newsics.com/ನ್ಯೂಸಿಕ್ಸ್
27 ವರ್ಷದ ಶ್ರೀಮಂತ ಯುವಕನ ಒಂಟಿತನದ ಗೋಳು ಎಲ್ಲರೂ ಅಚ್ಚರಿಪಡುವಂತೆ ಮಾಡಿದೆ.
27 ವರ್ಷದ ವ್ಯಕ್ತಿಯೊಬ್ಬ ರೆಡ್ಡಿಟ್ನಲ್ಲಿ ಒಂದು ಪೋಸ್ಟ್ ಮಾಡಿ, ಒಂಟಿತನ ಅನುಭವಿಸುತ್ತಿದ್ದು, ಇದನ್ನು ಕಳೆಯೋದಕ್ಕಾಗಿ ನಿಯಮಿತವಾಗಿ ತನ್ನ ಜೊತೆ ಮಾತನಾಡಿದರೆ ತಿಂಗಳಿಗೆ ₹6,000 ನೀಡುವುದಾಗಿ ಈ ವ್ಯಕ್ತಿ ಹೇಳಿದ್ದಾನೆ.
ಯುವಕನ ಪೋಸ್ಟ್ ಆನ್ಲೈನ್ನಲ್ಲಿ ವ್ಯಾಪಕ ಚರ್ಚೆಗೆ ಕಾರಣವಾಗಿದೆ. ಅಷ್ಟೇ ಅಲ್ಲದೆ ದುಡ್ಡಿದ್ದರೂ ಜನ ಯಾವ ರೀತಿ ಒಂಟಿತನದಿಂದ ಬಳಲುತ್ತಿದ್ದಾರೆ ಎಂದು ಯೋಚಿಸುವಂತೆ ಮಾಡಿದೆ. ಶ್ರೀಮಂತ ಕುಟುಂಬದಿಂದ ಬಂದಿರುವ ಮತ್ತು ತನ್ನ ವೃತ್ತಿಜೀವನದಲ್ಲಿ ಒಳ್ಳೆಯ ಪೊಸಿಷನ್ನಲ್ಲಿರುವ ಈ ವ್ಯಕ್ತಿ, ತನ್ನ ದೈನಂದಿನ ಆಫೀಸ್ ಕಡೆಗಿನ ಪ್ರಯಾಣದ ಸಮಯದಲ್ಲಿ, ಲಂಚ್ ಬ್ರೇಕ್ನಲ್ಲಿ ಮತ್ತು ಮಲಗುವ ಮೊದಲು ಎಮೋಷನಲಿ ಸ್ಟ್ರಾಂಗ್ ಇರುವ, ಪ್ರಬುದ್ಧರಾಗಿರುವ ಯಾರಾದರೂ ತನ್ನೊಂದಿಗೆ ಮಾತನಾಡಬೇಕೆಂದು ? ಬಯಸುತ್ತಿದ್ದಾರೆ.
ತನ್ನ ವಿವರವಾದ ಪೋಸ್ಟ್ನಲ್ಲಿ, ಆ ವ್ಯಕ್ತಿ ನಾಲ್ಕು ಷರತ್ತುಗಳನ್ನು ಸ್ಪಷ್ಟವಾಗಿ ಉಲ್ಲೇಖಿಸಿದ್ದಾರೆ. ಆ ವ್ಯಕ್ತಿ ಭಾವನಾತ್ಮಕವಾಗಿ ಮೆಕ್ಯೂರ್ಡ್ ಆಗಿರಬೇಕು. ಸಭ್ಯ ಸ್ವರದೊಂದಿಗೆ ಶಾಂತ ಧ್ವನಿಯನ್ನು ಹೊಂದಿರಬೇಕು, ಅವನ ಶಾಂತಿಯನ್ನು ಭಂಗಗೊಳಿಸುವ ಯಾವುದೇ “ಜಗಳವನ್ನು” ಅನ್ನು ಎಂದಿಗೂ ಮಾಡಬಾರದು. ಅವನ ಬಗ್ಗೆ ಕಾಳಜಿ ಇರುವಂತೆ ನಟಿಸಬಾರದು ಎಂದಿದ್ದಾರೆ.
ಆ ವ್ಯಕ್ತಿಯು ತನ್ನ ಆರೋಗ್ಯ, ಆಹಾರ ಪದ್ಧತಿ, ಮಾನಸಿಕ ಆರೋಗ್ಯ, ಕೆಲಸ ಮತ್ತು ಸಾಮಾನ್ಯವಾಗಿ ಜೀವನದ ಬಗ್ಗೆ ಯಾವಾಗಲೂ ಮಾತನಾಡಬೇಕು, ಕೇಳಬೇಕು ಎಂದು ಬಯಸಿದ್ದಾರೆ.
ರಿಲೇಷನ್ಶಿಪ್ನಲ್ಲಿ ಕೆಟ್ಟ ಅನುಭವ
ಆತನ ಹೆತ್ತವರು ಎಮೋಷನಲಿ ಅವರಿಗೆ ಲಭ್ಯವಿಲ್ಲ ಎಂದು ಆ ವ್ಯಕ್ತಿ ಬಹಿರಂಗಪಡಿಸಿದರು. ತನ್ನ ಕೊನೆಯ ಸಂಬಂಧವು ಅತ್ಯಂತ ಕೆಟ್ಟದಾಗಿತ್ತು ಎಂದು ಅವರು ಹೇಳಿದ್ದಾರೆ. ಅದರ ಬಗ್ಗೆ ಯೋಚಿಸುವಾಗ ಕೂಡಾ ತನಗೆ ಭಯವಾಗುತ್ತದೆ ಎಂದು ಅವರು ಹೇಳಿದ್ದಾರೆ.
ಮದುವೆಯ ಬಗ್ಗೆ ಯಾವುದೇ ಸಲಹೆಗಳನ್ನು ತಾನು ಕೇಳಲು ಬಯಸುವುದಿಲ್ಲ ಎಂದು ಅವರು ಸ್ಪಷ್ಟವಾಗಿ ಹೇಳಿದ್ದಾರೆ. ಆಫೀಸ್ನಲ್ಲಿ ಕೆಲಸ ಮಾಡುವಾಗ, ಯಾವುದಾದರೂ ಮಾನಸಿಕ ಅಸ್ವಸ್ಥತೆಯು ತನ್ನ ನಿದ್ರೆ ಮತ್ತು ಒಟ್ಟು ಸ್ಥಿರತೆಯ ಮೇಲೆ ಪರಿಣಾಮ ಬೀರಬಹುದು ಎಂದು ಭಯಪಡುತ್ತಿರುವುದಾಗಿ ತಿಳಿಸಿದ್ದಾರೆ.
ಅವರು ಪ್ರತಿ 15 ದಿನಗಳಿಗೊಮ್ಮೆ ₹3,000 ಪಾವತಿಸಲು ಯೋಜಿಸಿದ್ದಾರೆ ಮತ್ತು ಎಲ್ಲವೂ ಸರಿಯಾಗಿ ನಡೆದರೆ ಈ ವೇತನವನ್ನು ಇನ್ನಷ್ಟು ಹೆಚ್ಚಿಸಬಹುದು ಎಂದು ತಿಳಿಸಿದ್ದಾರೆ.
ಅನೇಕ ರೆಡ್ಡಿಟ್ ಬಳಕೆದಾರರು ಈ ಪೋಸ್ಟ್ಗೆ ಪ್ರೀತಿಯಿಂದ ಪ್ರತಿಕ್ರಿಯಿಸಿದರು. ಒಬ್ಬ ಬಳಕೆದಾರರು ಕಮೆಂಟ್ ಮಾಡಿ, “ಹೇ, ನಾನು ನಿಮ್ಮೊಂದಿಗೆ ಯಾವುದೇ ಸಮಯದಲ್ಲಿ ಮಾತನಾಡಲು ರೆಡಿ ಇದ್ದೇನೆ, ನೀವು ಅಗತ್ಯವಿರುವ ಯಾರಿಗಾದರೂ ಆ ಹಣವನ್ನು ದಾನ ಮಾಡಬಹುದು ಎಂದಿದ್ದಾರೆ.
