ಪದ್ಯ- ಸಖ್ಯ ಸಂಧಾನ

newsics.com

ಕವಿತೆ

ಸಂಬಂಧದಲ್ಲಿ ಪ್ರಾಮಾಣಿಕತೆ
ಹುಡುಕದಿರು ಗೆಳತಿ
ಸಾಮರಸ್ಯ ಕೆಟ್ಟೀತು

ಪ್ರಮಾಣೀಕರಿಸುವ ಪ್ರಯತ್ನ
ಬಿಟ್ಟುಬಿಡೇ ಗೆಳತಿ
ಸ್ವಾರಸ್ಯ ಹೆಚ್ಚೀತು

ಸಾನುರಾಗ ಬಯಸಬೇಡವೆ ಗೆಳತಿ
ಸಾಪೇಕ್ಷ ಹೆಚ್ಚೀತು

ಸುಪರ್ದಿಯಲ್ಲಿರಿಸುವ ಬಯಕೆ
ಹತ್ತಿಕ್ಕೇ ಗೆಳತಿ
ಸಾಂಗತ್ಯ ಉಳಿದೀತು

ಮುಖ್ಯ ವಿಷಯ ತಿಳಿದುಕೊಳ್ಳೇ ಗೆಳತಿ
ಸಂಬಂಧದಲ್ಲಿ ಕಾಡಬೇಕಾದುದು ಬಿಟ್ಟಿರಲಾಗದ ಭಾವ ಅಷ್ಟೇ.

– ಶೋಭಾ ಕಡೆಕೊಪ್ಪಲ, ಶಿವಮೊಗ್ಗ