newsics.com
ಆಲಿಯಾ ಭಟ್ ಹಾಗೂ ರಣಬೀರ್ ಕಪೂರ್ ಈಗ ಒಂದು ಮುದ್ದಾದ ಮಗಳಿಗೆ ತಂದೆ ತಾಯಿ ಆಗಿದ್ದಾರೆ. ಎರಡು ವರ್ಷದ ಅವರ ದಾಂಪತ್ಯದ ಮಧುರ ಗುರುತಾಗಿ ರಾಜಕುಮಾರಿಯೊಬ್ಬಳು ಈಗಾಗಲೇ ರಹಾ ಕಪೂರ್ ಅನ್ನೋ ಹೆಸರಿನಲ್ಲಿ ಮನೆ ತುಂಬಾ ತಪ್ಪಿದ ಹೆಜ್ಜೆಗಳನ್ನಿಡುತ್ತಾ ನಡೆಯುತ್ತಿದ್ದಾಳೆ. ಅಂದಿನಿಂದ ಇಂದಿನವರೆಗೂ ತಮ್ಮ ಮುಂದ್ದಾದ ಮಗುವಿಗೆ ಸಮಯ ಕೊಡುವುದರಲ್ಲಿ ಇಬ್ಬರೂ ಹಿಂದೆ ಬಿದ್ದಿಲ್ಲ. ಅವಳಿಗಾಗಿ ಒಬ್ಬರಲ್ಲದಿದ್ದರೆ ಮತ್ತೊಬ್ಬರು ಸಮಯವನ್ನು ನೀಡುತ್ತಾ ರಾಜಕುಮಾರಿಯಂತೆಯೇ ಬೆಳೆಸುತ್ತಿದ್ದಾರೆ. ಈ ನಡುವೆ ಆಲಿಯಾ ರಣಬೀರ್ ಪುತ್ರಿ ಈಗ ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಸದ್ದು ಮಾಡುತ್ತಿದ್ದಾಳೆ.
ಜುಲೈ 28 ರಂದು ರಹಾ ಕಪೂರ್ ಹಾಗೂ ರಣಬೀರ್ ಕೆಲವೊಂದಿಷ್ಟು ಸುಂದರ ಸಮಯಗಳನ್ನು ಕಳೆದಿದ್ದರು. ಮಗಳೊಂದಿಗೆ ಕಳೆದ ಅಮೂಲ್ಯ ಕ್ಷಣಗಳ ವಿಡಿಯೋ ಹಾಗೂ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ರು. ಫೋಟೋ ಮತ್ತು ವಿಡಿಯೋಗಳಲ್ಲಿ ತಂದೆ ಮಗಳಿಬ್ಬರು ಅದ್ಭುತವಾಗಿ ಕಾಣುತ್ತಿದ್ದರು. ಗ್ರೇ ಕಲರ್ ಟೀ ಶರ್ಟ್ನಲ್ಲಿ ಡ್ಯಾಶಿಂಗ್ ಲುಕ್ನಲ್ಲಿ ರಣಬೀರ್ ಮಿಂಚುತ್ತಿದ್ರೆ, ಶ್ವೇತವಸ್ತ್ರದ ಬಣ್ಣದಲ್ಲಿ ರಹಾ ಮುದ್ದು ಮುದ್ದಾಗಿ ಕಾಣುತ್ತಿದ್ದಳು. ಮುಖದಲ್ಲಿನ ಆ ಮುದ್ದು ಖುದ್ದು ಅವಳ ತಾಯಿಯನ್ನೇ ಜ್ಞಾಪಿಸುತ್ತಿತ್ತು. ಇದನ್ನು ನೋಡಿದ ಅಭಿಮಾನಿಗಳು ರಹಾ ಆಲಿಯಾಳ ಕಾರ್ಬನ್ ಕಾಪಿ ಎಂದೇ ಚೆಂದವಾಗಿ ಛೇಡಿಸುತ್ತಿದ್ದಾರೆ.
