇರಿದಂತೆ ದಕ್ಷಿಣ ಒಳನಾಡಿನಲ್ಲಿಯೂ ತಾಪಮಾನ ಏರಿಕೆಯಾಗುತ್ತಿದೆ.
ರಾಜ್ಯದ ತಾಪಮಾನದ ನಕ್ಷೆಯನ್ನು ಗಮನಿಸಿದರೆ, ಉತ್ತರ ಕರ್ನಾಟಕದ ಜಿಲ್ಲೆಗಳು ಅಕ್ಷರಶಃ ಕೆಂಡದಂತಾಗಿವೆ. ಬೀದರ್, ಕಲಬುರಗಿ, ವಿಜಯಪುರ, ಬಾಗಲಕೋಟೆ ಮತ್ತು ರಾಯಚೂರು ಜಿಲ್ಲೆಗಳಲ್ಲಿ ಗರಿಷ್ಠ ತಾಪಮಾನವು 38°C ನಿಂದ 44°C ವರೆಗೆ ದಾಖಲಾಗುತ್ತಿದ್ದು, ಇದನ್ನು ನಕ್ಷೆಯಲ್ಲಿ ಕೆಂಪು ಬಣ್ಣದಿಂದ ಗುರುತಿಸಲಾಗಿದೆ. ಈ ಭಾಗದಲ್ಲಿ ಬಿಸಿ ಗಾಳಿಯ (Heat Wave) ಪ್ರಭಾವ ಹೆಚ್ಚಾಗಿರುವುದರಿಂದ ಜನಜೀವನ ಅಸ್ತವ್ಯಸ್ತಗೊಂಡಿದೆ.
ರಾಜಧಾನಿ ಬೆಂಗಳೂರು ಮತ್ತು ಸುತ್ತಮುತ್ತಲಿನ ಜಿಲ್ಲೆಗಳಲ್ಲಿ ತಾಪಮಾನವು 30°C ನಿಂದ 36°C ಆಸುಪಾಸಿನಲ್ಲಿದೆ ಬೆಂಗಳೂರಿನಲ್ಲಿ ಸಾಪೇಕ್ಷ ಆರ್ದ್ರತೆಯು ಶೇ. 40-60 ರಷ್ಟಿರುವುದರಿಂದ ಮಧ್ಯಾಹ್ನದ ವೇಳೆ ಉಸಿರುಕಟ್ಟಿದ ವಾತಾವರಣ ಮತ್ತು ಸೆಖೆ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ. ವಾರಾಂತ್ಯದ ವೇಳೆಗೆ ತಾಪಮಾನದಲ್ಲಿ ಇನ್ನೂ 1-2 ಡಿಗ್ರಿ ಏರಿಕೆಯಾಗುವ ಸಾಧ್ಯತೆಯಿದೆ.
ರಾಜ್ಯದ ದಕ್ಷಿಣ ಭಾಗದಲ್ಲಿ ಆರ್ದ್ರತೆ ಹೆಚ್ಚಿರುವುದು (ಶೇ. 70-100) ರಾತ್ರಿಯ ಅವಧಿಯಲ್ಲೂ ಸೆಖೆಯನ್ನು ಉಂಟುಮಾಡುತ್ತಿದೆ. ಆದರೆ, ಮುಂಜಾನೆ ಅವಧಿಯಲ್ಲಿ ತಾಪಮಾನವು ಇಳಿಕೆಯಾಗುತ್ತಿರುವುದರಿಂದ (ತಾಪಮಾನ ಏರಿಳಿತ), ಬೆಳಿಗ್ಗೆ ತುಸು ತಂಪಾದ ಅನುಭವವಾಗಲಿದೆ
ಕಳೆದ 24 ಗಂಟೆಗಳಲ್ಲಿ ಕನಿಷ್ಠ ಮತ್ತು ಗರಿಷ್ಠ ತಾಪಮಾನದ ನಡುವೆ 10°C ನಿಂದ 20°C ವರೆಗೆ ವ್ಯತ್ಯಾಸ ಕಂಡುಬಂದಿದೆ. ಇದು ಮುಂಜಾನೆ ಸಮಯದಲ್ಲಿ ತುಸು ತಂಪಾದ ಅನುಭವ ನೀಡಿದರೂ, ಮಧ್ಯಾಹ್ನ ತೀವ್ರ ಶಾಖಕ್ಕೆ ಕಾರಣವಾಗುತ್ತಿದೆ.ಮಳೆಯಿಲ್ಲದ ಈ ಒಣ ಹವಾಮಾನವು ಬೆಳೆಗಳ ಕೊಯ್ಲಿಗೆ ಪೂರಕವಾಗಿದೆ. ಆದರೆ ನಿಂತ ಬೆಳೆಗಳಿಗೆ ತೇವಾಂಶ ಕಾಪಾಡಲು ಹನಿ ನೀರಾವರಿ ಅಥವಾ ಮಲ್ಚಿಂಗ್ ವಿಧಾನಗಳನ್ನು ಅನುಸರಿಸಲು ಕೃಷಿ ಇಲಾಖೆ ಸಲಹೆ ನೀಡಿದೆ. ಮಧ್ಯಾಹ್ನ 11:00 ರಿಂದ ಸಂಜೆ 4:00 ರವರೆಗೆ ಅನಗತ್ಯವಾಗಿ ಮನೆಯಿಂದ ಹೊರಬರಬೇಡಿ.
ಬೀದರ್, ಕಲಬುರಗಿ, ಯಾದಗಿರಿ, ರಾಯಚೂರು, ವಿಜಯಪುರ ಮತ್ತು ಬಾಗಲಕೋಟೆ ಜಿಲ್ಲೆಗಳಲ್ಲಿ ಬಿಸಿ ಗಾಳಿಯ ತೀವ್ರತೆ ಹೆಚ್ಚಿರಲಿದೆ. ಇಲ್ಲಿ ತಾಪಮಾನವು ವಾಡಿಕೆಗಿಂತ 4-6 ಡಿಗ್ರಿ ಹೆಚ್ಚಾಗಿರುವುದು ಗಮನಾರ್ಹ ಬೀದರ್, ಕಲ್ಬುರ್ಗಿ, ಯಾದಗಿರಿಯಲ್ಲಿ ತಾಪಮಾನವು 42°C ನಿಂದ 44°C ವರೆಗೆ ದಾಖಲಾಗಿದೆ.
