newsics.com
ನವದೆಹಲಿ: ಬಿಎಸ್ಎನ್ಎಲ್ ಸುಮಾರು 2 ದಶಕಗಳ ಹೊಡೆತದಿಂದ ಪುಟಿದೆದ್ದಿದ್ದು ಮೊದಲ ಬಾರಿಗೆ 17 ವರ್ಷಗಳ ನಂತರ ಲಾಭ ಗಳಿಸಿದ್ದೀವಿ ಅಂತಾ ಹೆಮ್ಮೆಯಿಂದ ಹೇಳಿಕೊಂಡಿದೆ.
17 ವರ್ಷಗಳು ಅಂದ್ರೆ ಒಂದೂವರೆ ದಶಕಕ್ಕೂ ಹೆಚ್ಚು ಕಾಲ ಆದ್ಮೇಲೆ ಇದೇ ಮೊದಲ ಬಾರಿಗೆ ತ್ರೈಮಾಸಿಕವೊಂದರಲ್ಲಿ BSNL ಭರ್ಜರಿ ಲಾಭವನ್ನ ಗಳಿಸಿದೆ. ಅದೂ ಒಂದೆರಡು ಕೋಟಿಯಲ್ಲ 262 ಕೋಟಿ ರೂಪಾಯಿ ಲಾಭವನ್ನ BSNL ಘೋಷಿಸಿದೆ. ಇದನ್ನ ನೋಡಿದ್ಮೇಲೆ ಈ ಬಾರಿಯ ಆದಾಯವೂ ಹೆಚ್ಚಳವಾಗಬಹುದು, ಜೊತೆಗೆ BSNL ಅನುಭವಿಸುತ್ತಿದ್ದ ನಷ್ಟದ ಪ್ರಮಾಣವೂ ಕಡಿಮೆ ಆಗಬಹುದು ಅನ್ನೋ ನಿರೀಕ್ಷೆಯನ್ನ ಭಾರತ ಸಂಚಾರ ನಿಗಮ ಹೊಂದಿದೆ.
ಬಿಎಸ್ಎನ್ಎಲ್ಗೆ ಸದ್ಯ ಹೊಸ ವೇಗ ಸಿಕ್ಕಿದ್ದು, ತನ್ನ ನೆಟ್ವರ್ಕ್ ವ್ಯಾಪ್ತಿಯನ್ನ ವಿಸ್ತರಿಸಿಕೊಳುತ್ತಿದೆ. ಜೊತೆಗೆ ಅನಾವಶ್ಯಕ ಖರ್ಚುಗಳನ್ನ ಕೂಡ ಕಡಿಮೆ ಮಾಡಿದೆ ಮತ್ತು ತನ್ನ ಬ್ಯುಸಿನೆಸ್ನ ಎಲ್ಲಾ ಸೆಗ್ಮೆಂಟ್ಗಳಲ್ಲೂ ಅಭಿವೃದ್ಧಿಯನ್ನ ಕಂಡಿದೆ. ಗ್ರಾಹಕರಿಗೆ ನೀಡುವ ಸೇವೆಯಲ್ಲೂ ಸಾಕಷ್ಟು ಬದಲಾವಣೆಗಳನ್ನ ತಂದಿದೆ. ಇದೇ ಕಾರಣಕ್ಕೆ ಈ ಬಾರಿ 262 ಕೋಟಿ ರೂಪಾಯಿ ಲಾಭವನ್ನ ಕಂಡಿದೆ.
ಬಿಎಸ್ಎನ್ಎಲ್ನ ಫೈನಾನ್ಸ್ ಕಾಸ್ಟ್ ಇದರ ಜೊತೆಗೆ ನಿಗಮದಲ್ಲಿ ಆಗುತ್ತಿದ್ದ ಅನಾವಶ್ಯಕ ಖರ್ಚುಗಳಿಗೆ ಕಡಿವಾಣ ಹಾಕಲಾಗಿದೆ. ಇದು ಬ್ಯುಸಿನೆಸ್ಗೆ ಬೂಸ್ಟ್ ಕೊಟ್ಟಿದ್ದು, BSNL ತನ್ನ ಮೊಬಿಲಿಟಿ ಸರ್ವೀಸ್ನ ಆದಾಯದಲ್ಲಿ ವರ್ಷದಿಂದ ವರ್ಷಕ್ಕೆ ಶೇಕಡ 15ರಷ್ಟು ಹೆಚ್ಚಳವನ್ನ ಕಂಡಿದೆ. ಫೈಬರ್ ಟು ಹೋಮ್ ಆದಾಯ ಶೇಕಡ 18ರಷ್ಟು ಮತ್ತು ಲೀಸ್ ಲೈನ್ ಸರ್ವೀಸ್ನ ಆದಾಯ ಶೇಕಡ 14ರಷ್ಟು ಹೆಚ್ಚಳವಾಗಿದೆ.
