Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಡೇಟಿಂಗ್ ಆ್ಯಪ್ನಿಂದ ಪರಿಚಯವಾದ ಮಹಿಳೆಯನ್ನು ಮದುವೆಯಾಗಿ ತನ್ನ ಸಂಪತ್ತನ್ನು ಕಳೆದುಕೊಂಡ ಘಟನೆ ಚೀನಾದ ಹೆಂಗ್ಯಾಂಗ್ ನಗರದಲ್ಲಿ ನಡೆದಿದೆ.
40 ವರ್ಷದ ವ್ಯಕ್ತಿಯೊಬ್ಬರು ಬ್ಲೈಂಡ್ ಡೇಟ್ನಲ್ಲಿ ಮಹಿಳೆಯೊಬ್ಬಳನ್ನು ನಾಲ್ಕು ಗಂಟೆಯಲ್ಲಿ ಪರಿಚಯ ಮಾಡಿಕೊಂಡು, ಮದುವೆಯಾಗಿದ್ದಾರೆ. ಮದುವೆಯಾದ ಒಂದೇ ವಾರದಲ್ಲಿ ಗಂಡನ ಎಲ್ಲ ಹಣ ಹಾಗೂ ಹೊಡಿಕೆಯನ್ನು ಖಾಲಿ ಮಾಡಿದ್ದಾಳೆ. ಇದೀಗ ಈ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.
ವರದಿಗಳ ಪ್ರಕಾರ, 40 ವರ್ಷದ ಹುವಾಂಗ್ ಝೊಂಗ್ಚೆಂಗ್ ಎಂಬ ವ್ಯಕ್ತಿ ಬ್ಲೈಂಡ್ ಡೇಟ್ ಆ್ಯಪ್ನಲ್ಲಿ ಮಹಿಳೆಯೊಬ್ಬಳನ್ನು ಪ್ರೀತಿಸಿ, 4 ಗಂಟೆಯಲ್ಲಿ ಮದುವೆಯಾಗಿದ್ದಾರೆ. ಮದುವೆಯಾದ ನಂತರ ಆಕೆಯ ನಿಜ ಬಣ್ಣ ಬಯಲಾಗಿದೆ. ಮಹಿಳೆಯನ್ನು ನಂಬಿ ಎಲ್ಲವನ್ನು ನೀಡಿದ್ದಾರೆ. ಪ್ರೀತಿಯ ಅಮಲಿನಲ್ಲಿ ಆಕೆ ಕೇಳಿದ್ದೆಲ್ಲ ನೀಡಿದ್ದಾರೆ. ಮದುವೆಯ ನಂತರ ಹಣಕ್ಕಾಗಿ ಬೇಡಿಕೆ ಕೂಡ ಇಟ್ಟಿದ್ದಾಳೆ. 30 ಲಕ್ಷ ರೂ ಆಕೆಗೆ ಹುವಾಂಗ್ ಝೊಂಗ್ಚೆಂಗ್ ನೀಡಿದ್ದಾರೆ. ಅದನ್ನು 18 ದಿನದಲ್ಲೇ ದುರುಪಯೋಗ ಮಾಡಿದ್ದಾಳೆ. ಅಷ್ಟು ವರ್ಷ ಮಾಡಿದ ಎಲ್ಲ ಉಳಿತಾಯ ಹಾಗೂ ಹೂಡಿಕೆ ಕೂಡ ಕಳೆದುಕೊಂಡಿದ್ದಾರೆ. ಮೊದಲ ರಾತ್ರಿ ಕಳೆದ ನಂತರ, ಮಹಿಳೆಯ ನಡವಳಿಕೆ ಇದ್ದಕ್ಕಿದ್ದಂತೆ ಬದಲಾಗಿದೆ. ಗಂಡ ಮತ್ತು ಹೆಂಡತಿಯ ನಡುವೆ ಯಾವುದೇ ಅನ್ಯೋನ್ಯತೆ ಇರಲಿಲ್ಲ, ಪ್ರೀತಿ ಇರಲಿಲ್ಲ, ಕೇವಲ ಹಣದ ಲೆಕ್ಕಾಚಾರ ಮಾತ್ರ ಆಕೆಯ ತಲೆಯಲ್ಲಿ ಇತ್ತು.
ಹುವಾಂಗ್ ಹೇಳಿರುವ ಪ್ರಕಾರ, “ಮದುವೆಯಾದ ಮೊದಲು ಒಂದು ಹೋಟೆಲ್ನಲ್ಲಿ ಉಳಿಕೊಂಡೆವು, ಅದು ನಮ್ಮಿಬ್ಬರ ನಡುವೆ ನಡೆದ ಮೊದಲ ಪ್ರೀತಿಯ ಕ್ಷಣ, ಆ ನಂತರ ಆ ಪ್ರೀತಿ ಹಣದ ವ್ಯಾಮೋಹಕ್ಕೆ ಬದಲಾಯಿತು. ಹಣದ ವಿಚಾರಕ್ಕೆ ಪ್ರತಿದಿನ ಜಗಳ, ಒಂದು ದಿನವೂ ನಾನು ನೆಮ್ಮದಿಯಿಂದ ಇರಲಿಲ್ಲ. ಹಣ ಸಂಪಾದಿಸಲು ಊರು ಬಿಟ್ಟು ಊರಿಗೆ ಹೋಗುತ್ತಿದ್ದೆ, ಪ್ರತಿದಿನ ಹಣಕ್ಕಾಗಿ ಕಾಡಿಸುತ್ತಿದ್ದಳು. ಹಣಕ್ಕಾಗಿ ಮಾತ್ರ ನನ್ನ ಜತೆಗೆ ಮಾತನಾಡುತ್ತಿದ್ದಳು, ಆದರೆ ಈಗ ನನ್ನಲ್ಲಿ ಹಣ ಖಾಲಿಯಾಗಿದೆ. ಮಾನಸಿಕವಾಗಿ ಹಿಂಸಿಸಲು ಪ್ರಾರಂಭಿಸಿದ್ದಾಳೆ. ಮುಂದೆ ಹೇಗೆ ಜೀವನ ಕಳೆಯುವುದು ಎಂಬ ಭಯ ಶುರುವಾಗಿದೆ” ಎಂದು ಹೇಳಿದ್ದಾರೆ.
