newsics.com
ತಮಿಳು ನಟ ಅಜಿತ್ ಕುಮಾರ್ ಅವರಿಗೆ ಕಾರು ಮತ್ತು ಬೈಕ್ ರೇಸ್ಗಳೆಂದರೆ ಎಲ್ಲಿಲ್ಲದ ಕ್ರೇಜ್. ಹಾಗಾಗಿ ರೇಸಿಂಗ್ ಎಂಬ ಹೆಸರಿನಲ್ಲಿ ತಮ್ಮದೇ ಆದ ಕಾರು ರೇಸಿಂಗ್ ಕಂಪನಿಯನ್ನು ನಟ ಅಜಿತ್ ಹೊಂದಿದ್ದಾರೆ. ಸದ್ಯ ರೇಸಿಂಗ್ ಮೇಲೆ ಅಪಾರ ಆಸಕ್ತಿ ಹೊಂದಿರುವ ನಟ ಅಜಿತ್ ಕುಮಾರ್ ಅಪಘಾತಕ್ಕೀಡಾಗಿದ್ದಾರೆ. ಒಂದು ತಿಂಗಳಲ್ಲೇ ಎರಡು ಅಪಘಾತ ಸಂಭವಿಸಿದ್ದು, ನಟ ಅಜಿತ್ ಬಗ್ಗೆ ಅಭಿಮಾನಿಗಳು ಆತಂಕಕ್ಕೀಡಾಗಿದ್ದಾರೆ.
ನಟ ಅಜಿತ್ ಸದ್ಯ ಸಿನಿಮಾ ಬಿಟ್ಟು ಕಂಪ್ಲೀಟ್ ಆಗಿ ಕಾರ್ ಮತ್ತು ಬೈಕ್ ರೇಸಿಂಗ್ ಕಡೆ ವಾಲಿದ್ದಾರೆ. ನಟನೆಯಿಂದ ಕೊಂಚ ದೂರ ಉಳಿದು ಕಾರ್ ರೇಸ್ಗಳಲ್ಲಿ ಥಲಾ ಭಾಗಿಯಾಗುತ್ತಿದ್ದಾರೆ. ಸ್ಪೇನ್ನಲ್ಲಿ ನಡೆದ ಪೋರ್ಷೆ ಸ್ಪ್ರಿಂಟ್ ಚಾಲೆಂಜ್ನಲ್ಲಿ ಥಲಾ ಅಜಿತ್ ಕಾರು ಅಪಘಾತಕ್ಕೀಡಾಗಿದೆ.
ಕೆಲವು ದಿನಗಳ ಹಿಂದೆಯಷ್ಟೇ ಪೋರ್ಚುಗಲ್ನಲ್ಲಿ ನಡೆದ ಕಾರ್ ರೇಸ್ನಲ್ಲಿ ಅಜಿತ್ ಅವರ ಕಾರು ಅಪಘಾತಕ್ಕೀಡಾಗಿತ್ತು. ಪ್ರ್ಯಾಕ್ಟೀಸ್ ವೇಳೆ, ಅನಿರೀಕ್ಷಿತವಾಗಿ ಅಜಿತ್ ಕಾರಿಗೆ ಆಕ್ಸಿಡೆಂಟ್ ಆಯ್ತು. ಅದಕ್ಕೂ ಮೊದಲು, ದುಬೈ ರೇಸಿಂಗ್ ಕಾರ್ಯಕ್ರಮದಲ್ಲಿ ಅಜಿತ್ ಕಾರು ಅಪಾಘಾತಕ್ಕೀಡಾಗಿತ್ತು. ಇದೀಗ ಮತ್ತೊಮ್ಮೆ ಸ್ಪೇನ್ನಲ್ಲಿ ನಡೆದ ಪೋರ್ಷೆ ಸ್ಪ್ರಿಂಟ್ ಚಾಲೆಂಜ್ನಲ್ಲಿ ಅಜಿತ್ ಕಾರು ಭೀಕರ ಅಪಘಾಗತಕ್ಕೆ ತುತ್ತಾಗಿದೆ.
ಅದೃಷ್ಟವಶಾತ್, ಈ ಘಟನೆಯಲ್ಲಿ ನಾಯಕ ಅಜಿತ್ಗೆ ಯಾವುದೇ ಗಂಭೀರ ಗಾಯಗಳಾಗಿಲ್ಲ. ಇದರಿಂದ ಅಭಿಮಾನಿಗಳು ನೆಮ್ಮದಿಯ ನಿಟ್ಟುಸಿರು ಬಿಡುವಂತಾಗಿದೆ. ಅಜಿತ್ ಅವರ ಕಾರಿಗೆ ಅಪಘಾತ ಸಂಭವಿಸಿದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇದನ್ನು ನೋಡಿದ ಅಭಿಮಾನಿಗಳು ಆರಂಭದಲ್ಲಿ ಗೊಂದಲಕ್ಕೊಳಗಾಗಿದ್ದರು. ಆದರೆ, ಅಪಘಾತ ನಡೆದ ತಕ್ಷಣ ಅಜಿತ್ ತಮ್ಮ ಕಾರಿನಿಂದ ಸೇಫ್ ಆಗಿ ಇಳಿಯುವುದನ್ನು ವಿಡಿಯೋದಲ್ಲಿ ನೋಡಿದನ್ನು ಕಂಡ ಅಭಿಮಾನಿಗಳು ನಿಟ್ಟುಸಿರನ್ನು ಬಿಟ್ಟಿದ್ದಾರೆ.
