newsics.com
ಬೆಂಗಳೂರು: ಈಕೆ ಜಗತ್ತೇ ತನ್ನತ್ತ ನೋಡುವಂತೆ ಮಾಡಿದ್ದಾಳೆ. ಜಗತ್ತಿನ ಅತ್ಯಂತ ಕಿರಿಯ ಮಹಿಳಾ ಮಾಸ್ಟರ್ ಸ್ಕೂಬಾ ಡೈವರ್ ಎನಿಸಿಕೊಂಡಿದ್ದಾಳೆ.
ಹೌದು, ಈಕೆ ಬೆಂಗಳೂರಿನ 12 ವರ್ಷದ ಕೈನಾ ಖರೆ. ಸ್ಕೂಬಾ ಡೈವಿಂಗ್ನಲ್ಲಿ ಮಹತ್ತರ ಸಾಧನೆ ಮಾಡಿದ್ದಾಳೆ. ನೀರೊಳಗಿನ ಛಾಯಾಗ್ರಹಣ, ನೈಟ್ರಾಕ್ಸ್ ಡೈವಿಂಗ್, ತೇಲುವ ನಿಯಂತ್ರಣ, ಪಾರುಗಾಣಿಕಾ ಮುಳುಗು ತರಬೇತಿ ಸೇರಿದಂತೆ ವಿವಿಧ ಪರಿಣಿತಿ ಪಡೆದಿದ್ದಾಳೆ.
ಕೈನಾ ಖರೆ ಸಾಧನೆಗೆ ‘ಮಾಸ್ಟರ್ ಡೈವರ್’ ಎಂಬ ಬಿರುದು ಲಭಿಸಿದೆ. ಅಸಾಧಾರಣ ಜ್ಞಾನ, ಪ್ರಾವೀಣ್ಯ ಮತ್ತು ಸಮರ್ಪಣೆಯನ್ನು ಪ್ರದರ್ಶಿಸುವ ಯುವ ಡೈವರ್ಗಳಿಗೆ ಈ ಪ್ರತಿಷ್ಠಿತ ಬಿರುದು ನೀಡಲಾಗುತ್ತದೆ.
ಕೈನಾ ಖರೆ 10ನೇ ವಯಸ್ಸಿನಲ್ಲೇ ಸ್ಕೂಬಾ ಡೈವಿಂಗ್ ಕಲಿಯಲಾರಂಭಿಸಿದ್ದು, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ಮೊದಲ ಬಾರಿಗೆ ಡೈವ್ ಮಾಡಿದ್ದಾಳೆ.
ಮಾಧ್ಯಮಗಳೊಂದಿಗೆ ಮಾತನಾಡಿರುವ ಕೈನಾ ಖರೆ, ‘ನನ್ನ ಮೊದಲ ಡೈವಿಂಗ್ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಾಯಿತು. ಇದು ಟಂಡೆಮ್ ಡೈವ್ ಆಗಿತ್ತು. ಇದನ್ನು ನಾನು ಆನಂದಿಸಿದೆ. ತೆರೆದ ನೀರಿನ ಡೈವ್ ಮಾಡಿದೆ. ಒಪನ್ ವಾಟರ್ ಕೋರ್ಸ್ನ್ನು ಬಾಲಿ, ಇಂಡೋನೇಷ್ಯಾ ಮತ್ತು ಥೈಲ್ಯಾಂಡ್ನಲ್ಲಿ ಪೂರ್ಣಗೊಳಿಸಿದೆ. ನಾನೀಗ ಅಧಿಕೃತವಾಗಿ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ಮಾಸ್ಟರ್ ಡೈವರ್ ಆಗಿದ್ದೇನೆ’ ಎಂದು ಕೈನಾ ಹೇಳುವಾಗ ನಮಗೂ ಹೆಮ್ಮೆ ಎನಿಸುತ್ತದೆ.
#WATCH | 12-year-old Bengaluru girl Kyna Khare claims to be the youngest master scuba diver. pic.twitter.com/oT716sd5cB
— ANI (@ANI) June 15, 2024
ನೀರು ಕುಡಿಯುವಂತಿಲ್ಲ, ವಾಶ್ ರೂಮ್ಗೆ ಹೋಗುವಂತಿಲ್ಲ; ಇದೇನಿದು ಈ ಕಂಪನಿಯ ಹೊಸ ವರಸೆ?
ಎಮ್ಮೆ ಕರುಗಳ ಸಗಣಿ ಹೆಕ್ಕಿಯೇ ದುಬಾರಿ ಬೆಲೆಯ ‘ಐ ಫೋನ್’ ಖರೀದಿಸಿದ ಮಹಿಳೆ! ವಿಡಿಯೋ ನೋಡಿ
