newsics.com
ಸಾಮಾನ್ಯವಾಗಿ ನೀರಿನ ಬಾಟಲಿಗಳು ಸ್ವಲ್ಪ ಸಮಯದ ನಂತರ ಕೆಟ್ಟ ವಾಸನೆ ಬರಲು ಪ್ರಾರಂಭಿಸುತ್ತವೆ. ಬಾಟಲಿಯು ಪ್ಲಾಸ್ಟಿಕ್ ಅಥವಾ ಥರ್ಮೋಪ್ಲಾಸ್ಟಿಕ್ ಅಥವಾ ಸ್ಟೀಲ್ ಯಾವುದಾದರೂ ಸರಿ ನೀರು ಕುಡಿಯುವಾಗ ಕೆಟ್ಟ ವಾಸನೆ ಬರಲು ಪ್ರಾರಂಭಿಸುತ್ತದೆ. ಇದಕ್ಕೆ ಮಹಿಳೆಯೊಬ್ಬರು ಒಂದೊಳ್ಳೆ ಐಡಿಯಾ ಕೊಟ್ಟಿದ್ದಾರೆ.
ಹೌದು, ಬಾಟಲಿಯಿಂದ ವಾಸನೆಯನ್ನು ತೊಡೆದುಹಾಕಲು ಈ ಮಹಿಳೆ ಪಲಾವ್ ಎಲೆಯನ್ನು ಸುಟ್ಟು ಸ್ಟೀಲ್ ಬಾಟಲಿಯಲ್ಲಿ ಹಾಕಿ ಮುಚ್ಚಳದಿಂದ ಮುಚ್ಚುತ್ತಾರೆ.
ಕೆಲವು ನಿಮಿಷಗಳ ನಂತರ ಮುಚ್ಚಳವನ್ನು ತೆರೆದು ನೀರಿನಿಂದ ತೊಳೆಯುತ್ತಾರೆ. ನಂತರ ಬಾಟಲಿಯು ಒಳಗಿನಿಂದ ಹೊಳೆಯುವುದಲ್ಲದೆ, ಸ್ವಚ್ಛವಾಗಿ ಕಾಣುತ್ತದೆ. ಆದರೆ ನೆನಪಿಡಿ ಈ ಐಡಿಯಾ ಪ್ಲಾಸ್ಟಿಕ್ ಬಾಟಲಿಗಳಿಗೆ ಅಪ್ಲೈ ಆಗಲ್ಲ. ನೀವು ಈ ಹ್ಯಾಕ್ ಅನ್ನು ಸ್ಟೀಲ್ ಬಾಟಲಿಗಳ ಮೇಲೆ ಮಾತ್ರ ಪ್ರಯತ್ನಿಸಬಹುದು.
ಈ ಹ್ಯಾಕ್ನಿಂದ ಬಾಟಲಿಯಲ್ಲಿರುವ ಎಲ್ಲಾ ಕೊಳೆಯೂ ಯಾವುದೇ ಶ್ರಮವಿಲ್ಲದೆ ಸ್ವಚ್ಛವಾಗುತ್ತದೆ. ವಾಸನೆಯೂ ಸಹ ಕಣ್ಮರೆಯಾಗುತ್ತದೆ. ನೀವು ಮಾಡಬೇಕಾಗಿರುವುದಿಷ್ಟು.. ಮೊದಲಿಗೆ ಗ್ಯಾಸ್ ಮೇಲೆ ಪಲಾವ್ ಎಲೆಯನ್ನು ಸುಟ್ಟು, ಬಾಟಲಿಯಲ್ಲಿ ಹಾಕಿ ಮುಚ್ಚಿ. ಕೆಲವು ನಿಮಿಷಗಳ ನಂತರ, ಬಾಟಲಿಯ ಮುಚ್ಚಳವನ್ನು ತೆರೆಯಿರಿ. ಹೊಗೆ ಹೋದ ನಂತರ ಅದನ್ನು ಶುದ್ಧ ನೀರು ಅಥವಾ ಡಿಟರ್ಜೆಂಟ್ನಿಂದ ತೊಳೆದು ಒಣಗಿಸಿ ಬಳಸಿ.
ಈ ವೈರಲ್ ಹ್ಯಾಕ್ ಅನ್ನು @pari.gound.31 ಹೆಸರಿನ Instagram ಪೇಜ್ನಲ್ಲಿ ಹಂಚಿಕೊಂಡಿದ್ದು, ಇದು ಸಾಕಷ್ಟು ವೈರಲ್ ಆಗುತ್ತಿದೆ. ಇಲ್ಲಿಯವರೆಗೆ ವಿಡಿಯೋ 2 ಕೋಟಿಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ ಮತ್ತು 1 ಲಕ್ಷಕ್ಕೂ ಹೆಚ್ಚು ಬಳಕೆದಾರರು ಇದನ್ನು ಇಷ್ಟಪಟ್ಟಿದ್ದಾರೆ.
https://www.instagram.com/reel/DODlUKRjdD5/?igsh=Z3NxNGk1bXViM2dh
