newsics.com
ಬೆಂಗಳೂರು: ಫ್ಯಾನ್ಸಿ ನಂಬರ್ ಹರಾಜಿನಲ್ಲಿ ನಂಬರ್ ಪ್ಲೇಟ್ವೊಂದು ಬರೋಬ್ಬರಿ 28.60 ಲಕ್ಷ ರೂ.ಗೆ ಮಾರಾಟವಾಗಿದೆ.
ಒಂದೇ ದಿನದಲ್ಲಿ ಆರ್ಟಿಒ ಫ್ಯಾನ್ಸಿ ನಂಬರ್ ಹರಾಜಿನಲ್ಲಿ 1.11 ಕೋಟಿ ರೂ. ಆದಾಯ ಗಳಿಸಿದೆ.
ಬೆಂಗಳೂರು ಸೆಂಟ್ರಲ್ ಪ್ರಾದೇಶಿಕ ಸಾರಿಗೆ ಕಚೇರಿಗಳು ರಾಜ್ಯದಲ್ಲಿ ಅತಿ ಹೆಚ್ಚು ಆದಾಯ ಗಳಿಸುವ ಆರ್ಟಿಒ ಕಚೇರಿಗಳಾಗಿವೆ. ಪ್ಯಾನ್ಸಿ ನಂಬರ್ ಪ್ಲೇಟ್ನ ಹರಾಜು ಪ್ರಕ್ರಿಯೆಯಲ್ಲಿ ಕೋರಮಂಗಲ ಫ್ಯಾನ್ಸಿ ನಂಬರ್ ದಾಖಲೆಯನ್ನು ಬರೆದಿದೆ.
ಕೋರಮಂಗಲದ 0001 ಎಂಬ ಫ್ಯಾನ್ಸಿ ನಂಬರ್ ಬರೋಬ್ಬರಿ 28 ಲಕ್ಷ ರೂಪಾಯಿಗೆ ಹರಾಜಾಗಿದೆ. ಈವರೆಗೆ ಯಾವುದೇ ಫ್ಯಾನ್ಸಿ ನಂಬರ್ ಬರೆಯದ ದಾಖಲೆಯನ್ನು ಈ ನಂಬರ್ ನಿರ್ಮಿಸಿದೆ. ಒಟ್ಟಾರೆ ಆರ್ಟಿಒ ಕಚೇರಿಯು ಒಂದು ದಿನದಲ್ಲಿ ಫ್ಯಾನ್ಸಿ ನಂಬರ್ ಹರಾಜಿನಿಂದ 1.13 ಕೋಟಿ ರೂಪಾಯಿ ಆದಾಯ ಗಳಿಸಿದೆ.
ಈ ಹಿಂದೆ KA01-NE-0001 ಫ್ಯಾನ್ಸಿ ನಂಬರ್ 21.15 ಲಕ್ಷ ರೂ.ಗೆ ಮಾರಾಟವಾಗುವ ಮೂಲಕ ದಾಖಲೆ ನಿರ್ಮಿಸಿತ್ತು. ಈವರೆಗೆ ಇದೇ ನಂಬರ್ ಪ್ಲೇಟ್ ಅತಿಹೆಚ್ಚು ಬೆಲೆಗೆ ಮಾರಾಟವಾದ ಫ್ಯಾನ್ಸಿ ನಂಬರ್ ಎಂಬ ಖ್ಯಾತಿಯಲ್ಲಿತ್ತು. ಆದರೆ, ಈಗ KA01-NF-0001 ನಂಬರ್ 28.60 ಲಕ್ಷ ರೂ.ಗೆ ಮಾರಾಟವಾಗಿ ಹೊಸ ದಾಖಲೆ ನಿರ್ಮಿಸಿದೆ. ಶಾಂತಿನಗರದ ಆರ್ಟಿಒ ಮುಖ್ಯ ಕಚೇರಿಯಲ್ಲಿ ಈ ಹರಾಜು ಪ್ರಕ್ರಿಯೆ ನಡೆದಿದೆ.
ಹರಾಜಿನಲ್ಲಿ ಸರ್ಕಾರಕ್ಕೆ 1,11,30,000 ರೂ. ಆದಾಯವನ್ನು ಪಡೆದಿದೆ. ಹರಾಜಿಗಿಟ್ಟಿದ್ದ 65 ನಂಬರ್ಗಳ ಪೈಕಿ 14 ಫ್ಯಾನ್ಸಿ ನಂಬರ್ಗಳು ಹರಾಜಾಗಿವೆ. ಉಳಿದಂತೆ ಇತರೆ ನಂಬರ್ಗಳು ಕೂಡ ಮಾರಾಟವಾಗಿವೆ.
ಅತಿ ಹೆಚ್ಚಿನ ಮೊತ್ತಕ್ಕೆ ಹರಾಜಾದ ಫ್ಯಾನ್ಸಿ ನಂಬರ್ಗಳು.
1. KA01-NF-0001- 28.60 ಲಕ್ಷ ರೂಪಾಯಿ.
2. KA-01-NF-9999 4.80 ಲಕ್ಷ ರೂಪಾಯಿ.
3. KA-01-NF-0333 – 2.80 ಲಕ್ಷ ರೂಪಾಯಿ.
4. KA01-NF-7777 -2.50 ಲಕ್ಷ ರೂಪಾಯಿ.
5. KA01-NF-0009 -2 ಲಕ್ಷ ರೂಪಾಯಿ.
