newsics.com
ಮದುವೆ ಮಾಡಿ ನೋಡು, ಮನೆ ಕಟ್ಟಿ ನೋಡು ಎನ್ನುವ ಗಾದೆ ಮಾತು ಎಲ್ಲರಿಗೂ ಗೊತ್ತಿರುವ ವಿಷಯ . ಸುಸೂತ್ರವಾಗಿ ಮದುವೆ ಮಾಡಿ ಮುಗಿಸುವುದು ಮತ್ತು ಮನೆ ಕಟ್ಟಿ ಮುಗಿಸುವುದು ಎಷ್ಟು ಕಷ್ಟ ಎನ್ನುವುದನ್ನು ಮಾಡಿದವರಿಗೇ ಗೊತ್ತು. ಹಣದ ಕಾರಣವೇ ಆಗಿದೆ. ಹಾಕಿಕೊಂಡಿರುವ ಬಜೆಟ್ಗಿಂತಲೂ ಮಿತಿ ಮೀರಿ ಖರ್ಚಾಗುವುದು. ಹೆಚ್ಚಿನ ಜನರಿಗೆ ಹಣದ ಇಲ್ಲದೆ ಮದುವೆ ಆಗಲು ಹಿಂದೇಟು ಹಾಕುತ್ತಾರೆ. ಅಂಥವರಿಗೆ ಒಂದು ಹೊಸ ಆಫರ್ ಶುರುವಾಗಿದೆ.
ಮದ್ವೆ ಮೊದಲು, ಹಣ ಆಮೇಲೆ ಎನ್ನುವು ಟ್ರೆಂಡ್ ಒಂದು ಶುರುವಾಗಿದೆ. ವೆಡ್ಡಿಂಗ್ ಪ್ಲಾನರ್ಗಳು ನೀಡುವ ಇಐಎಂ ಯೋಜನೆ ಇದಾಗಲೆ. ಅಂದರೆ ಮೊದಲಿಗೆ ನಿಮಗೆ ಅಗತ್ಯ ಇರುವಷ್ಟು ಹಣವನ್ನು ಕೊಡಲಾಗುತ್ತದೆ. ಅದಕ್ಕಾಗಿ ನಿಮ್ಮ ಸಂಬಳ, ದುಡಿಮೆ ಇತ್ಯಾದಿಗಳನ್ನು ಪರಿಗಣಿಸಲಾಗುತ್ತದೆ. ಅಂದರೆ ನಿಮಗೆ ಮದುವೆಗಾಗಿ ಸಾಲ ಸಿಗುತ್ತದೆ. ಬ್ಯಾಂಕ್ಗಳಲ್ಲಿ ಸುಲಭದಲ್ಲಿ ಸಾಲ ಸಿಗದಿದ್ದರೆ ವೆಡ್ಡಿಂಗ್ ಪ್ಲಾನರ್ಗಳು ಸಾಲ ಕೊಡುತ್ತಾರೆ. ಮದುವೆ ಮುಗಿದ ಬಳಿಕ ನೀವು ಸಾಲಕ್ಕೆ ಬಡ್ಡಿ ಕೊಡುವ ರೀತಿಯಲ್ಲಿ, ಬಡ್ಡಿಯನ್ನು ನೀಡಬೇಕಾಗುತ್ತದೆ. ಸಹಜವಾಗಿ ಇದರ ಬಡ್ಡಿದರ ಬ್ಯಾಂಕ್ಗಳಿಗಿಂತ ತುಸು ಹೆಚ್ಚೇ ಇರುತ್ತದೆ.
ನಿಮ್ಮ ಮದುವೆಗೆ ಆಗುವ ಖರ್ಚುಗಳನ್ನು ವೆಡ್ಡಿಂಗ್ ಪ್ಲಾನರ್ಗಳು ಲೆಕ್ಕಾಚಾರ ಹಾಕಿ ನೀಡುತ್ತಾರೆ. ಅದರಲ್ಲಿ ಮದುವೆಯ ಹಾಲ್, ಲೈಟಿಂಗ್ಸ್, ಸೌಂಡ್ ಸಿಸ್ಟಮ್, ಡೆಕೋರೇಷನ್, ವೆಜ್ ಮತ್ತು ನಾನ್ ಊಟ, ಫೋಟೊ, ವಿಡಿಯೋಗ್ರಫಿ ಅಷ್ಟೇ ಅಲ್ಲದೇ ಮದುಮಕ್ಕಳ ಮೇಕಪ್ ಎಲ್ಲವೂ ಸೇರಿದೆ.
ನೀವು ಪಡೆದುಕೊಂಡಿರುವ ಸಾಲಕ್ಕೆ ತಕ್ಕಂತೆ 24 ತಿಂಗಳುಗಳಿಂದ ಕೆಲ ವರ್ಷಗಳವರೆಗೆ ಹಣ ಮರುಪಾವತಿಗೆ ಅವಕಾಶವನ್ನು ಕಲ್ಪಿಸಲಾಗುತ್ತದೆ.
https://www.newsics.com/2025/04/14/rampal-takes-oath-wearing-shoes-gifted-by-modi/
