newsics.com
ಮುಂಬೈ: ಫ್ಯಾಷನ್ ಟ್ರೆಂಡ್ ಮೂಲಕವೇ ಸದಾ ಸುದ್ದಿಯಲ್ಲಿರುವ ಮಾಡೆಲ್ ಹಾಗೂ ನಟಿ ಉರ್ಫಿ ಜಾವೇದ್ ಬಾಲಕನೊಬ್ಬನ ಪ್ರಶ್ನೆಯಿಂದ ಮುಜುಗರಕ್ಕೀಡಾಗಿದ್ದಾರೆ.
ಕುಟುಂಬದವರ ಎದುರೇ ನಾನು ಮುಜುಗರಕ್ಕೊಳಗಾದೆ ಎಂದು ಇನ್ಸ್ಟಾಗ್ರಾಂನಲ್ಲಿ ಉರ್ಫಿ ಬರೆದುಕೊಂಡಿದ್ದಾರೆ.
ಸದಾ ಫ್ಯಾಷನ್ ಟ್ರೆಂಡ್ನಿಂದಲೇ ಪಾಪರಾಜಿಗಳ ಎದುರಿಗೆ ಪೋಸ್ ಕೊಟ್ಟು ಮಿಂಚುತ್ತಿದ್ದಾಗಲೇ ಉರ್ಫಿ ಅವರಿಗೆ ಬಾಲಕನೊಬ್ಬ ಕೇಳಿದ ಅಸಭ್ಯ ಪ್ರಶ್ನೆಯೊಂದು ಮುಜುಗರಕ್ಕೀಡಾಗುವಂತೆ ಮಾಡಿದೆ.
“ಹುಡುಗರ ಗುಂಪೊಂದು ನಾನು ಪಾಪರಾಜಿಗಳಿಗೆ ಪೋಸ್ ನೀಡುವಾಗ ಕಮೆಂಟ್ ಹೊಡೆಯುತ್ತಿತ್ತು. ಅದರಲ್ಲಿ ಒಬ್ಬ ನೀನು ಎಷ್ಟು ಜನರ ಜತೆ ಮಲಗಿದ್ದೀಯಾ? ಎಂದು ಕೇಳಿದ. ಆ ಹುಡುಗನಿಗೆ ಅಂದಾಜು 15 ವರ್ಷ ವಯಸ್ಸಿರಬಹುದು. ನನ್ನ ಕುಟುಂಬ ಹಾಗೂ ತಾಯಿ ಎದುರಲ್ಲೇ ಆತ ಹಾಗೆ ಕೇಳಿದ್ದಾನೆ. ಇದರಿಂದ ನನ್ನ ತಾಯಿಗೆ ಬೇಸರವಾಗಿದೆ. ಆ ಹುಡುಗನಿಗೆ ಅಲ್ಲೇ ಬಾರಿಸಬೇಕೆಂದು ಅನ್ನಿಸಿತು. ಮಹಿಳೆಯರು ಹಾಗೂ ಇತರರಿಗೆ ಗೌರವ ಕೊಡುವುದನ್ನು ನಿಮ್ಮ ಹುಡುಗರಿಗೆ ಕಲಿಸಿ” ಎಂದು ಘಟನೆ ಬಗ್ಗೆ ಉರ್ಫಿ ಜಾವೇದ್ ವಿವರಿಸಿದ್ದಾರೆ.
ಹಾಟ್ ಫೋಟೋ ಶೇರ್ ಮಾಡಿ ಕಾಮೆಂಟ್ ಆಫ್ ಮಾಡಿದ ಜ್ಯೋತಿ ರೈ ! ಯಾಕೆ ಈ ನಿರ್ಧಾರ ಎಂದ್ರು ಫ್ಯಾನ್ಸ್
