newsics.com
ನವದೆಹಲಿ: ರಾಜಸ್ಥಾನದ ಮಣಿಕಾ ವಿಶ್ವಕರ್ಮಗೆ ಮಿಸ್ ಇಂಡಿಯಾ ಯುನಿವರ್ಸ್ 2025 ಕಿರೀಟ ಒಲಿದಿದೆ.
ಸೋಮವಾರ ರಾತ್ರಿ ಗ್ಲಮಾನಂದ್ ಗ್ರೂಪ್ ಮತ್ತು ಕೆ ಸೆರಾ ಸೆರಾ ಬಾಕ್ಸ್ ಆಫೀಸ್ ಜಂಟಿಯಾಗಿ ಆಯೋಜಿಸಿದ್ದ ಸ್ಪರ್ಧಾ ಕಾರ್ಯಕ್ರಮದಲ್ಲಿ ಮಣಿಕಾ ವಿಶ್ವಕರ್ಮ ಅವರನ್ನು ವಿಜೇತೆಯೆಂದು ಘೋಷಿಸಲಾಯಿತು.
ಇದೇ ನವೆಂಬರ್ನಲ್ಲಿ ಥೈಲ್ಯಾಂಡ್ನಲ್ಲಿ ನಡೆಯಲಿರುವ ಮಿಸ್ ಯೂನಿವರ್ಸ್ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ.
ಮಿಸ್ ಯೂನಿವರ್ಸ್ ಇಂಡಿಯಾ 2025 ಮೊದಲ ರನ್ನರ್ ಅಪ್ ಆಗಿ ಉತ್ತರ ಪ್ರದೇಶದ ತಾನ್ಯಾ ಶರ್ಮ ಕಿರೀಟ ಧರಿಸಿದ್ದಾರೆ. ಎರಡನೇ ಸ್ಥಾನವು ಮೆಹಕ್ ದಿಂಗ್ರಾ ಅವರಿಗೆ ದೊರೆತಿದ್ದು, ಹರಿಯಾಣದ ಅಮಿಷಿ ಕೌಶಿಕ್ ಮೂರನೇ ಸ್ಥಾನವನ್ನು ಗಳಿಸಿದ್ದಾರೆ.
ರಾಜಸ್ಥಾನದ ಶ್ರೀಗಂಗಾನಗರ ಮೂಲದವರಾದ ಮಣಿಕಾ ವಿಶ್ವಕರ್ಮ ಪ್ರಸ್ತುತ ದೆಹಲಿಯಲ್ಲಿದ್ದಾರೆ. ಪದವಿಯ ಕೊನೆಯ ವರ್ಷ ಓದುತ್ತಿರುವ ಮಣಿಕಾ ವಿಶ್ವಕರ್ಮ ಕಾಲೇಜಿನಲ್ಲಿ ರಾಜಕೀಯಶಾಸ್ತ್ರ ಮತ್ತು ಅರ್ಥಶಾಸ್ತ್ರದ ವಿದ್ಯಾರ್ಥಿನಿ. ನ್ಯೂರೋನೋವಾ (Neuronova) ಸಂಸ್ಥೆಯ ಸ್ಥಾಪಕಿಯಾಗಿರುವ ಮಣಿಕಾ ವಿಶ್ವಕರ್ಮ ನರ ವಿಭಿನ್ನತೆಯ ಬಗ್ಗೆ ಅಧ್ಯಯನ ಮಾಡುತ್ತಿದ್ದಾರೆ.
ಬಹುಮುಖ ಪ್ರತಿಭೆಯ ಮಣಿಕಾ ವಿಶ್ವಕರ್ಮ ಭಾರತದ ವಿದೇಶಾಂಗ ಸಚಿವಾಲಯ ಆಯೋಜಿಸಿದ್ದ BIMSTEC ಯೋಜನೆಯಲ್ಲೂ ಭಾರತವನ್ನು ಪ್ರತಿನಿಧಿಸಿದ್ದರು.
ಪಬ್ಲಿಕ್ ಸ್ಪೀಕರ್ ಆಗಿಯೂ ಗುರುತಿಸಿಕೊಂಡಿರುವ ಮಣಿಕಾ, ಜೆಜೆ ಸ್ಕೂಲ್ ಆಫ್ ಆರ್ಟ್ಸ್ ಮತ್ತು ಲಲಿತ ಕಲಾ ಅಕಾಡೆಮಿಯಿಂದ ಪುರಸ್ಕೃತರಾಗಿದ್ದಾರೆ.
