newsics.com
ಬಾಲಿವುಡ್ ಖ್ಯಾತ ನಟಿ ಮಲೈಕಾ ಅರೋರಾ ಅವರ ತಂದೆ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಎಎನ್ಐ ಸುದ್ದಿ ಸಂಸ್ಥೆ ಈ ಬಗ್ಗೆ ಮಾಹಿತಿ ನೀಡಿದೆ. ಅನಿಲ್ ಅರೋರಾ ಅವರು ಟೆರೇಸ್ನಿಂದ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಹೇಳಲಾಗುತ್ತಿದೆ. ಈ ವಿಷಯದ ಬಗ್ಗೆ ಪೊಲೀದರು ತನಿಖೆ ನಡೆಸುತ್ತಿದ್ದು, ಇನ್ನಷ್ಟೇ ಅಧಿಕೃತ ವಿವರ ಹೊರಬರಬೇಕಿದೆ.
ಮಲೈಕಾ ಮತ್ತು ಅವರ ದಶಕಗಳ ಲಿವ್ ಇನ್ ಪಾರ್ಟನಲ್ ಅರ್ಜುನ್ ಕಪೂರ್ ಸಂಬಂಧ ಕೊನೆಗೊಳಿಸಿದ್ದಾರೆ ಎಂದು ವರದಿಯಾದ ಬೆನ್ನಲ್ಲೇ ಇಂಥದ್ದೊಂದು ಶಾಕಿಂಗ್ ನ್ಯೂಸ್ ಬಂದಿದೆ.
ನಿನ್ನೆಯಷ್ಟೇ ಮಲೈಕಾ ಅವರು, ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ರಹಸ್ಯ ಸಂದೇಶವೊಂದನ್ನು ಶೇರ್ ಮಾಡಿಕೊಂಡಿದ್ದರು. ಇದು ಅವರ ಬ್ರೇಕಪ್ ಬಗೆಗಿನ ಸುದ್ದಿಗಳಿಗೆ ಪುಷ್ಟಿ ಕೊಡುವಂತಿದೆ.
ನಿಮ್ಮ ಸಂತೋಷಕ್ಕಾಗಿ ಸಂತೋಷವಾಗಿರುವ ಮತ್ತು ನಿಮ್ಮ ದುಃಖಕ್ಕಾಗಿ ದುಃಖಿಸುವ ಜನರನ್ನು ಯಾವಾಗಲೂ ಗಮನಿಸಿ. ಅವರು ನಿಮ್ಮ ಹೃದಯದಲ್ಲಿ ವಿಶೇಷ ಸ್ಥಾನಕ್ಕೆ ಅರ್ಹರು ಎಂದು ಈ ಪೋಸ್ಟ್ನಲ್ಲಿ ನಟಿ ಹೇಳಿದ್ದಾರೆ.
ಇದರ ಬೆನ್ನಲ್ಲೇ ತಂದೆ ಅನಿಲ್ ಅರೋರಾ ಸಾವಿನ ಸುದ್ದಿ ಪ್ರಕಟವಾಗಿದೆ. ಸಾವಿನ ಸುದ್ದಿ ತಿಳಿಯುತ್ತಲೇ ಮಲೈಕಾ ಅವರ ಮೊದಲ ಪತಿ ಅರ್ಬಾಜ್ ಖಾನ್ ಮಲೈಕಾ ಮನೆಗೆ ಧಾವಿಸಿದ್ದಾರೆ.
ಮಲೈಕಾ ಅರೋರಾ 11 ವರ್ಷ ವಯಸ್ಸಿನವನಾಗಿದ್ದಾಗ ಆಕೆಯ ಅಪ್ಪ-ಅಮ್ಮ ಬೇರ್ಪಟ್ಟಿದ್ದಾರೆ. ಅವರು ಮತ್ತು ಆ ಸಮಯದಲ್ಲಿ 6 ವರ್ಷ ವಯಸ್ಸಿನ ಸಹೋದರಿ ಅಮೃತಾ ರಾವ್ ಅವರನ್ನು ಅವರ ತಾಯಿ ಜೋಯ್ಸ್ ಪಾಲಿಕಾರ್ಪ್ ಬೆಳೆಸಿದ್ದಾರೆ. ನನ್ನ ಹೆತ್ತವರು ಪ್ರತ್ಯೇಕವಾದ ಕಾರಣ, ನನ್ನ ಅಮ್ಮನನ್ನು ಹೊಸ ವಿಧದಲ್ಲಿ ತಿಳಿಯುವ ಅವಕಾಶ ನನಗೆ ಸಿಕ್ಕಿತು ಎಂದು ಈ ಹಿಂದೆ ಹೇಳಿದ್ದರು.
ತಾಯಿಯಿಂದ ಪ್ರತ್ಯೇಕಗೊಂಡ ಬಳಿಕವೂ ಮಗಳ ವಿಷಯದಲ್ಲಿ ಅನಿಲ್ ಅವರು ಸದಾ ಸಪೋರ್ಟಿವ್ ಆಗಿದ್ದರು. ಮಲೈಕಾ ತಮ್ಮ ಮೊದಲ ಪತಿ ಅರ್ಬಾಜ್ ಖಾನ್ ಅವರಿಂದ ಡಿವೋರ್ಸ್ ಪಡೆದ ಬಳಿಕ, ತಮಗಿಂತ ಚಿಕ್ಕವರಾಗಿರುವ ಅರ್ಜುನ್ ಕಪೂರ್ ಜೊತೆ ದಶಕದಿಂದ ಲಿವ್ ಇನ್ ರಿಲೇಷನ್ನಲ್ಲಿ ಇದ್ದರೂ, ಅದನ್ನು ಕೂಡ ಅವರು ಬೆಂಬಲಿಸಿದ್ದರು ಎನ್ನಲಾಗಿದೆ.
