newsics.com
ಕಿಚ್ಚ ಸುದೀಪ್ ಅವರ ಫೋಟೋ ಒಂದು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಇದರಲ್ಲಿ ಸುದೀಪ್ ಕೈಗೆ ಗಾಯವಾಗಿದ್ದನ್ನು ನೋಡಬಹುದು. ಸದ್ಯ ಬಿಲ್ಲ ರಂಗ ಬಾಷಾ ಚಿತ್ರದ ಶೂಟಿಂಗ್ ನಲ್ಲಿ ಬ್ಯುಸಿ ಇರುವ ಸುದೀಪ್ ಅವರ ಕೈಗೆ ಇದ್ದಕ್ಕಿದ್ದಂತೆ ಏನಾಯ್ತು ಎಂದು ಅಭಿಮಾನಿಗಳು ಟೆನ್ಶನ್ ಆಗಿದ್ದಾರೆ.
ಬಿಲ್ಲ ರಂಗ ಭಾಷಾ ಚಿತ್ರದ ಶೂಟಿಂಗ್ ಭರದಿಂದಲೇ ಸಾಗಿದ್ದು, ಈ ಸಮಯದಲ್ಲಿ ಸುದೀಪ್ ಅವರ ಈ ಫೋಟೋ ಜನರ ಆತಂಕಕ್ಕೆ ಕಾರಣವಾಗಿದೆ. ಟೈಟ್ ಸೆಕ್ಯೂರಿಟಿಯ ನಡುವೆ ಬಿಲ್ಲ ರಂಗ ಭಾಷಾ ಚಿತ್ರೀಕರಣ ನಡೆಯುತ್ತಿದೆ. ಅಷ್ಟು ಸೆಕ್ಯೂರಿಟಿಯಲ್ಲಿಯೇ ಸಿನಿಮಾ ಶೂಟಿಂಗ್ ಮಾಡಲಾಗುತ್ತಿದೆ. ಬಿಲ್ಲ ರಂಗ ಭಾಷಾ ಚಿತ್ರದ ಸೆಟ್ ಒಳಗೆ ಏನಾಗುತ್ತಿದೆ ಎಂಬ ಕೊಂಚ ಸುಳಿವು ಸಿಗದಷ್ಟು ಟೈಟ್ ಸೆಕ್ಯೂರಿಟಿ ಇಡಲಾಗಿದೆ.
ಈ ಎಲ್ಲದರ ನಡುವೆ ಸುದೀಪ್ ಒಂದು ವಿಡಿಯೋ ಪ್ರಶ್ನೆಗಳನ್ನ ಹುಟ್ಟುಹಾಕಿದೆ. ಕಿಚ್ಚ ಸುದೀಪ್ ಕೈಗೆ ಏನಾಗಿದೆ? ಕೈಗೆ ಪೆಟ್ಟು ಹೇಗಾಯಿತು? ಬಿಲ್ಲ ರಂಗ ಬಾಷಾ ಶೂಟಿಂಗ್ ಮಾಡುವಾಗ ಈ ಪೆಟ್ಟು ಆಗಿದೆಯಾ? ಹೀಗೆ ಹಲವು ರೀತಿಯ ಪ್ರಶ್ನೆಗಳು ಹುಟ್ಟಿಕೊಂಡಿವೆ.
ನಾನು ಮತ್ತು ಗುಂಡ 2 ಚಿತ್ರದ ಟ್ರೈಲರ್ ಬಿಡುಗಡೆ ಆಗಿದ್ದು, ಸುದೀಪ್ ಈ ಟ್ರೇಲರ್ನ್ನು ನೋಡಿದ್ದಾರೆ. ನಾನು ಮತ್ತು ಗುಂಡ 2 ಚಿತ್ರದ ಟ್ರೈಲರ್ ಕಿಚ್ಚ ಸುದೀಪ್ ಅವರ ಮನಸ್ಸಿಗೆ ಹಿಡಿಸಿದೆ. ಎಂದಿನಂತೆ ಈ ಚಿತ್ರಕ್ಕೂ ಕಿಚ್ಚ ಸುದೀಪ್ ಸಪೋರ್ಟ್ ನೀಡಿದ್ದು, ಟ್ರೈಲರ್ ನೋಡಿ ಕಲಾವಿದರ ಶ್ರಮವನ್ನ ಮೆಚ್ಚಿಕೊಂಡಿದ್ದಾರೆ. ಈ ಬಗ್ಗೆ ಸುದೀಪ್ ಮಾತನಾಡಿದ್ದಾರೆ.
ಈ ವಿಡಿಯೋದಲ್ಲಿ ಬಲಗೈಗೆ ಸುದೀಪ್ ಪ್ಲಾಸ್ಟರ್ ಹಾಕಿಸಿಕೊಂಡಿದ್ದಾರೆ. ಅದೇ ಕೈಯಲ್ಲಿ ಮೈಕ್ ಹಿಡಿದು ಮಾತನಾಡುತ್ತಿದ್ದಾರೆ. ಎಲ್ಲರ ಗಮನ ಕಿಚ್ಚನ ಮಾತಿನ ಬದಲು ಅವರ ಕೈ ಮೇಲೆ ಹೋಗಿದೆ. ಕಿಚ್ಚನ ಬಲ ಮುಂಗೈಗೆ ಫ್ರ್ಯಾಕ್ಚರ್ ಬ್ಯಾಂಡೇಜ್ ಇರುವುದು ಜನರ ಆತಂಕಕ್ಕೆ ಕಾರಣವಾಗಿದೆ.
https://www.instagram.com/reel/DKE3afaSeRZ/?igsh=amVscXdvbGJvYjJw
