newsics.com
ನವದೆಹಲಿ : ಸೌಂದರ್ಯ ಸ್ಪರ್ಧೆಯಲ್ಲಿ ಗೆದ್ದವಳ ಜುಟ್ಟು ಹಿಡಿದು, ಕಿರೀಟ ಕಿತ್ತು ಕಿರುಚಾಡಿದ್ದಾರೆ ರನ್ನರ್ ಅಪ್. ಇದರ ವಿಡಿಯೋ ವೈರಲ್ ಆಗಿದೆ.
ಬ್ರೆಜಿಲಿಯನ್ ಸೌಂದರ್ಯ ಸ್ಪರ್ಧೆ ಇದಾಗಿದೆ. ಸುಂದರಿಯೊಬ್ಬಳಿಗೆ ಕಿರೀಟ ಸಿಗುತ್ತಿದ್ದಂತೆಯೇ ರನ್ನರ್ ಅಪ್ ಆಗಿದ್ದ ಇನ್ನೋರ್ವ ಸುಂದರಿಗೆ ಅದೇನಾಯ್ತೋ ಗೊತ್ತಿಲ್ಲ. ವೇದಿಕೆಯ ಮೇಲೆಯೇ ಮೈಮೇಲೆ ಬಂದವರಂತೆ ಗೆದ್ದವಳ ಜುಟ್ಟು ಹಿಡಿದು, ಕಿರೀಟ ಕಿತ್ತು ಬೀಸಾಕಿದ್ದಾಳೆ. ಅಷ್ಟಕ್ಕೂ ಅವಳಿಗೆ ತನ್ನ ಸೋಲನ್ನು ಒಪ್ಪಿಕೊಳ್ಳಲು ಆಗದೇ ಹೀಗೆ ಮಾಡಿದ್ದಾಳೆ.
ಇದು ನಡೆದದ್ದು, ಅಮೆರಿಕದಲ್ಲಿ. ಮಿಸ್ ಅಮೆಜಾನ್ ಸೌಂದರ್ಯ ಸ್ಪರ್ಧೆಯಲ್ಲಿ ಈ ಘಟನೆ ಸಂಭವಿಸಿದೆ. 2015ರ ಘಟನೆ ಇದಾಗಿದ್ದು, ಪುನಃ ಅದು ಈಗ ವೈರಲ್ ಆಗಿದೆ. ಶೀಸ್ಲೇನ್ ಹಯಾಲ್ಲಾ ಎಂಬಾಕೆ ರನ್ನರ್ ಅಪ್ ಆಗಿದ್ದದಳು. ಕರೋಲ್ ಟೊಲೆಡೊ ಎಂಬಾಕೆ ಮಿಸ್ ಅಮೆಜಾನ್ ಕಿರೀಟ ಪಡೆದುಕೊಂಡಳು. ತಾನೇ ಮಿಸ್ ಅಮೆಜಾನ್ ಆಗುತ್ತೇನೆ ಎಂದು ಅಂದುಕೊಂಡಿದ್ದ ಶೀಸ್ಲೇನ್ ಹಯಾಲ್ಲಾಗೆ ಇದನ್ನು ಸಹಿಸಲು ಆಗಲಿಲ್ಲ. ಆಗ ಆಕೆ ಕರೋಲ್ ಟೊಲೆಡೊ ಕೂದಲು ಹಿಡಿದು ಕಿತ್ತಾಡಿ, ಕಿರೀಟ ಕಿತ್ತುಕೊಂಡಿದ್ದಾಳೆ.
https://www.instagram.com/reel/DGLCxSFMkcq/?igsh=Mnlkcml3M3N4OWpl
ಅಷ್ಟಕ್ಕೂ ಈಕೆ ಹೈಡ್ರಾಮಾ ಮಾಡಿದ್ದಳು. ವಿಜೇತರ ಹೆಸರನ್ನು ಘೋಷಿಸುತ್ತಿದ್ದಂತೆ ಹಯಾಲ್ಲಾ ಆರಂಭದಲ್ಲಿ ಕರೋಲ್ ನನ್ನು ತಬ್ಬಿಕೊಂಡಳು. ಕೆಲವೇ ಸೆಕೆಂಡುಗಳ ನಂತರ ಆಕೆಯ ತಲೆಗೆ ಕಿರೀಟ ಇಡುತ್ತಿದ್ದಂತೆಯೇ,ಹಯಾಲ್ಲಾ ಗಲಾಟೆ ಆರಂಭಿಸಿದಳು. ಇದರ ವಿಡಿಯೋ ಈಗ ಪುನಃ ವೈರಲ್ ಆಗುತ್ತಿದೆ.
