newsics.com
ಭಾವನೆಗಳ ಪ್ರಪಂಚದಲ್ಲಿ ಜಗತ್ತಿನ ಸರ್ವ ಜೀವಿಗಳು ಬದುಕುತ್ತವೆ. ಅದರಲ್ಲೂ ಮನುಷ್ಯ ಹಾಗೂ ಪ್ರಾಣಿ ನಡುವಿನ ಪ್ರೀತಿ ಎಂದರೆ ಹಾಗೆ,ಸ್ಪಂದನೆ-ಪ್ರತಿಸ್ಪಂದನೆ ಇದ್ದೇ ಇರುತ್ತದೆ.
ಮನುಷ್ಯ ತನ್ನ ಭಾವನೆಯನ್ನು ಅಳು ಹಾಗೂ ನಗುವಿನ ಮೂಲಕ ಆಚೆ ಹಾಕುತ್ತಾನೆ. ಆದ್ರೆ ಪ್ರಾಣಿಗಳು ತಮ್ಮ ಹಾವ ಭಾವದೊಂದಿಗೆ ತಮ್ಮ ಭಾವನೆಗಳನ್ನು ಅಭಿವ್ಯಕ್ತಪಡಿಸುತ್ತವೆ.ಮನುಷ್ಯ ಹಾಗೂ ಪ್ರಾಣಿ ನಡುವಿನ ಪ್ರೀತಿ ಎಂದರೆ ಹಾಗೆ,ಸ್ಪಂದನೆ-ಪ್ರತಿಸ್ಪಂದನೆ ಇದ್ದೇ ಇರುತ್ತದೆ. ಮನುಷ್ಯರು ಪ್ರೀತಿಸಿದರೆ ಅವುಗಳು ಕೂಡ ನಿಷ್ಕಲ್ಮಶ ಮನಸ್ಸಿನಿಂದ ಪ್ರೀತಿಸುತ್ತವೆ. ಈ ಪ್ರಾಣಿಗಳ ಚೇಷ್ಟೆಯ ವಿಡಿಯೋ ಗಳು ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ವೈರಲ್ ಆಗುತ್ತ ಇರುತ್ತವೆ. ಇದೀಗ ಪಾರ್ಕ್ನಲ್ಲಿ ಕುಳಿತಿದ್ದ ದಂಪತಿಯನ್ನು ಮರಿಯಾನೆಯೊಂದು ತಬ್ಬಿಕೊಂಡು ತನ್ನ ಪ್ರೀತಿಯನ್ನು ವ್ಯಕ್ತಪಡಿಸಿದೆ. ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ.
ಈ ವಿಡಿಯೋದಲ್ಲಿ ದಂಪತಿಯೂ ಪ್ರಶಾಂತವಾದ ಸ್ಥಳದಲ್ಲಿ ಸಮಯವನ್ನು ಕಳೆಯುತ್ತಿದ್ದಾರೆ. ಈ ವೇಳೆಯಲ್ಲಿ ಮರಿಯಾನೆಯೂ ಈ ಜೋಡಿಯನ್ನು ಹಿಂದಿನಿಂದ ಸಮೀಪಿಸುವುದರೊಂದಿಗೆ ವಿಡಿಯೋವು ಪ್ರಾರಂಭವಾಗುತ್ತದೆ. ಈ ದಂಪತಿ ತಿರುಗಿ ನೋಡುತ್ತಿದ್ದಂತೆ ಈ ಆನೆ ಮರಿ ತನ್ನ ಸೊಂಡಿಲನ್ನು ಚಾಚಿ, ಅವರ ಭುಜಗಳ ಮೇಲೆ ಇಡುತ್ತದೆ. ಪ್ರೀತಿಯಿಂದ ತನ್ನ ಮುಂಭಾಗದ ಕಾಲುಗಳನ್ನು ಮೇಲೆತ್ತಿ ವ್ಯಕ್ತಿಯ ಭುಜದ ಮೇಲೆ ಇಡುತ್ತದೆ. ಈ ದೃಶ್ಯವನ್ನು ನೋಡಿದರೆ ಪ್ರೀತಿಯಿಂದ ಆನೆಯೂ ಅಪ್ಪಿ ಕೊಂಡಂತೆ ಕಾಣುತ್ತಿದೆ.
@Amaazing Nature ಹೆಸರಿನ ಎಕ್ಸ್ ಖಾತೆಯಲ್ಲಿ ಶೇರ್ ಮಾಡಲಾಗಿದ್ದು,ಮರಿ ಆನೆಗಳು ಮನುಷ್ಯರು ತುಂಬಾ ಮುದ್ದಾಗಿದ್ದಾರೆಂದು ಭಾವಿಸುತ್ತವೆ ಮತ್ತು ನಮ್ಮನ್ನು ಅಪ್ಪಿಕೊಳ್ಳಲು ಬಯಸುತ್ತವೆ ಎಂದು ಶೀರ್ಷಿಕೆಯನ್ನು ನೀಡಲಾಗಿದೆ.
