newsics. com
ಬೆಂಗಳೂರು: ದೃಷ್ಟಿಯ ಶೈಲಿಯನ್ನು ಬದಲಾಯಿಸುವುದು ಮಾತ್ರವಲ್ಲದೆ ಕಣ್ಣುಗಳನ್ನು ರಕ್ಷಿಸಲು ಸನ್ಗ್ಲಾಸ್ ಬೇಸಿಗೆ ಕಾಲದಲ್ಲಿ ಅತ್ಯಗತ್ಯ. 1752 ರಲ್ಲಿ ಇಂಗ್ಲಿಷ್ ನೇತ್ರ ತಜ್ಞ ಜೇಮ್ಸ್ ಆಯ್ಸ್ಕಾಫ್ ಅವರ ಆವಿಷ್ಕಾರದ ಸನ್ ಗ್ಲಾಸ್, ಇಂದು ತಂತ್ರಜ್ಞಾನ ಮತ್ತು ವಿನ್ಯಾಸ ಎರಡರಲ್ಲೂ ಗಮನಾರ್ಹವಾಗಿ ವಿಕಸನಗೊಂಡಿದೆ.
ಯುವಿಎ ಮತ್ತು ಯುವಿಬಿ ರಕ್ಷಣೆಯಿಲ್ಲದೆ ಸನ್ಗ್ಲಾಸ್ ಧರಿಸುವುದರಿಂದ ಕಣ್ಣುಗಳಿಗೆ ಆಗಬಹುದಾದ ಹಾನಿಯನ್ನು ವಿವರಿಸಲು ಡಾ.ಮಹ್ಯಾರ್ ಮ್ಯಾಕ್ಸ್ ಇತ್ತೀಚೆಗೆ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವೀಡಿಯೊಂದನ್ನು ಹಂಚಿಕೊಂಡಿದ್ದಾರೆ.
ಸೂರ್ಯನ ಯುವಿಎ ಮತ್ತು ಯುವಿಬಿ ಕಿರಣಗಳನ್ನು ನಿರ್ಬಂಧಿಸದ ಕಡಿಮೆ ವೆಚ್ಚದ ಸನ್ಗ್ಲಾಸ್ಗಳು ಕಣ್ಣಿನ ರೆಟಿನಾ ಮತ್ತು ಸ್ಕ್ಲೆರಾವನ್ನು ಹಾನಿಗೊಳಿಸಬಹುದು ಹಾಗೂ ಕಳಪೆ ಗುಣಮಟ್ಟದ ಸನ್ಗ್ಲಾಸ್ ಅನ್ನು ಬಳಸುವುದರಿಂದ ದೃಷ್ಟಿ ಮಂದವಾಗುವ ಅಥಾವ ದೃಷ್ಟಿ ಕಡಿಮೆಯಾಗುವುದು ಮತ್ತು ಕಣ್ಣುಗಳ ಸ್ಕೈರಾದ ಬಿಳಿ ಬಣ್ಣದ ಮೇಲೆ ಹಳದಿ ಬಣ್ಣದ ಚುಕ್ಕೆಗಳಿಂದ ಕೂಡಿದ ಪಿಂಗ್ಯುಕುಲದಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು.
ನೇತ್ರವಿಜ್ಞಾನದ ತಜ್ಞ ವೈದ್ಯ ಡಾ.ಮಹ್ಯಾರ್ ಅವರು ಸೋಲಾರ್ ರೆಟಿನೋಪತಿಯು ಸೂರ್ಯನನ್ನು ಅಥವಾ ಇತರ ಪ್ರಕಾಶಮಾನವಾದ ದೀಪಗಳನ್ನು ರಕ್ಷಣೆಯಿಲ್ಲದೆ ಹೆಚ್ಚು ಹೊತ್ತು ನೋಡುವುದರಿಂದ ರೆಟಿನಾ ಹಾನಿಗೊಳಗಾದಾಗ ಉಂಟಾಗುವ ಸ್ಥಿತಿಯಾಗಿದೆ, ಇದು ದೃಷ್ಟಿ, ಶಕ್ತಿಯನ್ನು ಮಂಕಾಗಿಸಬಹುದು ಅಥವಾ ಶಾಶ್ವತ ದೃಷ್ಟಿ ನಷ್ಟಕ್ಕೆ ಕಾರಣವಾಗಬಹುದು ಎನ್ನುತ್ತಾರೆ.
