Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಮೊದಲೆಲ್ಲಾ ಬೆಳಗ್ಗೆ 8 ಗಂಟೆವರೆಗೂ ಆರಾಮವಾಗಿ ಮಲಗುತ್ತಿದ್ದವರಿಗೆ 60 ವರ್ಷದಾಟುತ್ತಿದ್ದಂತೆ ನಮ್ಮ ಲೈಫ್ ಸ್ಟೈಲ್ ನಲ್ಲಿ ಸಣ್ಣಸಣ್ಣ ಚೇಂಜ್ಗಳು ಆಗೋಕೆಶುರು ಆಗುತ್ತೆ. ಆದ್ರೆ ಇದು ನಿದ್ದೆಯ ಕಾಯಿಲೆ ಅಲ್ಲ , ಇದೊಂದು ನ್ಯಾಚುರಲ್ ಬದಲಾವಣೆ ಅಷ್ಟೇ .
ನಿದ್ದೆಯ ತಜ್ಞರು ಹೇಳೋ ಪ್ರಕಾರ, ವಯಸ್ಸಾದಂತೆ ನಮ್ಮ ಶರೀರದ ಆಂತರಿಕ ಗಡಿಯಾರ ಸ್ವಲ್ಪ ವೇಗವಾಗಿ ಓಡೋಕೆ ಶುರು ಮಾಡುತ್ತೆ. ಅದಕ್ಕೆ ನಮಗೆ ಸಂಜೆ ಬೇಗ ನಿದ್ದೆ ಬರುತ್ತೆ ಮತ್ತು ಬೆಳಗ್ಗೆ ಬೇಗ ಎಚ್ಚರ ಆಗುತ್ತೆ.
ವಯಸ್ಸಾದಂತೆ ನಮ್ಮ ದೇಹದಲ್ಲಿ ‘ಮೆಲಟೋನಿನ್’ ಅನ್ನೋ ಹಾರ್ಮೋನ್ ಬ್ಯಾಲೆನ್ಸ್ ಚೇಂಜ್ ಆಗುತ್ತೆ. ಇದು ನಿದ್ದೆ ಬರಲು ಹೆಲ್ಪ್ ಮಾಡೋ ಹಾರ್ಮೋನ್. ಇದು ಸಂಜೆ ಬೇಗ ಬಿಡುಗಡೆ ಆಗೋದ್ರಿಂದ ನಮಗೆ 9 ಅಥವಾ 10 ಗಂಟೆಗೇ ನಿದ್ದೆ ಬರೋಕೆ ಶುರು ಆಗುತ್ತೆ. ಹಾಗೆಯೇ ಬೆಳಗ್ಗೆ 5 ಗಂಟೆ ಹೊತ್ತಿಗೆ ಈ ಹಾರ್ಮೋನ್ ಪ್ರಮಾಣ ಕಮ್ಮಿ ಆಗುತ್ತೆ, ಆಗ ನಮಗೆ ತಾನಾಗಿಯೇ ಎಚ್ಚರ ಆಗುತ್ತೆ. ಇದನ್ನ ವಿಜ್ಞಾನಿಗಳು ‘ಸರ್ಕಾಡಿಯನ್ ರಿದಮ್’ ಶಿಫ್ಟ್ ಅಂತ ಕರೀತಾರೆ.
60 ರ ನಂತರ ನಮ್ಮ ನಿದ್ದೆ ಮೊದಲಿಗಿಂತ ಸ್ವಲ್ಪ ಕಡಿಮೆ ಆಗಿರುತ್ತೆ ಅಥವಾ ಗಾಢ ನಿದ್ದೆ ಮಾಡೋ ಸಮಯ ಕಡಿಮೆ ಆಗುತ್ತೆ. ಸಣ್ಣ ಸೌಂಡ್ ಕೇಳಿದ್ರೂ ಅಥವಾ ಬೆಳಗಿನ ಸ್ವಲ್ಪ ಬೆಳಕು ಕಂಡ್ರೂ ನಿದ್ದೆ ಹೋಗುತ್ತೆ. ಅಷ್ಟೇ ಅಲ್ಲದೆ, ವಯಸ್ಸಾದ ಮೇಲೆ ಕಾಡೋ ಕೀಲು ನೋವು ಅಥವಾ ರಾತ್ರಿ ಪದೇ ಪದೇ ಬಾತ್ ರೂಮ್ಗೆ ಹೋಗೋ ಅನಿವಾರ್ಯತೆ ಇರೋದ್ರಿಂದ ನಿದ್ದೆ ಮಧ್ಯೆ ಪದೇ ಪದೇ ಎಚ್ಚರವಾಗುತ್ತೆ. ಇದು ಆರೋಗ್ಯ ಕೆಟ್ಟಿದೆ ಅಂತಲ್ಲ, ಬದಲಾಗಿ ಶರೀರ ಬದಲಾಗುತ್ತಿದೆ ಅಂತ ಅರ್ಥ.
ಇಲ್ಲಿ ಅತಿ ಮುಖ್ಯವಾದ ವಿಷಯ ಅಂದ್ರೆ ನೀವು ಬೆಳಗ್ಗೆ ಎದ್ದಾಗ ಹೇಗೆ ಫೀಲ್ ಮಾಡ್ತೀರಾ ಅನ್ನೋದು. ಒಂದು ವೇಳೆ ನೀವು 5:30ಕ್ಕೆ ಎದ್ದಾಗ ನಿಮ್ಮ ಮೈಂಡ್ ಮತ್ತು ಬಾಡಿ ಫ್ರೆಶ್ ಆಗಿದ್ರೆ, ನೀವು ಆರಾಮವಾಗಿ ಎದ್ದು ನಿಮ್ಮ ಕೆಲಸ ಶುರು ಮಾಡಬಹುದು. ಆದ್ರೆ ಎದ್ದ ಮೇಲೆ ಇಡೀ ದಿನ ಸುಸ್ತು ಅನ್ನಿಸಿದ್ರೆ ಅಥವಾ ಯಾವುದರ ಮೇಲೂ ಗಮನ ಕೊಡೋಕೆ ಆಗ್ತಿಲ್ಲ ಅಂದ್ರೆ ನಿಮ್ಮ ನಿದ್ದೆ ಸಾಲುತ್ತಿಲ್ಲ ಅಂತ ಅರ್ಥ. ನಿದ್ದೆ ಬರದಿದ್ದರೂ ಕಷ್ಟಪಟ್ಟು ಹಾಸಿಗೆಯಲ್ಲೇ 20-30 ನಿಮಿಷಕ್ಕಿಂತ ಜಾಸ್ತಿ ಮಲಗೋದು ಒಳ್ಳೆಯದಲ್ಲ. ಆದರೆ ಕೆಲವರಿಗೆ ಅದು ಇನ್ನು ಟೆನ್ಶನ್ ಜಾಸ್ತಿ ಮಾಡುತ್ತೆ.
ಪ್ರತಿದಿನ ಒಂದೇ ಸಮಯಕ್ಕೆ ಮಲಗಿ: ವೀಕೆಂಡ್ ಅಲ್ವಾ ಅಂತ ಜಾಸ್ತಿ ಹೊತ್ತು ಮಲಗಬೇಡಿ. ಪ್ರತಿದಿನ ಒಂದೇ ಟೈಮ್ಗೆ ಮಲಗಿ ಎದ್ದೇಳಿ.
ಬಿಸಿಲಿನಮಹತ್ವ: ಎದ್ದ ಒಂದು ಗಂಟೆಯೊಳಗೆ ಸ್ವಲ್ಪ ಹೊತ್ತು ಸೂರ್ಯನ ಎಳೆ ಬಿಸಿಲಿಗೆ ಮೈ ಒಡ್ಡಿ. ಇದು ನಿಮ್ಮ ದೇಹದ ಆಂತರಿಕ ಗಡಿಯಾರವನ್ನ ಸರಿಯಾಗಿ ಇರಿಸುತ್ತೆ.
ಮಧ್ಯಾಹ್ನದನಿದ್ದೆ: ಮಧ್ಯಾಹ್ನ ಮಲಗೋ ಹವ್ಯಾಸ ಇದ್ರೆ ಅದು ಬರೀ 20 ರಿಂದ 30 ನಿಮಿಷ ಇರಲಿ. 3 ಗಂಟೆ ನಂತರ ಮಲಗಬೇಡಿ.
ಫೋನ್ದೂರವಿಡಿ: ಮಲಗುವ ಕನಿಷ್ಠ ಒಂದು ಗಂಟೆ ಮುಂಚೆ ಮೊಬೈಲ್ ಫೋನ್ ಪಕ್ಕಕ್ಕಿಡಿ. ಕತ್ತಲೆ ಮತ್ತು ಶಾಂತ ವಾತಾವರಣ ನಿದ್ದೆಗೆ ತುಂಬಾ ಹೆಲ್ಪ್ ಮಾಡುತ್ತೆ.
ಸರಿಯಾದ ಊಟ ಮತ್ತು ಸಣ್ಣ ಪುಟ್ಟ ವ್ಯಾಯಾಮ ಇದ್ರೆ ನೀವು ಸದಾ ಆಕ್ಟಿವ್ ಆಗಿರಬಹುದು. ನೆನಪಿಡಿ, ನಿದ್ದೆಯೇ ಅಸಲಿ ಗೆಲುವು. ಚೆನ್ನಾಗಿ ನಿದ್ದೆ ಮಾಡಿ, ಖುಷಿಯಾಗಿ ಇರಿ.
