https://youtube.com/shorts/qpCJajqGxrE?si=wf45yh0JhROekM8b
ಪತ್ನಿಯ ಅಕ್ರಮ ಸಂಬಂಧ ತಿಳಿದ ಪತಿ ಆಕೆಯನ್ನು ಪ್ರಿಯಕರನ ಜೊತೆ ಮದುವೆ ಮಾಡಿಸಿದ್ದಾನೆ. ಆಶಿಶ್ ತಿವಾರಿ ತನ್ನ ಪತ್ನಿ ಪಿಂಕಿಯನ್ನು ಆಕೆಯ ಪ್ರಿಯತಮ ಅಮಿತ್ ಶರ್ಮಾ ಜೊತೆ ನೋಡಬಾರದ ಸ್ಥಿತಿಯಲ್ಲಿ ನೋಡಿದ್ದ. ತಕ್ಷಣವೇ ತಿವಾರಿ ಈ ವಿಷಯವನ್ನು ಪೊಲೀಸರಿಗೆ ತಿಳಿಸಿದ್ದಾನೆ. ಪೊಲೀಸರು ತಕ್ಷಣವೇ ಸ್ಥಳಕ್ಕೆ ಆಗಮಿಸಿ, ಅಮಿತ್ ಶರ್ಮಾನನ್ನು ವಶಕ್ಕೆ ಪಡೆದಿದ್ದಾರೆ.
ಅಲ್ಲಿಯೇ ಪೊಲೀಸ್ ಠಾಣೆ ಮುಂದೆಯೇ ಗ್ರಾಮದ ಮುಖ್ಯಸ್ಥರೆಲ್ಲರೂ ಸೇರಿ ಪಂಚಾಯತಿಯನ್ನೂ ನಡೆಸಿದ್ದಾರೆ.
ಪಿಂಕಿ ನೆರೆದ ಜನರ ಸಮ್ಮುಖದಲ್ಲಿಯೇ ನಂಗೆ ಇನ್ನು ಮುಂದೆ ಪತಿ ಆಶಿಶ್ ತಿವಾರಿ ಜೊತೆ ಬಾಳ್ವೆ ನಡೆಸಲು ಆಗುವುದಿಲ್ಲವೆಂದು ಹೇಳಿದ್ದಲ್ಲದೇ, ಪ್ರಿಯಕರ ಅಮಿತ್ ಶರ್ಮಾನೊಟ್ಟಿಗೆ ಉಳಿದ ಜೀವನವನ್ನು ಕಳೆಯುವುದಾಗಿ ಹೇಳಿ ಕೊಂಡಿದ್ದಾಳೆ. ಊರಿನ ಜನರ ಅವಳ ಮನಸ್ಸು ಬದಲಿಸಲು ಮಾಡಿದ ಪ್ರಯತ್ನ ವಿಫಲವಾಗಿದೆ. ಪಿಂಕಿ ತನ್ನ ನಿರ್ಧಾರದಲ್ಲಿ ದೃಢವಾಗಿದ್ದಳು.
ಅಷ್ಟೇ, ಪಿಂಕಿ ಪತಿ ಆಶಿಶ್ ಸಹ ನೆರೆದ ಜನರೆದುರು ನಂಗೂ ಮಡದಿಯ ಕಾಟ ತಡೆದು ಕೊಳ್ಳುವುದು ಕಷ್ಟ. ದಿನಾಲೂ ಆಗುವ ಜಗಳದಿಂದ ಬೇಸತ್ತಿದ್ದೇನೆ. ಪಂಚಾಯತಿ ಅನುಮತಿ ನೀಡಿದರೆ, ಮಡದಿಯನ್ನು ಅಮಿತ್ ಶರ್ಮಾ ಜೊತೆ ಮದುವೆ ಮಾಡಿಸಲು ಒಮ್ಮತವಿದೆ ಎಂದು ಹೇಳಿದ್ದಾನೆ. ಅಷ್ಟೇ ಅಲ್ಲ ಅಲ್ಲಿಯೇ ನೆರೆದ ಜನರ ಸಮ್ಮುಖದಲ್ಲಿ ಪಿಂಕಿ ಸುಮಾರು ಹತ್ತು ವರ್ಷಗಳ ತನ್ನ ದಾಂಪತ್ಯ ಜೀವನಕ್ಕೆ ವಿದಾಯ ಹೇಳಿದ್ದಾನೆ.
ಅವಳದ್ದೇನೂ ಲೈಫ್ ಸೆಟಲ್ ಆಯಿತು. ಅವಳ ಇಚ್ಛೆಯಂತೆ. ಗಂಡನೂ ಒಪ್ಪಿದ್ದರಿಂದ ಗ್ರಾಮಸ್ಥರ ಸಮ್ಮುಖದಲ್ಲಿ ಪಿಂಕಿಯ ಎರಡನೇ ಮದ್ವೆ ಊರಿನ ದೇವಸ್ಥಾನದಲ್ಲಿ ನೆರವೇರಿದೆ. ಆದರೆ ತನ್ನಿಬ್ಬರು ಗಂಡು ಮಕ್ಕಳಿಗೆ ಜೊತೆಗೆ ಬರಲು ಹೇಳಿದ್ದಾಳೆ ಪಿಂಕಿ. ಆದರೆ, ಮಕ್ಕಳು ಒಲ್ಲೆ ಎಂದು ಹೇಳಿ, ತಂದೆಯೊಟ್ಟಿಗೆ ಇರುವುದಾಗಿ ಹೇಳಿಕೊಂಡಿದ್ದಾರೆ.
