newsics.com
ಪಟನಾ: ಬಿಹಾರದ ವಸತಿ ನಿಗಮಕ್ಕೆ ಬೆಕ್ಕಿನ ಹೆಸರಿನಲ್ಲಿ ವಸತಿ ಪ್ರಮಾಣಪತ್ರಕ್ಕಾಗಿ ಅರ್ಜಿಯೊಂದು ಬಂದಿದ್ದು, ಭಾರೀ ಚರ್ಚೆಗೆ ಕಾರಣವಾಗಿದೆ.
ಅಚ್ಚರಿ ಎನಿಸಿದರೂ ಇದು ಸತ್ಯ. ಕ್ಯಾಟಿ ಬಾಸ್ ಮತ್ತು ಕ್ಯಾಟಿಯಾ ದೇವಿಯ ಪುತ್ರ ಕ್ಯಾಟ್ ಕುಮಾರ್ ಹೆಸರಿನಲ್ಲಿ ಸರ್ಕಾರ ನೀಡಿದ ನಿವಾಸ ಪುರಾವೆ ಕೋರಿ ಬಿಹಾರದ ರೋಹ್ತಾಸ್ನಲ್ಲಿ ಆನ್ಲೈನ್ ಅರ್ಜಿ ಸಲ್ಲಿಸಲಾಗಿದೆ.
ಈ ಫಾರ್ಮ್, ಫೋನ್ ಸಂಖ್ಯೆ ಮತ್ತು ಇಮೇಲ್ ಐಡಿಯಂತಹ ಸಂಪರ್ಕ ವಿವರಗಳನ್ನು ಒಳಗೊಂಡಿತ್ತು. ಸರಿಯಾಗಿ ನೋಡದೆ ಆರಂಭಿಕ ಸಲ್ಲಿಕೆ ಹಂತವನ್ನು ಹಾದು ಮುಂದೆ ಹೋಗಿತ್ತು. ದೂರಿನ ಪ್ರಕಾರ, ಜುಲೈ 29ರ 2025 ರಂದು, ಕ್ಯಾಟಿ ಬಾಸ್ ತಂದೆ ಮತ್ತು ಕ್ಯಾಟಿಯಾ ದೇವಿ ತಾಯಿ ಎಂದು ಕ್ಯಾಟ್ ಕುಮಾರ್ ಹೆಸರಿನಲ್ಲಿ ನಿವಾಸ ಪ್ರಮಾಣಪತ್ರವನ್ನು ನೀಡಲು ಮೊಬೈಲ್ ಸಂಖ್ಯೆ 6205631700 ನಿಂದ ಆನ್ಲೈನ್ ಅರ್ಜಿಯನ್ನು ಸ್ವೀಕರಿಸಲಾಗಿದೆ. ನೀಡಿರುವ ವಿಳಾಸ: ಗ್ರಾಮ – ಅತಿಮಿಗಂಜ್, ವಾರ್ಡ್ ಸಂಖ್ಯೆ 07, ಪೋಸ್ಟ್ – ಮಹಾದೇವ, ಪೊಲೀಸ್ ಠಾಣೆ – ನಸ್ರಿಗಂಜ್, ಪಿನ್ – 821310. ಅರ್ಜಿದಾರರ ಛಾಯಾಚಿತ್ರವಾಗಿ ಬೆಕ್ಕಿನ ಫೋಟೋವನ್ನು ಅಪ್ಲೋಡ್ ಮಾಡಲಾಗಿದೆ. ಒದಗಿಸಲಾದ ಇಮೇಲ್ [email protected] ಎಂದಾಗಿದೆ. ಪ್ರಕರಣ ಸಂಬಂಧ ಈಗ ಪೊಲೀಸ್ ತನಿಖೆ ನಡೆಯುತ್ತಿದೆ.
https://x.com/ANI/status/1954752168466038858
Indian railway ನಾಲ್ಕೂವರೆ ಕಿಮೀ ಉದ್ದದ ರೈಲು ‘ರುದ್ರಾಸ್ತ್ರ’ದ ಮೊದಲ ಸಂಚಾರ ಸಕ್ಸಸ್!
