newsics.com
ಭಾರತದ ನೆರೆಯ ರಾಷ್ಟ್ರ ಚೀನಾದ ರಾಜಧಾನಿ ಬೀಜಿಂಗ್ ಭಾರಿ ಮಳೆಯಿಂದ 44 ಮಂದಿ ಸಾವನ್ನಪ್ಪಿದ್ದು, ಇನ್ನೂ 9 ಮಂದಿ ನಾಪತ್ತೆಯಾಗಿದ್ದಾರೆ.
ಚೀನಾದ ರಾಜಧಾನಿ ಬೀಜಿಂಗ್ ಹಾಗೂ ಸುತ್ತಮುತ್ತಲ ಪ್ರದೇಶದಲ್ಲಿ ನಿರಂತರ ಮಳೆಯಿಂದ ಧೀಡೀರ್ ಪ್ರವಾಹದ ಸ್ಥಿತಿ ಸೃಷ್ಟಿಯಾಗಿದೆ. ನದಿಗಳಲ್ಲೂ ನೀರು ಉಕ್ಕಿ ಹರಿಯುತ್ತಿದ್ದು, ಪ್ರವಾಹದ ಸ್ಥಿತಿ ನಿರ್ಮಾಣವಾಗಿದೆ.
ಮಿಯೂನ್ ಜಲಾಶಯದ ಬಳಿ ಕಾರ್ಯಾಚರಣೆಗೆ ಮಳೆಯಿಂದ ಭಾರಿ ತೊಂದರೆಯಾಗಿದೆ. ಮಿಯೂನ್ ಜಲಾಶಯವು ಬೀಜಿಂಗ್ನ ಅತಿ ದೊಡ್ಡ ಜಲಾಶಯ.
ಮಿಯೂನ್ ಜಲಾಶಯಕ್ಕೆ ಕೇವಲ ಏಳೇ ದಿನದಲ್ಲಿ 910 ಮಿಲಿಯನ್ ಕ್ಯೂಬಿಕ್ ಮೀಟರ್ ನೀರು ಹರಿದು ಬಂದಿದೆ ಎಂದು ಬೀಜಿಂಗ್ ಮುನ್ಸಿಪಾಲಿಟಿ ನೀರು ವ್ಯವಹಾರಗಳ ಬ್ಯೂರೋದ ಮುಖ್ಯಸ್ಥ ಲಿಯೂ ಬಿನ್ ಹೇಳಿದ್ದಾರೆ.
