Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಮ್ಯಾಟ್ರಿಮೋನಿಯಲ್ ಸೈಟ್ ಮೂಲಕ ವರದಕ್ಷಿಣೆ ಬೇಡ ಹೇಳಿ ಮದುವೆಯಾಗಿದ್ದಾನೆ. ಆದರೆ ಮೊದಲ ರಾತ್ರಿಯೇ ಯುವತಿ ಆಸ್ಪತ್ರೆ ಪಾಲಾಗಿದ್ದಾಳೆ. ಅಷ್ಟಕ್ಕೂ ಮೊದಲ ರಾತ್ರಿಯಲ್ಲಿ ಏನಾಯ್ತು?
ತಮಿಳುನಾಡಿನ ತಿರುವಳ್ಳೂರು ಜಿಲ್ಲೆಯ 24 ವರ್ಷದ ಯುವತಿಗೆ ಮ್ಯಾಟ್ರಿಮೋನಿಯಲ್ ಸೈಟ್ ಮೂಲಕ ಜಾಷುವಾ ಎಂಬ ಯುವಕ ಪರಿಚಯವಾಗಿದ್ದ. ಯುವತಿಗೆ ಹಲವು ಕಥೆಗಳನ್ನು ಹೇಳಿದ್ದ ಆರೋಪಿ, ಆಕೆಯ ಕುಟುಂಬಸ್ಥರನ್ನು ಭೇಟಿಯಾಗಿ ಯಾವುದೇ ವರದಕ್ಷಿಣೆ ಇಲ್ಲದೇ ಮದುವೆಯಾಗೋದಾಗಿ ಹೇಳಿದ್ದನಂತೆ. ನವೆಂಬರ್ 23 ರಂದು ಮದುವೆ ದಿನಾಂಕ ನಿಗದಿ ಮಾಡಿ ಮದುವೆ ಮಾಡಿ ಮುಗಿಸಿದ್ದರಂತೆ. ದಂಪತಿ ತಮ್ಮ ಮನೆಗೆ ಶಿಫ್ಟ್ ಆದ ಬಳಿಕ ಮೊದಲ ರಾತ್ರಿ ಸಿದ್ಧತೆ ಮಾಡಲಾಗಿತ್ತು. ಅಂದು ರಾತ್ರಿ ಬೆಡ್ರೂಮ್ನಲ್ಲಿ ಹೋಗಿದ್ದ ಯುವತಿ, ತನ್ನ ಗಂಡನಿಗೆ ‘ನಾವಿಬ್ಬರೂ ಮೊದಲು ಮಾತಾಡಿಕೊಂಡು, ಒಬ್ಬರನ್ನೊಬ್ಬರು ಅರ್ಥೈಸಿಕೊಳ್ಳೋಣ, ನಂತರ ದೈಹಿಕ ಸಂಬಂಧ ಬೆಳೆಸೋಣಾ ಎಂದು ಸಮಯ ಕೇಳಿದ್ದಳಂತೆ.
ಆದರೆ ಜಾಷುವಾಗೆ ಇದು ಇಷ್ಟವಾಗಲಿಲ್ಲವಂತೆ. ಇದರೊಂದಿಗೆ ಪತ್ನಿಯ ಮೇಲೆ ಒತ್ತಡ ಹಾಕಿದ್ದಾನೆ. ತಕ್ಷಣವೇ ದೈಹಿಕ ಸಂಬಂಧ ಬೇಕೆಂದು ಒತ್ತಾಯ ಮಾಡಿದ್ದನಂತೆ. ಯಾವಾಗ ಹೆಂಡತಿ ನಿರಾಕರಿಸಿಳೋ ಕುಪಿತನಾಗಿದ್ದ ಆರೋಪಿ, ಪಕ್ಕದ ಕೋಣೆಯಿಂದ ಸುತ್ತಿಗೆ ತಂದು ಯುವತಿಯ ತಲೆ, ಮುಖ, ಕೈಗಳ ಮೇಲೆ ಹಲ್ಲೆ ಮಾಡಿದ್ದನಂತೆ. ಆಕೆ ರಕ್ತರ ಹೊಳೆಯಲ್ಲಿ ಪ್ರಜ್ಞೆ ತಪ್ಪಿಬಿದ್ದಿದ್ದು, ಕೂಡಲೇ ಆಕೆ ಸಾವನ್ನಪ್ಪಿದ್ದಾಳೆ ಎಂದು ತಿಳಿದು ಆತ ಪರಾರಿಯಾಗಿದ್ದಾನೆ.
ಮರುದಿನ ಬೆಳಗ್ಗೆ ಅತ್ತೆ-ಮಾವ ರೂಮ್ ಗೆ ಬಂದು ನೋಡಿದಾಗ ಶಾಕ್ ಗೆ ಒಳಗಾಗಿದ್ದು, ತಕ್ಷಣ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸದ್ಯ ಆಕೆಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರೆದಿದ್ದು, ಪೊಲೀಸರು ಘಟನೆ ಸಂಬಂಧ ಪ್ರಕರಣ ದಾಖಲು ಮಾಡಿಕೊಂಡಿದ್ದಾರೆ.
