newsics.com
ಜಪಾನ್ನ ಉತ್ತರ ಕರಾವಳಿಯಲ್ಲಿ ಇಂದು ಪ್ರಬಲ ಭೂಕಂಪ ಸಂಭವಿಸಿದೆ. ಜಪಾನ್ ಹವಾಮಾನ ಸಂಸ್ಥೆಯ ಪ್ರಕಾರ, ಈ ಭೂಕಂಪದ ತೀವ್ರತೆ 7.4 ಆಗಿದ್ದು, ಇದು ತುಂಬಾ ಬಲವಾದ ಕಂಪನವಾಗಿದೆ. ಸಂಜೆ 4.53 ಗಂಟೆಗೆ ಉತ್ತರ ಇವಾಟೆ ಪ್ರಾಂತ್ಯದ ಪೆಸಿಫಿಕ್ ಸಮುದ್ರ ಭಾಗದಲ್ಲಿ ಭೂಕಂಪ ಸಂಭವಿಸಿದೆ. ಅಲ್ಲದೇ ಸುನಾಮಿ ಎಚ್ಚರಿಕೆಯನ್ನು ನೀಡಲಾಗಿದೆ.
ಉತ್ತರ ಜಪಾನ್ನಲ್ಲಿ ಸಂಭವಿಸಿದ ಕಂಪನದ ತೀವ್ರತೆ ಇಷ್ಟೊಂದು ಜಾಸ್ತಿ ಇದ್ದುದರಿಂದ ನೂರಾರು ಕಿಲೋಮೀಟರ್ ದೂರದಲ್ಲಿರುವ ಟೋಕಿಯೊದಲ್ಲಿಯೂ ದೊಡ್ಡ ಕಟ್ಟಡಗಳು ಅಲುಗಾಡಿದವು ಎಂದು ವರದಿಯಾಗಿದೆ.
ಈ ಭೂಕಂಪನ ನಂತರ ಜಪಾನ್ ಹವಾಮಾನ ಸಂಸ್ಥೆ ಸುನಾಮಿ ಎಚ್ಚರಿಕೆ ನೀಡಿದೆ. ಇವಾಟೆ, ಅಮೋರಿ ಮತ್ತು ಹೊಕ್ಕೈಡೋ ಪ್ರಾಂತ್ಯಗಳ ಕೆಲವು ಕರಾವಳಿ ಭಾಗಗಳಿಗೆ 3 ಮೀಟರ್ (10 ಅಡಿ) ಎತ್ತರದ ಸುನಾಮಿ ಅಲೆಗಳು ಅಪ್ಪಳಿಸುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.
ಕರಾವಳಿ ಮತ್ತು ನದಿ ತೀರ ಪ್ರದೇಶಗಳಲ್ಲಿ ಇರುವ ಜನರು ತಕ್ಷಣವೇ ಎತ್ತರದ ಪ್ರದೇಶಗಳಿಗೆ ಅಥವಾ ಭದ್ರವಾದ ಕಟ್ಟಡಗಳಿಗೆ ಸ್ಥಳಾಂತರಗೊಳ್ಳಬೇಕೆಂದು ಸಂಸ್ಥೆ ವಿನಂತಿಸಿದೆ. ಸುನಾಮಿ ಅಲೆಗಳು ಒಂದೇ ಬಾರಿ ಅಲ್ಲ, ಪದೇ ಪದೇ ಬರಬಹುದಾದ್ದರಿಂದ ಎಚ್ಚರಿಕೆಯನ್ನು ಹಿಂತೆಗೆದುಕೊಳ್ಳುವವರೆಗೆ ಸುರಕ್ಷಿತ ಸ್ಥಳವನ್ನು ಬಿಡಬಾರದು ಎಂದು ಕೂಡ ಎಚ್ಚರಿಸಲಾಗಿದೆ.
