Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಗಂಡ ಹೆಂಡತಿಯ ವಯಸ್ಸಿನಲ್ಲಿ ವ್ಯತ್ಯಾಸ ಇರಬೇಕು ಎಂದು ಹಿರಿಯರು ಹೇಳುತ್ತಾ ಬಂದಿದ್ದಾರೆ. ಸಾಮಾನ್ಯವಾಗಿ, ಭಾರತದಲ್ಲಿ, ಗಂಡ ಹೆಂಡತಿಗಿಂತ ದೊಡ್ಡವನಿರ್ತಾನೆ, ಇದು ಪ್ರಾಚೀನ ಕಾಲದಿಂದಲೂ ನಡೆದುಕೊಂಡು ಬಂದಿರುವ ಪದ್ಧತಿ. ಇದನ್ನು ಇನ್ನೂ ವ್ಯವಸ್ಥಿತ ವಿವಾಹಗಳಲ್ಲಿ ಅನುಸರಿಸಲಾಗುತ್ತದೆ. ಆದ್ರೆ ಲವ್ ಮ್ಯಾರೇಜ್ಗಳಲ್ಲಿ ಜೋಡಿಗಳ ವಯಸ್ಸು ಪ್ರಮುಖ ವಿಷಯವೇ ಅಲ್ಲ.
ಅನೇಕ ಜೋಡಿಗಳಲ್ಲಿ ಗಂಡ ಹೆಂಡತಿಗಿಂತ ಚಿಕ್ಕವನು ಅಥವಾ ಇಬ್ಬರ ವಯಸ್ಸಿನಲ್ಲಿಯೂ ದೊಡ್ಡ ವ್ಯತ್ಯಾಸವಿದೆ. ಇದರ ರಿಸಲ್ಟ್ ಸಹ ವಿಭಿನ್ನವಾಗಿವೆ.
ಆದ್ರೆ ಗಂಡ ಅಥವಾ ಹೆಂಡತಿ ಪರಸ್ಪರ ಕಿರಿಯರಲ್ಲ ಅಥವಾ ದೊಡ್ಡವರಲ್ಲ. ಇಬ್ಬರೂ ಒಂದೇ ವಯಸ್ಸಿನವರಾಗಿದ್ದರೆ ಏನಾಗುತ್ತದೆ? ವೈಜ್ಞಾನಿಕ, ಮಾನಸಿಕ ಮತ್ತು ಸಾಮಾಜಿಕ ದೃಷ್ಟಿಕೋನದಿಂದ, ಇದು ಸಾಮಾನ್ಯವಾಗಿದೆ ಮತ್ತು ಅಪಾಯಕ್ಕಿಂತ ಪ್ರಯೋಜನವೇ ಹೆಚ್ಚು ಎನ್ನಲಾಗ್ತಿದೆ.
ಆರೋಗ್ಯದ ದೃಷ್ಟಿಕೋನದಿಂದ, ಯಾವುದೇ ವೈದ್ಯಕೀಯ ಸಮಸ್ಯೆಗಳಿಲ್ಲ.
ಮದುವೆ ಅಥವಾ ಮಕ್ಕಳನ್ನು ಹೊಂದಲು ಒಂದೇ ವಯಸ್ಸಿನವರಾಗಿರುವುದು ಸಮಸ್ಯೆಯಲ್ಲ. ಪುರುಷರು ಮತ್ತು ಮಹಿಳೆಯರ ಜೈವಿಕ ವಯಸ್ಸು ವಿಭಿನ್ನ ದರಗಳಲ್ಲಿ ಬದಲಾಗುತ್ತದೆ. ಆದ್ರೆ ಅವರು ಒಂದೇ ವಯಸ್ಸಿನವರಾಗಿರೋದ್ರಿಂದ, ಯಾವುದೇ ರೋಗವು ಸಂಭವಿಸುವುದಿಲ್ಲ.
ಗರ್ಭಧಾರಣೆಯ ವಿಷಯದಲ್ಲಿ, ಪುರುಷನ ವಯಸ್ಸು ಅಲ್ಲ, ಮಹಿಳೆಯ ವಯಸ್ಸು ಹೆಚ್ಚು ಮುಖ್ಯವಾಗಿದೆ. ಇಬ್ಬರೂ 20-30 ರ ದಶಕದಲ್ಲಿದ್ದರೆ, ಆರೋಗ್ಯದ ಅಪಾಯ ಕಡಿಮೆ. ಒಂದೇ ವಯಸ್ಸಿನವರಾಗಿದ್ದರೆ ಮಕ್ಕಳು ಜನಿಸಲು ಸಾಧ್ಯವಿಲ್ಲ ಅನ್ನೋದು ತಪ್ಪು ಕಲ್ಪನೆ.
ಮಾನಸಿಕ ಮತ್ತು ಭಾವನಾತ್ಮಕ ವಿಚಾರಗಳಲ್ಲೂ ಪಾಸಿಟಿವ್ ಆಗಿರುತ್ತಾರೆ. ಒಂದೇ ವಯಸ್ಸು ಎಂದ್ರೆ ಜೀವನದ ಒಂದೇ ಹಂತ.
ವೃತ್ತಿ ಹಂತ, ಜವಾಬ್ದಾರಿಗಳು, ಆಲೋಚನಾ ವಿಧಾನ, ಸ್ನೇಹಿತರು, ಸಂಸ್ಕೃತಿ, ಪ್ರವೃತ್ತಿಗಳು ಎಲ್ಲವೂ ಒಂದೇ ಆಗಿರುತ್ತವೆ. ಇದು ಪರಸ್ಪರ ಅರ್ಥಮಾಡಿಕೊಳ್ಳಲು ಸುಲಭಗೊಳಿಸುತ್ತದೆ, ಅಹಂಕಾರದ ಗಲಾಟೆ ಕಡಿಮೆಯಾಗುತ್ತವೆ, ನಿರ್ಧಾರಗಳನ್ನು ಸಾಮೂಹಿಕವಾಗಿ ತೆಗೆದುಕೊಳ್ಳಬಹುದು.
ನಾನು ದೊಡ್ಡವನು ಅಥವಾ ನಾನು ಚಿಕ್ಕವನು ಎಂಬಂತಹ ಅಹಂ ಇರೋದಿಲ್ಲ.
ಒಂದೇ ವಯಸ್ಸಿನ ದಂಪತಿಗಳಲ್ಲಿ ಪ್ರಾಬಲ್ಯ ಕಡಿಮೆ, ಪರಸ್ಪರ ಗೌರವ ಹೆಚ್ಚು, ಮತ್ತು ನಿರ್ಧಾರಗಳಲ್ಲಿ ಇಬ್ಬರಿಗೂ ಸಮಾನ ಪಾತ್ರವಿರುತ್ತದೆ. ಹಣಕಾಸು ಮತ್ತು ಮನೆಯ ಜವಾಬ್ದಾರಿಗಳು ಹೆಚ್ಚು ಸಮತೋಲಿತವಾಗಿದ್ದು, ಇಂದಿನ ಕಾಲದಲ್ಲಿ ಇದು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ.
ಆದರೆ ಕೆಲಮೊಮ್ಮೆ ಇಬ್ಬರೂ ಸಮವಾಗಿದ್ರೆ ಗಲಾಟೆ ಹೆಚ್ಚಾಗಬಹುದು, ಇಬ್ಬರೂ ನಾನೇ ಹೆಚ್ಚು ಅಂತಿದ್ರೆ ನಿರ್ಧಾರಗಳು ವಿಳಂಬವಾಗಬಹುದು.
ಇಬ್ಬರೂ ಒಂದೇ ಸಮಯದಲ್ಲಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸುತ್ತಿದ್ದರೆ, ಆರ್ಥಿಕ ಸ್ಥಿರತೆ ನಂತರ ಬರಬಹುದು. ಆದ್ರೆ ಇದು ವಯಸ್ಸಿನಿಂದಲ್ಲ, ಆದ್ರೆ ಮನೋಧರ್ಮದಿಂದಾಗಿ. ವಯಸ್ಸಿಗಿಂತ ಮುಖ್ಯವಾದುದು ಸಂವಹನ, ಪರಸ್ಪರ ಗೌರವ, ಜವಾಬ್ದಾರಿಯನ್ನು ಸ್ವೀಕರಿಸೋ ಮನೋಭಾವನೆ, ಕಷ್ಟದಲ್ಲೂ ಒಟ್ಟಿಗೆ ನಿಲ್ಲುವುದು.
ಒಂದೇ ವಯಸ್ಸಿನ ಜೋಡಿ ಮದುವೆಯಾಗೋದ್ರಲ್ಲಿಯಾವುದೇ ತಪ್ಪಿಲ್ಲ. ತಿಳುವಳಿಕೆ ಹೆಚ್ಚಾಗುತ್ತದೆ, ಸಂಬಂಧದಲ್ಲಿ ಸಮಾನತೆ ಸಾಧಿಸಲಾಗುತ್ತದೆ, ಈ ಮಾದರಿ ಆಧುನಿಕ ಜೀವನಕ್ಕೆ ತುಂಬಾ ಸೂಕ್ತವಾಗಿದೆ. ಇಬ್ಬರೂ ಮಾನಸಿಕವಾಗಿ ಪ್ರಬುದ್ಧರಾಗಿದ್ದರೆ, ಜವಾಬ್ದಾರಿಯುತರಾಗಿದ್ದರೆ ಮತ್ತು ಪರಸ್ಪರಅರ್ಥಮಾಡಿಕೊಂಡ್ರೆ, ವಯಸ್ಸಿನ ವ್ಯತ್ಯಾಸವುಕೇವಲಒಂದು ಸಂಖ್ಯೆ ಅಷ್ಟೇ.
