newsics.com
ಶಾಂಡೊಂಗ್(ಚೀನಾ): ಇಲ್ಲಿನ ವೀಹೈ ಮೃಗಾಲಯದಲ್ಲಿ 25 ವರ್ಷದ ಆನೆಯೊಂದು ಬಾಲಕ ಎಸೆದ ಶೂ ಅನ್ನು ಪುನಃ ಆತನಿಗೇ ಹಿಂತಿರುಗಿಸುವ ಮೂಲಕ ಜನರ ಮನ ಗೆದ್ದಿದೆ.
ಇದಕ್ಕೆ ಸಂಬಂಧಪಟ್ಟ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಜನರು ಆನೆಯ ಕೆಲಸ ಕಂಡು ಅಚ್ಚರಿಗೊಂಡಿದ್ದಾರೆ ಮತ್ತು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ವಿಡಿಯೊದಲ್ಲಿ ಆನೆ ಪುಟ್ಟ ಬಾಲಕ ಎಸೆದ ಶೂ ಅನ್ನು ಆನೆ ತನ್ನ ಸೊಂಡಿಲಿನಿಂದ ಎತ್ತಿಕೊಂಡು ವಾಪಸ್ ಬಾಲಕನ ಕೈಗೆ ನೀಡುತ್ತಿರುವುದು ಸೆರೆಯಾಗಿದೆ.
ವರದಿ ಪ್ರಕಾರ ಚೀನಾದ ಶಾಂಡೊಂಗ್ ಪ್ರಾಂತ್ಯದ ವೀಹೈ ಮೃಗಾಲಯಕ್ಕೆ ಪೋಷಕರ ಜೊತೆ ಬಂದ ಚಿಕ್ಕ ಬಾಲಕ ತನ್ನ ಕಾಲಲ್ಲಿದ್ದ ಶೂವೊಂದನ್ನು ಆನೆಯ ಬಳಿ ಎಸೆದಿದ್ದಾನೆ. ಆದರೆ ಆನೆ ಕೋಪಗೊಳ್ಳದೆ ಅದನ್ನು ಎತ್ತಿ ಬಾಲಕನ ಕೈಗೆ ನೀಡಿದೆ. ಇದನ್ನು ಅಲ್ಲಿಗೆ ಭೇಟಿ ನೀಡಿದ ವೀಕ್ಷಕರೊಬ್ಬರು ವಿಡಿಯೊ ಮಾಡಿ @readersdigest ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದು ವೈರಲ್ ಆಗಿದೆ.
ಈ ವಿಡಿಯೋಗೆ 52,142 ಲೈಕ್ಸ್ ಬಂದಿದೆ. ಇದಕ್ಕೆ ಪ್ರತಿಯಾಗಿ, ಹುಡುಗ ಒಂದು ಹಿಡಿ ಹುಲ್ಲನ್ನು ಎತ್ತಿಕೊಂಡು ಆನೆಗೆ ನೀಡಿದ್ದಾನೆ ಎಂದು ವರದಿಯಾಗಿದೆ.
ಈ ವೀಡಿಯೊ ಆನ್ಲೈನ್ ನಲ್ಲಿ ಗಮನ ಸೆಳೆಯುತ್ತಿದ್ದಂತೆ, ಸೋಶಿಯಲ್ ಮೀಡಿಯಾದ ಬಳಕೆದಾರರು ಕಮೆಂಟ್ಗಳ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಈ 25 ವರ್ಷದ ಗಂಡು ಆನೆಗೆ ‘ಮೌಂಟೇನ್ ರೇಂಜ್’ ಎಂದು ಹೆಸರಿಡಲಾಗಿದ್ದು, ಇದು ಮೃಗಾಲಯ ಸಂದರ್ಶಕರಿಗೆ ಅಚ್ಚುಮೆಚ್ಚಿನ ಆನೆಯಾಗಿದೆ ಎಂದು ವರದಿ ಹೇಳಿದೆ.
ಬಾಲಕನಿಗೆ ಸಹಾಯ ಮಾಡಿದ್ದಕ್ಕಾಗಿ ಮೃಗಾಲಯದ ಆಡಳಿತವು ಮೌಂಟೇನ್ ರೇಂಜ್ಗೆ ಹೆಚ್ಚುವರಿ ಊಟವನ್ನು ಬಹುಮಾನವಾಗಿ ನೀಡಲಾಯಿತು ಎಂದು ಅಲ್ಲಿನ ಸಿಬ್ಬಂದಿ ತಿಳಿಸಿದ್ದಾರೆ.
He is confined. But not his spirits & compassion 😊😊
Returns the shoe of a child which accidentally fell in its enclosure.
(Free wild from cages) pic.twitter.com/odJyfIjM9Y— Susanta Nanda (@susantananda3) September 28, 2023
ಪತಿಯಿಂದ ಜೀವನಾಂಶ ಕೇಳಲು ವಿಚ್ಛೇದಿತ ಮುಸ್ಲಿಂ ಮಹಿಳೆ ಅರ್ಹಳು: ಸುಪ್ರೀಂ ಕೋರ್ಟ್ ತೀರ್ಪು
ನಟ ದರ್ಶನ್ಗೆ ಸದ್ಯಕ್ಕಂತೂ ಮನೆ ಊಟ ಸಿಗಲ್ಲ, ಜು.18ಕ್ಕೆ ವಿಚಾರಣೆ ಮುಂದೂಡಿದ ಹೈಕೋರ್ಟ್
