https://youtube.com/shorts/Uyg7eLAiO4c?si=HGl_mdjplGhkcNCz
newsics.com
ಪ್ರಪಂಚದ ಬಹುತೇಕ ಎಲ್ಲಾ ರಾಷ್ಟ್ರಗಳು ತಮ್ಮ ಗಡಿಗಳನ್ನು ಕಾಪಾಡಲು ಬಲಿಷ್ಠ ಸೈನ್ಯವನ್ನು ಹೊಂದಿದ್ದು, ಶತ್ರು ದಾಳಿಗಳನ್ನು ತಡೆಗಟ್ಟಲು, ಭದ್ರತೆ ಒದಗಿಸಲು, ಯುದ್ಧ ಪರಿಸ್ಥಿತಿಯನ್ನು ಎದುರಿಸುವಲ್ಲಿ ಸೈನ್ಯ ಪ್ರಮುಖ ಪಾತ್ರ ವಹಿಸುತ್ತದೆ. ಆದರೆ ಒಂದು ಆಶ್ಚರ್ಯಕರ ವಿಚಾರ ಏನು ಗೊತ್ತಾ ವಿಶ್ವದ ಈ 36 ದೇಶಗಳಿಗೆ ಸೈನ್ಯವೇ ಇಲ್ಲ.
ಈ 36 ದೇಶಗಳು ಆರಾಮಾಗಿ ನಿದ್ದೆ ಮಾಡೋಕೆ ಅಸಲಿ ಕಾರಣವೇ ‘ಅಂತರರಾಷ್ಟ್ರೀಯ ರಕ್ಷಣಾ ಒಪ್ಪಂದಗಳು’. ಈ ದೇಶಗಳು ಸೈನ್ಯ ಕಟ್ಟಿ ಕೋಟಿಗಟ್ಟಲೆ ಖರ್ಚು ಮಾಡೋ ಬದಲು, ಜಗತ್ತಿನ ದೊಡ್ಡ ದೊಡ್ಡ ‘ದಾದಾ’ ದೇಶಗಳ ಜೊತೆ ಫ್ರೆಂಡ್ಶಿಪ್ ಮಾಡಿಕೊಂಡಿವೆ. ತಮ್ಮ ದೇಶದ ರಕ್ಷಣೆಯ ಜವಾಬ್ದಾರಿಯನ್ನು ಪಕ್ಕದ ಪ್ರಬಲ ರಾಷ್ಟ್ರಗಳಿಗೆ ವಹಿಸಿಬಿಟ್ಟಿವೆ.
ಉದಾಹರಣೆಗೆ, ಪುಟ್ಟ ದೇಶ ವ್ಯಾಟಿಕನ್ ಸಿಟಿಯನ್ನು ಇಟಲಿ ಕಾವಲು ಕಾಯುತ್ತೆ.ಹಾಗೆಯೇ ಮೊನಾಕೊ ದೇಶಕ್ಕೆ ಫ್ರಾನ್ಸ್ ಸೆಕ್ಯುರಿಟಿ ಗಾರ್ಡ್ ತರಹ ನಿಂತಿದೆ. ಇನ್ನು ನಮ್ಮ ಪಕ್ಕದ ಭೂತಾನ್ ಮತ್ತು ಮಾರಿಷಸ್ ದೇಶದ ಮೇಲೆ ಯಾರಾದ್ರೂ ಕಣ್ಣಾಕಿದ್ರೆ, ನಮ್ಮ ಭಾರತವೇ ಗುರಾಣಿಯಾಗಿ ನಿಂತು ಶತ್ರುಗಳಿಗೆ ಬೆವರಿಳಿಸುತ್ತೆ.
ಗ್ರೀನ್ಲ್ಯಾಂಡ್ ಮತ್ತು ಜಿಬ್ರಾಲ್ಟರ್ನಂತಹ ಜಾಗಗಳು ಸೈನ್ಯಕ್ಕಾಗಿ ಒಂದು ರೂಪಾಯಿ ಕೂಡ ಖರ್ಚು ಮಾಡಲ್ಲ. ಯಾಕಂದ್ರೆ ಗ್ರೀನ್ಲ್ಯಾಂಡ್ಗೆ ಡೆನ್ಮಾರ್ಕ್ ಕಾವಲಿದ್ದರೆ, ಫಾಕ್ಲ್ಯಾಂಡ್, ಕೇಮನ್ ದ್ವೀಪಗಳು ಮತ್ತು ಬರ್ಮುಡಾಗೆ ಬ್ರಿಟನ್ ಭದ್ರತೆ ಒದಗಿಸುತ್ತೆ. ಇನ್ನು ಐಸ್ಲ್ಯಾಂಡ್ ಬಳಿ ಸ್ವಂತ ಸೈನ್ಯ ಇಲ್ಲದಿದ್ರೂ ಅದು ‘ನಾಟೋ’ ಸದಸ್ಯ ರಾಷ್ಟ್ರ. ಅಂದ್ರೆ, ಐಸ್ಲ್ಯಾಂಡ್ ಮೇಲೆ ಯಾರಾದ್ರೂ ಒಂದು ಕಲ್ಲು ಎಸೆದ್ರೂ ಸಾಕು, ಅಮೆರಿಕ ಸೇರಿದಂತೆ 30ಕ್ಕೂ ಹೆಚ್ಚು ದೇಶಗಳು ಒಟ್ಟಾಗಿ ಬಂದು ಶತ್ರುಗಳನ್ನ ಬಡಿದು ಹಾಕುತ್ತೆ.
