Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ತಿರುವನಂತಪುರಂ: ಭಾರತ ಮಹಿಳಾ ಕ್ರಿಕೆಟ್ ತಂಡದ ಆಟಗಾರ್ತಿಯರಾದ ಜೆಮಿಮಾ ರೊಡ್ರಿಗಸ್ ಜೊತೆ ಸ್ಮೃತಿ ಮಂಧಾನ ಕ್ರಿಸ್ ಮಸ್ ಆಚರಿಸಿದ್ದಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ಕೆಲವರು ಕಿಡಿ ಕಾರಿದ್ದಾರೆ.
ಜೆಮಿಮಾ ಕ್ರಿಶ್ಚಿಯನ್ ಧರ್ಮೀಯರಾಗಿದ್ದರೆ ಸ್ಮೃತಿ ಅಪ್ಪಟ ಹಿಂದೂ ಧರ್ಮಕ್ಕೆ ಸೇರಿದವರು.
ಆದರೆ ಇಬ್ಬರೂ ಉತ್ತಮ ಸ್ನೇಹಿತರು. ವೃತ್ತಿ ಜೀವನದ ಹೊರತಾಗಿಯೂ ಇಬ್ಬರ ಕಷ್ಟಕ್ಕೆ ಇನ್ನೊಬ್ಬರು ಆಗಿ ಬರುವಂಥಾ ಸ್ನೇಹಿತೆಯರು. ಇತ್ತೀಚೆಗೆ ಸ್ಮೃತಿ ಮದುವೆ ಮುರಿದು ಬಿದ್ದಾಗ ಜೆಮಿಮಾ ತಮ್ಮ ಬಿಗ್ ಬಾಶ್ ಲೀಕ್ ಕ್ರಿಕೆಟ್ ಪಂದ್ಯಾವಳಿಯನ್ನೂ ರದ್ದು ಮಾಡಿ ಜೊತೆಗೆ ನಿಂತಿದ್ದರು.
ಇದೀಗ ಶ್ರೀಲಂಕಾ ವಿರುದ್ಧ ಟಿ20 ಸರಣಿಯಲ್ಲಿ ಇಬ್ಬರೂ ಆಡುತ್ತಿದ್ದು, ನಿನ್ನೆ ತಿರುವನಂತಪುರಂನಲ್ಲಿ ಜೆಮಿಮಾ ಕ್ರಿಸ್ ಮಸ್ ಆಚರಿಸಿಕೊಂಡಿದ್ದಾರೆ. ಈ ವೇಳೆ ಅವರಿಗೆ ಸ್ನೇಹಿತೆ ಸ್ಮೃತಿ ಮಂಧಾನ, ಆರುಂಧತಿ ರೆಡ್ಡಿ ಸಾಥ್ ನೀಡಿದ್ದಾರೆ. ಜೆಮಿಮಾ ಜೊತೆ ಈ ಇಬ್ಬರೂ ಕ್ರಿಕೆಟಿಗರೂ ತಲೆಗೆ ಸಾಂತಾ ಟೋಪಿ ಧರಿಸಿ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ.
ಆದರೆ ಇದನ್ನು ಕೆಲವರು ಟ್ರೋಲ್ ಮಾಡಿದ್ದಾರೆ. ಮೊನ್ನೆಯಷ್ಟೇ ಭಾರತ ತಂಡದ ಕ್ರಿಕೆಟಿಗರು ಆಂಧ್ರಪ್ರದೇಶದ ದೇವಾಲಯವೊಂದಕ್ಕೆ ಭೇಟಿ ನೀಡಿದ್ದರು. ಈ ವೇಳೆ ಜೆಮಿಮಾ ಜೊತೆಗಿರಲಿಲ್ಲ. ಜೆಮಿಮಾ ಕ್ರಿಶ್ಚಿಯನ್ ಎಂಬ ಕಾರಣಕ್ಕೆ ಹಿಂದೂ ದೇವಾಲಯಕ್ಕೆ, ಹಬ್ಬಗಳ ಸೆಲೆಬ್ರೇಷನ್ ನಲ್ಲಿ ಭಾಗಿಯಾಗಲ್ಲ. ಆದರೆ ಸ್ಮೃತಿ ಮಾತ್ರ ಕ್ರಿಸ್ ಮಸ್ ಆಚರಿಸುತ್ತಾರೆ. ಯಾವತ್ತೂ ಸೆಕ್ಯುಲರಿಸಂ ಎಂದರೆ ಭಾರತದಲ್ಲಿ ಅದು ಹಿಂದೂಗಳಿಗೆ ಮಾತ್ರವಾ ಎಂದು ಕೆಲವರು ಸೋಷಿಯಲ್ ಮೀಡಿಯಾದಲ್ಲಿ ಕಿಡಿ ಕಾರಿದ್ದಾರೆ.
ಬಿಗ್ ಬಾಸ್ ವೀಕೆಂಡ್ ಸಂಚಿಕೆಗೆ ಬರ್ತಿರುವ ಆ ಇಬ್ಬರು ಸ್ಟಾರ್ ನಟರು ಯಾರು?
