newsics.com
ಇಸ್ಲಾಮಾಬಾದ್: ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ನಂತರ, ಪಾಕಿಸ್ತಾನವು ಭಾರತಕ್ಕೆ ಪದೇ ಪದೇ ಬೆದರಿಕೆ ಹಾಕುತ್ತಿದೆ. ಇದೀಗ ಬಲೂಚಿಸ್ತಾನದ ಗೆಶ್ತಾರಿ ಪ್ರದೇಶದಲ್ಲಿ ಬಲೂಚ್ ಬಂಡುಕೋರರು ಪಾಕಿಸ್ತಾನ ಸೇನೆಯ ಮೇಲೆ ದಾಳಿ ನಡೆಸಿ, ಸೇನಾ ವಾಹನವನ್ನು ಬಾಂಬ್ ಮೂಲಕ ಸ್ಫೋಟಿಸಿ,ಈ ದಾಳಿಯಲ್ಲಿ ಪಾಕಿಸ್ತಾನ ವಿಶೇಷ ಕಾರ್ಯಾಚರಣೆ ಕಮಾಂಡ್ನ ತಾರಿಕ್ ಇಮ್ರಾನ್ ಸೇರಿದಂತೆ ಆರು ಸೈನಿಕರು ಸಾವನ್ನಪ್ಪಿದ್ದು, ಐದು ಮಂದಿ ಗಾಯಗೊಂಡಿದ್ದಾರೆ.
ಪಾಕಿಸ್ತಾನದ ಅಮೀರ್ ಪೋಸ್ಟ್ ಮತ್ತು ಅಲಿ ಖಾನ್ ಬೇಸ್ ನಡುವೆ ಬಲೂಚ್ ಬಂಡುಕೋರರು ಪಾಕಿಸ್ತಾನಿ ಸೇನಾ ವಾಹನವನ್ನು ಐಇಡಿ ಮೂಲಕ ಸ್ಫೋಟಿಸಿದರು. ಕೊಲ್ಲಲ್ಪಟ್ಟವರಲ್ಲಿ ತಾರಿಕ್ ಇಮ್ರಾನ್ (SOC), ನಾಯಕ್ ಆಸಿಫ್, ಸುಬೇದಾರ್ ಫಾರೂಕ್, ನಾಯಕ್ ಮಶ್ಕೂರ್, ಸಿಪಾಯಿ ವಾಜಿದ್ ಮತ್ತು ಸಿಪಾಯಿ ಕಾಶಿಫ್ ಸೇರಿದ್ದಾರೆ. ಆದರಂತೆ, ಬಲೂಚಿಸ್ತಾನದಲ್ಲಿ ಹೆಚ್ಚುತ್ತಿರುವ ಅಶಾಂತಿಯ ನಡುವೆ ಈ ದಾಳಿಗಳು ನಡೆಯುತ್ತಿದ್ದು, ಬಲೂಚ್ ಲಿಬರೇಶನ್ ಆರ್ಮಿ ಮತ್ತು ಅದರ ಮಿತ್ರ ಪಡೆಗಳು ಈ ದಾಳಿಗಳನ್ನು ನಡೆಸುತ್ತಿವೆ.
