newsics.com/ನ್ಯೂಸಿಕ್ಸ್
ಟಿವಿ ಲೋಕದ ಜನಪ್ರಿಯ ನಟಿ ಜೆನಿಫರ್ ವಿಂಗೆಟ್ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಜೆನಿಫರ್ ಸದ್ಯ ರಿಲೇಶನ್ಶಿಪ್ನಲ್ಲಿದ್ದು, ಎರಡನೇ ಮದುವೆಗೆ ಸಿದ್ಧತೆ ನಡೆಸಿದ್ದಾರೆ ಎನ್ನಲಾಗ್ತಿದೆ. ಈ ಸುದ್ದಿ ಕೇಳಿ ಫ್ಯಾನ್ಸ್ ಫುಲ್ ಎಕ್ಸೈಟ್ ಆಗಿದ್ದಾರೆ. ಮದುವೆ ಯಾವಾಗ, ಹುಡುಗ ಯಾರು ಅಂತ ತಿಳಿದುಕೊಳ್ಳೋಕೆ ಕಾಯ್ತಾ ಇದ್ದಾರೆ.
41ನೇ ವಯಸ್ಸಿನಲ್ಲಿರುವ ಈ ನಟಿ ಅಭಿನಯ ಹಾಗೂ ಸೌಂದರ್ಯದಿಂದಲೇ ಹೆಸರುವಾಸಿ. ಇವರ ಅಭಿನಯಕ್ಕೆ ಮರುಳಾಗದವೇ ಇಲ್ಲ. ಸದ್ಯ ತಮ್ಮ ಎರಡನೇ ಮದುವೆ ವಿಚಾರವಾಗಿ ಲೈಮ್ಲೈಟ್ನಲ್ಲಿದ್ದಾರೆ. ಇತ್ತೀಚೆಗೆ ಜೆನಿಫರ್ ಒಂದು ಮದುವೆಯ ಡಾನ್ಸ್ ವಿಡಿಯೋಗೆ ಮಾಡಿದ ಕಾಮೆಂಟ್ನಿಂದ ಈ ಸುದ್ದಿ ಹಬ್ಬಿದೆ. ಆ ಕಾಮೆಂಟ್ ವೈರಲ್ ಆಗ್ತಿದ್ದಂತೆ, ಸಿಂಗಾಪುರದ ಬ್ಯುಸಿನೆಸ್ಮ್ಯಾನ್ ವಿಲಿಯಂ ಇಸ್ಮಾಯಿಲ್ ಜೊತೆಗಿನ ಅವರ ಸಂಬಂಧದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಗುಸುಗುಸು ಶುರುವಾಗಿದೆ.
ಜೆನಿಫರ್ ಈ ಬಗ್ಗೆ ಇನ್ನೂ ಅಧಿಕೃತವಾಗಿ ಏನೂ ಹೇಳಿಲ್ಲ. ಆದರೆ, ಮೀಡಿಯಾ ವರದಿಗಳ ಪ್ರಕಾರ, ಈ ವರ್ಷದ ಕೊನೆಯಲ್ಲಿ ಅವರು ವಿಲಿಯಂ ಜೊತೆ ಮದುವೆಯಾಗಲಿದ್ದಾರೆ. ಸೆಪ್ಟೆಂಬರ್-ಅಕ್ಟೋಬರ್ ಅಥವಾ ಡಿಸೆಂಬರ್-ಜನವರಿ ತಿಂಗಳುಗಳಲ್ಲಿ ಮದುವೆ ದಿನಾಂಕ ಫಿಕ್ಸ್ ಮಾಡುವ ಬಗ್ಗೆ ಚರ್ಚೆ ನಡೆಯುತ್ತಿದೆ ಎನ್ನಲಾಗಿದೆ.
ಜೆನ್ನಿಫರ್ ವಿಂಗತ್ ಪ್ರತಿ ಟಿವಿ ಎಪಿಸೋಡ್ಗೆ ಸರಿಸುಮಾರು 1.5 ಲಕ್ಷದಿಂದ 2 ಲಕ್ಷ ರೂಪಾಯಿಗಳವರೆಗೆ ಸಂಭಾವನೆ ಪಡೆಯುತ್ತಾರೆ. ಒಂದೇ ದಿನ ಶೂಟಿಂಗ್ ಮಾಡಿದರೂ ಕೂಡಾ ಇವರ ಸಂಭಾವನೆ ಸುಮಾರು 2 ಲಕ್ಷ ರೂಪಾಯಿ.
ಅವರ ಒಂದು ದಿನದ ಗಳಿಕೆಯು ಹೆಚ್ಚೂ ಕಡಿಮೆ 1,500,000 ರೂ ಯಿಂದ 2,000,000 ರೂ.ವರೆಗಿದೆ. ಇವರು ಬೆಳ್ಳಿತೆರೆಯಲ್ಲಿ ನಟಿಯಾಗಿಯೂ ಮಿಂಚಿದ್ದಾರೆ. ಸೀರಿಯಲ್ ಮೂಲಕ ಹೆಚ್ಚು ಜನಪ್ರಿಯೆ. OTT ಪ್ರಾಜೆಕ್ಟ್ ಮತ್ತು ಬ್ರ್ಯಾಂಡ್ ಕೊಲಾಬರೇಷನ್ ಮೂಲಕವೂ ಇವರು ಸಂಪಾದಿಸುತ್ತಾರೆ.
ಬೇಹದ್ ಮೂಲಕ ಅವರು ಅಪಾರ ಜನರ ಪ್ರೀತಿಗೆ ಪಾತ್ರರಾದರು. ಈ ಸೀರಿಯಲ್ ಮನೆ ಮಾತಾಯಿತು. ಅವರು ಈ ಅದ್ಭುತ ಸೀರಿಯಲ್ ಮಾಡುವ ಸಮಯದಲ್ಲಿ ದಿನಕ್ಕೆ ಸರಿಸುಮಾರು ₹65,000 ರಿಂದ ₹85,000 ರೂ ಗಳಿಸುತ್ತಿದ್ದರು.
ಬೆಪನ್ನಾ ಸಮಯದಲ್ಲಿ ಅವರ ಸಂಭಾವನೆ ಪ್ರತಿ ಸಂಚಿಕೆಗೆ ಸುಮಾರು ₹1 ಲಕ್ಷಕ್ಕೆ ಏರಿತು. ಟಿವಿ ಮತ್ತು ಡಿಜಿಟಲ್ ಪ್ಲಾಟ್ಫಾರ್ಮ್ಗಳಲ್ಲಿ ಅವರ ಕೆಲಸಕ್ಕಾಗಿ ಅಪಾರ ಮೆಚ್ಚುಗೆ ಗಳಿಸಿದ್ದಾರೆ.
ವಿಲಿಯಂ ಇಸ್ಮಾಯಿಲ್, ಜೆನಿಫರ್ ಜೊತೆ ಹೆಸರು ಕೇಳಿಬಂದರೂ, ಲೈಮ್ಲೈಟ್ನಿಂದ ದೂರ ಇರುತ್ತಾರೆ. ಅವರು ಸೋಶಿಯಲ್ ಮೀಡಿಯಾದಲ್ಲಿದ್ದರೂ, ತಮ್ಮ ಇನ್ಸ್ಟಾಗ್ರಾಮ್ ಖಾತೆಯನ್ನು ಪ್ರೈವೇಟ್ ಇಟ್ಟಿದ್ದಾರೆ. ವಿಲಿಯಂಗೆ ಇನ್ಸ್ಟಾಗ್ರಾಮ್ನಲ್ಲಿ ಸುಮಾರು 936 ಫಾಲೋವರ್ಸ್ ಇದ್ದು, 174 ಪೋಸ್ಟ್ಗಳಿವೆ. ಯುಬಿಎಸ್ ಇನ್ವೆಸ್ಟ್ಮೆಂಟ್ ಬ್ಯಾಂಕ್ನಲ್ಲೂ ಅವರು ಕೆಲಸ ಮಾಡಿದ್ದಾರೆ. ವಿದ್ಯಾರ್ಹತೆ ಬಗ್ಗೆ ಹೇಳುವುದಾದರೆ, ವಿಲಿಯಂ 2002ರಿಂದ 2005ರ ಅವಧಿಯಲ್ಲಿ ಯಾರ್ಕ್ ಯೂನಿವರ್ಸಿಟಿಯಿಂದ ಎಕನಾಮಿಕ್ಸ್ ಮತ್ತು ಫೈನಾನ್ಸ್ನಲ್ಲಿ ಪದವಿ ಪಡೆದಿದ್ದಾರೆ. ವರದಿಗಳ ಪ್ರಕಾರ, ಜೆನಿಫರ್ ಮತ್ತು ವಿಲಿಯಂ ಮದುವೆ ಕ್ರಿಶ್ಚಿಯನ್ ಸಂಪ್ರದಾಯದಂತೆ ನಡೆಯಲಿದೆ.
