https://youtube.com/shorts/N5x7_cDJ-pw?si=NiCZz1Vb_Is4d402
Subscribe ನ್ಯೂಸಿಕ್ಸ್ ಕನ್ನಡ
newsics.com
ಸೌತ್ ಸಿನಿ ದುನಿಯಾದ ಸ್ಟಾರ್ ಜೋಡಿ ಇದೀಗ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆ. ಹೌದು, ಕನ್ನಡಿತಿ ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಫೆಬ್ರವರಿ 26ರಂದು ಉದಯಪುರದಲ್ಲಿ ಅದ್ಧೂರಿಯಾಗಿ ಹಸೆಮಣೆ ಏರಲಿದ್ದಾರೆ. ಉದಯಪುರದ ಐಟಿಸಿ ಮೆಮೆಂಟೋಸ್ ನಲ್ಲಿ ಸ್ಟಾರ್ಜೋಡಿ ಮದುವೆಯಾಗಲಿದ್ದು, ಕೆಲವೇ ಕೆಲವು ಪ್ರಮುಖ ಅತಿಥಿಗಳ ನಡುವೆ ನಡೆಯಲಿರುವ ಈ ವಿವಾಹಕ್ಕೆ ಟಾಲಿವುಡ್ನ ಕೆಲ ಸ್ಟಾರ್ ನಟ, ನಟಿಯರು, ರಾಜಕಾರಣಿಗಳನ್ನು ಮಾತ್ರ ಆಹ್ವಾನಿಸಲಾಗಿದೆ. ಇದರ ನಡುವೆ ಮದುವೆಯ ಊಟದ ಮೆನು ಸಾಮಾಜಿಕ ಮಾಧ್ಯಮದಲ್ಲಿ ಸಖತ್ ಟ್ರೆಂಡ್ ಆಗಿದೆ.
ಮದುವೆಯ ಭೋಜನದ ಪೂರ್ಣ ಮೆನು ಇನ್ನೂ ಬಹಿರಂಗಗೊಂಡಿಲ್ಲ, ಆದರೆ ವರದಿಗಳ ಪ್ರಕಾರ, ಅತಿಥಿಗಳು ದಕ್ಷಿಣ ಭಾರತದ ಆತಿಥ್ಯದ ಕೆಲವು ಅಂಶಗಳನ್ನು ನಿರೀಕ್ಷಿಸಬಹುದು. ಅದರಲ್ಲಿ ಬಾಳೆ ಎಲೆ ಊಟ ವಿಶೇಷ ಎನ್ನಲಾಗುತ್ತಿದೆ.
ವಿವಾಹ ಮೆನುವಿನಲ್ಲಿ ತೆಲಂಗಾಣ ಮತ್ತು ಆಂಧ್ರದ ಜನಪ್ರಿಯ ಭಕ್ಷ್ಯಗಳು ಮತ್ತು ರಶ್ಮಿಕಾ ತವರಿನ ಕೂರ್ಗ್ನ ಐಕಾನಿಕ್ ಪಾಕವಿಧಾನಗಳು ಸೇರಿವೆ ಎಂದು ಹೇಳಲಾಗಿದೆ. ಈ ಪಟ್ಟಿಯಲ್ಲಿ ನಾಟಿ ಚಿಕನ್, ಹೈದರಾಬಾದ್ ದಮ್ ಬಿರಿಯಾನಿ, ಪಪ್ಪು, ಕೀಮಾ ಸಮೋಸಾ, ಪಚ್ಚಿ ಪುಲುಸು, ಮೈಸೂರು ಪಾಕ್, ಅಕ್ಕಿ ತಂಬಿಟ್ಟು, ಪಾಂಡಿ ಕರಿ (ಹಂದಿ ಮಾಂಸದ ಖಾದ್ಯ), ಪುಟ್ಟು ಸೇರಿದತೆ ವಿಶೇಷ ಮೆನು ಇರಲಿದೆ ಎಂದು ವರದಿಯಾಗಿದೆ.
ವಿಜಯ್ ಮತ್ತು ರಶ್ಮಿಕಾ ಅವರ ವಿವಾಹ ಆರತಕ್ಷತೆ ಹೈದರಾಬಾದ್ನಲ್ಲಿ ಅದ್ಧೂರಿಯಾಗಿ ನಡೆಯಲಿದ್ದು, ಈ ಆರತಕ್ಷತೆಗೆ ಬಹುತೇಕ ಎಲ್ಲರನ್ನು ಆಹ್ವಾನಿಸಲಾಗಿದೆ ಎಂದು ವರದಿಯಾಗಿದೆ. ಮಾರ್ಚ್ 4 ರಂದು ಬಂಜಾರಾ ಹಿಲ್ಸ್ನ ತಾಜ್ ಕೃಷ್ಣ ಹೋಟೆಲ್ನಲ್ಲಿ ಆರತಕ್ಷತೆ ನಡೆಯಲಿದೆ. ಸಂಜೆ 7 ಗಂಟೆಗೆ ಕಾರ್ಯಕ್ರಮ ಆರಂಭವಾಗಲಿದೆ. ಟಾಲಿವುಡ್ ಜೊತೆಗೆ, ಬಾಲಿವುಡ್, ಕಾಲಿವುಡ್ ಮತ್ತು ಸ್ಯಾಂಡಲ್ವುಡ್ನ ಪ್ರಸಿದ್ಧ ನಟರು, ನಿರ್ಮಾಪಕರು, ನಿರ್ದೇಶಕರು, ರಾಜಕಾರಣಿಗಳು ಮತ್ತು ಉದ್ಯಮಿಗಳು ಈ ಸಮಾರಂಭದಲ್ಲಿ ಭಾಗವಹಿಸುವ ಸಾಧ್ಯತೆಯಿದೆ ಎನ್ನಲಾಗಿದೆ.
ಲವ್ ಬ್ರೇಕಪ್; 21ನೇ ವಯಸ್ಸಿಗೆ ಜೀವನ ಮುಗಿಸಿದ ಪ್ರಖ್ಯಾತ ಯೂಟ್ಯೂಬರ್!
