newsics.com
ನಮ್ಮ ಸಮಾಜದಲ್ಲಿ ಮದುವೆಯಾದ ಕೂಡಲೇ ಮಕ್ಕಳಾದರೆ ಉತ್ತಮ ಬೆಳವಣಿಗೆ ಎಂಬ ಕಲ್ಪನೆ ಇದೆ. ಆದರೆ, ಈಗ ಫ್ಯಾಮಿಲಿ ಪ್ಲ್ಯಾನಿಂಗ್ ಅಂತೆಲ್ಲಾ ಜನರ ಆಲೋಚನೆ ಬದಲಾಗುತ್ತಿದೆ. ಆದರೆ ವಯಸ್ಸಾದ ನಂತರ ಮದುವೆ ಆಗುವುದರಿಂದ ಸಂತಾನ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ.
ವರದಿ ಪ್ರಕಾರ, ಅದರಲ್ಲೂ ಪುರುಷರಲ್ಲಿರುವ ಕೆಲ ಅಭ್ಯಾಸಗಳು ಅವರ ಆರೋಗ್ಯದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ. ಅವುಗಳಲ್ಲಿ ಮಕ್ಕಳಗದೇ ಇರುವುದು ಸಹ ಒಂದಾಗಿದೆ. ಹಾಗಾಗಿ ಮಕ್ಕಳನ್ನು ಹೊಂದಲು ಬಯಸುವ ಪುರುಷರು ಕೆಲವು ಅಭ್ಯಾಸಗಳನ್ನು ಕೂಡಲೇ ಬಿಡಬೇಕು.
ಅನೇಕ ಮಂದಿ ಆರಾಮದಾಯಕವಾದ ಭಾವನೆಯನ್ನು ನೀಡುತ್ತದೆ ಅಂತ ಬಿಸಿ-ಬಿಸಿಯಾದ ನೀರಿನಲ್ಲಿ ಸ್ನಾನ ಮತ್ತು ಟಬ್ ಬಾತ್ ಮಾಡಲು ಇಷ್ಟಪಡುತ್ತಾರೆ. ಆದರೆ ಈ ಶಾಖವು ಪುರುಷರ ವೃಷಣಗಳ ಮೇಲೆ ಪರಿಣಾಮ ಬೀರುತ್ತದೆ. ಹೆಚ್ಚು ಹೊತ್ತು ಬಿಸಿ ಶಾಖದಲ್ಲಿ ಕಾಲ ಕಳೆಯುವುದರಿಂದ ಪುರುಷರಲ್ಲಿ ಫಲವತ್ತತೆಯನ್ನು ಕಡಿಮೆ ಮಾಡುತ್ತದೆ.
ಧೂಮಪಾನವು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಿದೆ. ಕ್ಯಾನ್ಸರ್, ಶ್ವಾಸಕೋಶದ ಸಮಸ್ಯೆಗಳು, ಉಸಿರಾಟದ ತೊಂದರೆಯಷ್ಟೇ ಅಲ್ಲದೇ ಇದು ಫಲವತ್ತತೆಯ ಮೇಲೆ ಪರಿಣಾಮ ಬೀರುತ್ತದೆ.
ಬಹುತೇಕ ಮಂದಿ ಮದ್ಯಕ್ಕೆ ದಾಸರಾಗಿರುತ್ತಾರೆ. ಆದರೆ ಆಲ್ಕೋಹಾಲ್ ಸೇವನೆಯು ಟೆಸ್ಟೋಸ್ಟೆರಾನ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಇದು ನಿಮಿರುವಿಕೆಯ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಇದರಿಂದ ನೀವು ನಿರೀಕ್ಷಿಸಿದ ಮಟ್ಟಕ್ಕೆ ಹಾಸಿಗೆಯಲ್ಲಿ ಸಾಮಾರ್ಥ್ಯ ಹೊಂದಿರುವುದಿಲ್ಲ. ಹಾಗಾಗಿ ಅಪರೂಪಕ್ಕೆ ಮದ್ಯಪಾನ ಮಾಡುವುದರೆ ಯಾವುದೇ ಸಮಸ್ಯೆ ಆಗುವುದಿಲ್ಲ. ಆದರೆ ಇದು ಚಟವಾಗಬಾರದು.
ಪ್ರಪಂಚದಾದ್ಯಂತ ಜನರು ಎದುರಿಸುತ್ತಿರುವವ ಪ್ರಮುಖ ಸಮಸ್ಯೆಗಳಲ್ಲಿ ಅಧಿಕ ತೂಕ ಸಹ ಒಂದಾಗಿದೆ. ತೂಕ ಹೆಚ್ಚಳ ನಾನಾ ಸಮಸ್ಯೆಗಳಿಗೆ ಕಾರಣವಾಗಿದೆ. ಅಲ್ಲದೇ ಇದು ಹೊಸ ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡುತ್ತದೆ. ವಿಶೇಷವಾಗಿ ಇದು ಪುರುಷರಲ್ಲಿ ಬಂಜೆತನ ಸಮಸ್ಯೆಗೆ ಕಾರಣವಾಗಿದೆ.
